你

我

I need some refreshment

老實講，我今日真係想砍人！

人生不能避免的一件事

究竟是什麼道理？我仲要交咁多稅？有冇搞錯？
同埋我今個月心情真的壞到透了。唔係厭世，不過有點累。

我想去台灣

可以嗎？

舒困措施？屁呢！

你老x！呢個都唔知係咩世道。以下係政府係2009年5月中的公佈一些舒困措施：

1.公屋租戶寬免多兩個月租金
2.生果金、綜援申領者額外獲一個月津貼
3.綜援家庭學童九月獲發1000元開學津貼
4.延長兩季免差餉，即今年全免
5.中小企貸款額及擔保成數均提高，但政府一定不會百份百作擔保。

1. 呢個我冇咩異議
2. 生果金我都冇異議，但綜援申領者額多一個月津貼的話我就唔係好明！我o既思考點係，第一，針對拿全數津貼的，我睇唔出咩理由去出 'double pay'，因為如果你係同我講綜援申領者唔夠錢駛，咁應該唔駛金融海嘯都唔夠錢駛。我假設係拿全數津貼的，應該係未有工作的，那由何來失業？又唔通綜援申領者係有大量o既儲蓄？可以買到0005.hk，可以12供5，可以買迷債同 accumulator?而由因為呢o的投資令到佢地生活受到好大o既影響？如果你話物價貴o左唔夠駛，我認同，近一年的物價的確貴o左好多！對基層巿民的確有很大影響。咁問題應該係出於政府的每月津貼金額，而非一個 double pay 就算數！咪耍我地巿民！我從來都唔反對政府有安全網呢樣o野，但要用得其所！
部份津貼的，呢個比較複雜，因為呢個 pool o既人仕係有收入的，但又真係會受到金融海嘯影響。但佢地出 double pay on 部分津貼o個部份，唔知對拿全津的有不公平的情況。
3.多一千蚊駛就梗係好喇，不過，理由同 point 2 一樣。咪派粒糖仔就扮好人！同埋個出發點好似有問題。
4.呢點總算對中產/有物業的人仕有少少的恩惠，但係如果好似我呢類人仕，又冇得供養父母(父母唔夠砰)，又冇得供養兄弟姊妹，又冇樓。咁我即係食蕉喇！鬍鬚曾，你有冇認真諗下我呢撮人呀？
5.呢個即係要有 chain reaction 咁去保住打工仔個飯碗。同政府第五點佢尾o個句一樣 lor，都唔係百分百擔保！

我真係唔知呀司長你做咩Q。我一個月都兩日 no paid 又減double pay，即係年薪九折出糧！政府有冇幫過我？我想要番份 full paid 咋！仲話 double pay！？六四前夕就想派粒糖仔去氹香港人？咪傻喇！話晒我同你班司長都一樣係港英餘孽。唔係咁易被你坤到！

windows vista 真的太垃圾

一部 pentium d 9xx + 1gb ram 由開機到 stable 的在視窗中要超過4min. 真係慢到無朋友！
我部 pentium 4 + 1 gb ram 係 xp 真係暢順到不得了。

ps2 個插頭可以插到針都曲埋？真係離x晒罩...

housework

拖地+吸塵係要55min.

要換眼鏡

根據小弟對自己的八字的一番解讀，還是換一副配合五行的眼鏡方為正道！

同埋，我實在頂唔浦 Safari 的無理使用失敗，都係 firefox 比較可靠，Opera 可以一試！

我要積極！
我要積極！
我要積極！
我要積極！
我要積極！
我要積極！

Safari

究竟用新 browser 對轉運有冇幫助呢？

又用黃子華的一席話：

一o的唔搵錢o既潛能(或技能)，其實即係唔係無能呢？

人地做 Semicon 話有錢賺，我公司就屈到o的廠都唔想同你做都仲係冇錢賺，咁究竟慳埋o的錢去o左邊度呢？Vice VP 有廿個美金一年，咁其實係多定少呢？一個頂十個 engineer，但暫時又未見到有單返o黎。未計 R&D 同其他 running cost，小弟都唔知邊度搵張有 200K profile o既單返o黎...

我對呢個超高增值o既行業係香港o既發展簡直係失望！第一，businessmen in hk want to make fast money! 第二，香港跟本冇 support！學界好多時同 real world/manufacturing 脫節，做得到唔等於 cost effective to be mass production。鐘意睇風水o個間半官方機構好似又同現實少少脫節，理論多於實際，我只係想知道點樣可以 mass production 同幾錢，佢永遠都係搵o的只做 engg. sample 或者未 mass production o既 technology 返o黎，托咩！我真係唔知所謂o既 bridge 係點做。所以咁大間o既冇得撈喇係香港 run 呢行都一樣收皮。

另外，有位朋友問起費事攪係咩東東。咦，老兄，你係唔係做電子o架？

脾氣開始異常。對唔住，得罪晒喎。

Start of lonely holiday

lonely...