Retrieving Windows product key in command prompt

 wmic path softwarelicensingservice get OA3xOriginalProductKey

Windows 7 Certificate 過期之迷

 起咗個 VM with Win7, 點知去好多網站去話 SSL 張 cert 過期或者 invalid。連去 Microsoft o既網站都一樣。估計係之前 SSL 好似更新咗個 version，導致到一堆 cert no longer valid，係連 root 張 cert 都 invalid。搞到連啲 clickonce o既 app 都裝唔到。

最終好彩都俾我 search 到 solution。就係裝翻 Microsoft o既 KB update 喇。

Windows6.1-KB2813430-x64
Download Security Update for Windows 7 for x64-based Systems (KB2813430) from Official Microsoft Download Center

Windows6.1-KB3004394-v2-x64
Download Update for Windows 7 for x64-based Systems (KB3004394) from Official Microsoft Download Center

Windows6.1-KB2677070-x64
Download Update for Windows 7 for x64-based Systems (KB2677070) from Official Microsoft Download Center

裝完就應該藥到病除。屌。。。搞咗三個鐘以上去搞原因，上網又搵唔到人講呢個問題。仆你街，唔同得我先遇到呢個問題？

Unifi Controller 由 DSM 的 docker 轉去 Oracle Cloud

唔知咩原因，突然唔想個 unifi controller host 喺自己個 docker 度。於是乎上網睇有咩解決方法。

原本係想買個 Unifi Cloud Key 解決算數，諗住放返喺自己個 intranet 度。Cloud Key Gen 1 好似俾人投訴有問題，跟住就睇下 Gen2，但Gen2件嘢又要成 $179。二手o既都成一舊水。跟住上網問下啲網友，佢地個個都話唔值得買，問我想點。跟住就變成 host 喺 cloud 度。

其實原理就係用各大台o既 virtual machine, Azure, AWS, GCP 或者係 OCI。而我呢次試用 OCI。

我就係跟住呢個 Github link 去做：https://github.com/MallocArray/Unifi-OracleCloud

就當你成功起好個 VM 同 Unifi Controller 之後：

1. 首先係去原本個 controller 度 backup 返個 configuration 出嚟。
2. 然後就去新個 controller 度 import 返個 configuration。
3. 再 SSH 入去你每隻 AP 度 set-inform，指返去新 controller o既地址。

等一陣，啲  APs 應該會斷一線，再過一陣，一切就回復正常。再去新 controller 度一 check, 啲嘢 up 返晒。

有兩樣嘢注意：

1. Unifi UI login 要開返 2FA，以免俾人撞中密碼。
2. OCI 起佢嗰時記得入個 SSH public key。咁當然首先要 generate a set of SSH key，咁樣你個 VM 即使面向公海都會相對安全。

呢一次o既操作令我叫做跟返上個潮流玩 cloud service。歡迎有緣人交流交流下。

How to reset toner counter in Brother HL-L2370DW

Remember to remove the small PCB (the chip) from your old starter/genuine toner and get it installed to your new 3rd party toner replacement.

1. Open toner cover
2. Press and release the "Back" and "Green" buttons at the same time and then press the "Back" button again.
3. "TNR-STR" will show up
   
4. Use "UP" or "Down" button to select "TNR-HC" and then press the "OK" button
5. Printer should display "Reset" and "Exit", Choose the option to reset.
6. The display will briefly say "Accepted". 
7. Close the printer's front cover. 

 Here are the options that will come up on the display:

TNR-STR – starter toner cartridge
TNR-STD – standard capacity toner cartridge
TNR-HC – high capacity toner cartridge
TNR-S.HC – super high capacity toner cartridge

X230 BIOS downgrade from 2.77 to 2.6

Easy downgrade, no hardware mod and just typing some easy command in command prompt. The stupid Lenovo tries to prevent you guys to downgrade BIOS.

1. Download BIOS update file ver2.6 (.exe) from Lenovo (https://support.lenovo.com/us/en/downloads/ds029187-bios-update-utility-bootable-cd-for-windows-10-64-bit-81-8-7-32-bit-64-bit-xp-thinkpad-x230-x230i)
2. Execute the downloaded file.
3. You will get an error saying like 'system number does not match blah blah blah'. Just exit the program.
4. Go to C:\DRIVERS\FLASH\g2uj17us just created
5. Go to command prompt, winflash64.exe /sd /file C:\DRIVERS\FLASH\g2uj17us\G2ETA0WW\$01D3000.FL1
6. The computer will reboot and flash the version you want accordingly.

You have to use BIOS ver2.6 to remove the whitelist checking.

iLO4 latest firmware

https://pingtool.org/latest-hp-ilo-firmwares/

原來仲有更新，由 2.54 升到 2.7。無問題。要解壓兩次攞到個 ilo4_270.bin upload 入去。

NAS 升級 - HP Microserver Gen 8 CPU upgrade

其實呢篇係補完，CPU upgrade 喺上年己經搞掂，不過都想呃個 post 做個紀錄。

話說上年十月臨回鄉探親時，去淘寶買粒舊 U，佢就係 Xeon E3-1220L。用得 Xeon，就梗係放入我部親愛的 microserver。部 microserver 原本係一粒 Celeron。網上好多人有教學講點 upgrade 個 CPU。

升級o既選擇要點係
- FCLGA1155
- 低 TPW
- 唔駛換 heatsink / 唔駛加風扇
- 勁過 Celeron

其實網上好多人都介紹 Xeon E3-1265L v2 。但係佢實在有少少貴，所以最終買咗粒 E3-1220L。少咗o既係internal display。反正底板都有 display chip，所以就由得佢。粒 E3-1220L 話晒都 Xeon 系列，processing power 點都一定勁過 Celeron。雖然 clock rate 慢咗 0.1GHz，但 TDP 由 35W 跌到得 20W，Max Temp. 由 91 DegC 跌到得 77.5 DegC。2 HT 變做 4HT。

總體成個 upgrade 過程無咩難度，鬆 screws，拉出底板，拆甩個 heatsink，取出 CPU，放上新 CPU，加散熱膏，上翻 heatsink，推翻個底板入機，開機，確認 CPU，搞掂。

其實我都係手痕多過實際需要。。。

HP Gen8 Microserver NAS - 黑氣再臨

好喇，當你拎到條 power cable 同 2.5" HDD 返屋企，諗住興致勃勃咁玩一輪之後，最精采o既部分終於出現。燈燈燈凳~~~ 我 居 然 無 S A T A c a b l e！！！

我真係屌咗一聲，跟住咩都唔整，將所有o野放埋一邊就算。

對我嚟講，真係一種好深o既打擊，我玩咗電腦十幾年，真係唔會因為無 cable 或者唔會接受到因為無 cable 而無得玩。喺香梘嗰時，啲 cable，火牛多到可以派街坊。果然人離鄉賤，居然被一條 SATA cable 收咗我皮，我真係無話可說。唯有死死地氣咁走去 ebay 買翻條。$0.97 連運費，我極到懷疑佢係點運作... 郵費都蝕埋俾我，唔通佢係透過 ebay 買家資訊去收集個人資料？

HP Gen8 Microserver NAS 前傳 + 德國網購經驗

小弟一向都有玩開 NAS，第一次入手o既係部 QNAP TS-209II，但自從試過一次錯手將 reset system 以為係 reboot system 之後，就決心放棄呢個牌子。當然，因為覺得佢啲 package apps 太廢，又 mod 唔到，所以收佢檔。

之後就試過用人地唔要o既 notebook 去做 NAS + BT machine，試過 FreeNAS 同 OpenMediaVault，最後都係覺得 OMV 就手啲。將 OS 裝係 USB driver，boot 起部 notebook，再拆個 cd-rw 出嚟，裝個 HDD-tray 去加 storage，效果唔錯，用電量唔高，只係佢o既擴充性太低。HDD tray 只能容納 2.5" HDD。唔想加個外置 HDD 咁肉酸。

最後都係頂唔順，就買入一部 HP server 去玩 NAS solution。當然，唔係咩勁 server，佢只係部 microserver，HP N40L。咪睇佢係 server 就以為佢好貴，佢只不過成惠港幣貳千大圓正，同埋買咗啲 RAM 作為 upgrade。仲平過一部 QNAP/Synology o既 2 Bay NAS。不過，當然有代價喇，就係要自己搞掂個 OS。唔同人地啲 NAS 咁，插隻 HDD 入去即刻用得。身為半 IT 人o既我，最鍾意就係攪屎棍，試 OS 我就最鍾意o架喇。試過 WHS2011，OMV，DSM 後，發覺 DSM 都係最 user friendly，又兼且 stable，咁就一直用 N40L + nanoboot + DSM 5.0 呢個 solution，個 server 開咗都應該有 3 年，無事無幹。安裝詳情好多地方都有介紹，我喺呢篇 blog 就唔講住，留翻 Gen 8 部新機度講。簡單啲去理解就係用 nanoboot (linux core) boot 起部機去扮一部 Synology NAS o既 environment，然後就裝個 DSM 上去，我只係做實驗，唔好問我關於版權問題。

我部 N40L 無玩 RAID，因為我覺得唔需要：RAID 0 係加速，但死一隻 HDD 就 data 全死；RAID 1 係 mirror，用嚟減低 downtime；RAID 5 玩 parity bit，去減低因為壞一隻 HDD 而做成的 data loss。以上三種都並非 backup，我再重申，RAID  並唔係一種 backup，唔好再拗，你唔鍾意聽就算數。明o既就明，唔明就聽我講，實實際際咁買多隻 HDD copy 啲 data 出嚟。家陣啲 HDD 平到傻，咪再慳啲無謂錢，記得，相片係無價，唔好 take risk。自從 data loss 過之後我就有 3 個 copies。其實你如果有個信得過o既朋友，直頭同佢 rsync 就最 perfect。off-site backup 其實都好緊。

好喇，點解我要買部 Gen8 Microserver？因為身在外地，想同老婆家姐一家做個 NAS solution，人多 data 多 device 多，現今世代有個 NAS 中央處理 data 同 backup 實在係好事。加上，我又可以玩下嘢，remote site backup 我香港 server 啲相，實在係一石幾鳥。同埋最緊要夠平，你諗下，一部 HP server grade o既主機呢次只要 EUR193，兩仟港幣唔駛，你仲想點？呢次我都一樣買條 8GB RAM 去做一個小 upgrade。記得要買 ECC non-buffered RAM，唔係用唔到o既話唔關我事。

呢次我就喺一個德國網站網購，http://www.computeruniverse.net，有興趣自己去睇下，佢 gen 8 microserver 賣得好很平，同埋有啲 LEGO 都係好平。所以我有順手買埋 :P。留意翻，LEGO 唔係所有series 都平，只係 technics 同火車比較平啲，自己格下價喇，終之如果連運費平過 shop.logo.com 或者 hk.auctions.yahoo.com 就係叫做平喇。

long story short，呢個網雖然好似流流地，但我係收到貨的，所以可以放心購買。記得，我買咗兩盒大 LEGO，一個 server，一個 Dyson 配件，夾埋先 EUR29 運費，寄香港或美國都一樣價，另外，credit card 付款俾多 EUR 1.x，Paypal 就EUR 2.x。想小啲煩惱我就建議俾 Paypal，直接 charge EUR，咪用 Paypal 轉 HKD/USD，佢地個 Forex rate 差到爆炸，咪中伏！我就係中咗招。。。仲有 credit card 見你大 amount o係外國網站買嘢，佢會以為被人盜用，唔 approval 個 transaction，個網站係人手去 card center 攞 approval，如果唔順利佢會 send email 叫你 update 或者對一下 credit 資料或者轉 Paypal，但因時差問題，來來往往 email 可以玩你幾日，我就因為咁而玩咗四五日，真係吹到 B 一聲。

講咗咁耐，我呢次最大筆金額o既網上境外購物終於寄到家姐屋企。等我返去再做開箱文。

我的(新) notebook Lenovo X230

話說小弟終於有部新 notebook，我是從 Craigslist 尋寶回來的。

小弟離鄉別井後，一直沒有自己擁有一部專屬電腦，只是常常流動的使用老婆的 HP 發燒 notebook(佢成日好鬼熱，個風扇成日都好似開 turbo 咁都散唔到熱。仲有就佢個入風位做到超差，你平放張枱度佢都會自動 overheat 到自動關機，你話我起唔起火，所以我成日都同人講千其唔好買 HP notebook，買 dell 好過)，或者係姐夫家的 chromebook 或 dell。當然，我老婆部 HP 係平機款，但我都係覺得唔應該會過熱，枉佢仲係 HP 產品。

講翻我部新 notebook，佢極度新淨，最終賣 USD$400。Config. 如下：
Intel i5 3320M 2.6GHz
4GB ram + 4GB ram (upgraded by seller)
Samsung SSD 840 EVO 250GB (upgraded by seller)
USB 3.0
Fingerprint reader
Bluetooth 4.0
Webcam
HD4000 display
12.5" 1366x768 monitor
Ultrabay Series 3 docking with DVD-RW
6 Cells battery
another 6 cells spare battery
Notebook bag

部機仲有 3 個月保養！我知道呢部機唔係新機，佢仲係兩年前o既機款。但係呢個 config 對我嚟我好似真係夠用，同埋，佢已經係 SSD，真係開關機真係爽爆炸，同埋，個指模開機真係好過癮，辨認率十分高，直頭一揭起個 mon. 就可以 scan fingerprint 開機，入到 windows 仲可以自動 login 埋添。我用咗兩個多星期，真係無咩投訴。速度一流，又唔熱，又暢順，又無咩嘈音，又輕，仲有我好 like o既小紅點。唯一投訴就係佢個 keyboard 係無 backlight 的。又可以重拾 IBM Lenovo X series 啲情懷，真係好開心。

唔知，呢部機我會用到幾多年呢？

Thinkpad Factory Recovery Disks reset

話說小弟終於忍唔手買入了一部挺新的二手 X230，成惠USD$400。8GB ram，250GB SSD。仲有三個月保養。

小弟鍾情 Thinkpad X series，一切源於 X41 開始。

入正題，話說想同個 recovery 做翻個 backup，好讓第日換 HDD 都可以用翻原裝 recovery 同 windows。問題嚟喇，佢只可以玩一次。但上網就有教你點去 reset。特此紀錄。

1. 先在 cmd 下打入

echo 0 > Q:\FactoryRecovery\RECOVERY.INI:Done

2. 去 Q:\factoryrecovery (要去"Window檔案總管-->工具-->資料夾選項-->檢視,將"顯示隱藏的檔案、資料夾及磁碟機”剔咗佢，"隱藏保護的作業系統檔案"取消剔),之後喺裡面加返個檔案 "cdrivebackup.wim"(我既做法係攞"sdrivebackup.wim"嚟改名)

咁就成功 reset！

Another programming learning website

https://www.thenewboston.com/ 呢期真係有排玩！

Apple Macbook

這次 Apple 的最新發佈，雖然 Apple Watch 是眾多人的焦點所在，就連 Apple 自己的頭版網頁也是 Apple Watch。但令我喜出望外的卻是 MacBook。這次 MacBook 比 MacBook Air 更薄，而那金色，對我來說真的是有點貴氣耶！我本身對 MacSafe powerplug 極之欣賞，雖然說新的 MacBook 沒了這個設計，換來只有一個 USB Type C 的 interface 跟一個 earplug。但它就是能給你一個字：薄！但仍有notebook甚至更新的效能和使用體驗，你還可以投訴什麼？這次無論電池、Keyboard 本身都有重新設計，有 technology breakthrough，我覺得抵讚！ 這才是像點樣的 Apple 呢！

Apple Watch 之我感

小弟也算是半個果迷，細細嗰時已經好鍾意彩色o既蘋果 logo。好記得中三嗰年，香港嗰時仲會係會展搞 MacWorld Expo，我估多人都唔記得囉。好記得嗰時仲有款 product 叫 Virtual PC，唔係家陣 software o既 Virtual PC，而係專為 Mac 機而設o既一張介面卡，插咗佢入 Mac 電腦就可以模擬個 x86 environment 去裝 Windows 95。你都咪話唔犀飛利。仲有，就係 20th Anniversary Macintosh，嘩，嗰時簡直係驚為天人，你諗下，當全世界都用緊CRT mon.，notebook 都未流行，居然有部 LCD mon. o既電腦，仲有個圓筒形o既 sub-woofer。簡直令我個呢個靚仔趨之若鶩，一世都記得，唉，iMac 喎，Design 計跟本就無得同佢 fight！我仲幾個同學一齊拎咗勁多 survivor，又衫又筆又襟章，仲有大大個 Apple 黑色底，彩色蘋果 logo o既紙袋，真係型到爆炸，雖然無蘋果電腦，都拎佢個紙袋嚟扮 mac user。

時至今日，我都叫做有過 iPod mini，mac mini，iPhone。第一次買 iPod mini，好似係一千六百幾，仲係 aluminium case 銀色4Gb，係小弟平身第一件蘋果產品，買嗰刻係好興奮，但熱情勁快退卻，因為我唔多鐘意佢個 iTunes。

Mac mini 呢，嗰次我係買二手，但仲有保養，condition 仲好好，返到屋企先發覺我屋企個 mon. 係無 DVI，得 analog，仲要無 usb keyboard。即時呆咗，因為無得玩...好啦，終於搵到 DVI，又搵埋 USB keyboard，用落，好似又無我想像中咁好用喎，啲人之前講到神一般咁好用，唔知係唔係被 Windows 塗毒得太耐，對住個 MacOS 真係用唔慣，仲有幾個死症。第一，佢真係有啲熱，個散熱唔係幾好。第二，即係我 boot 去 windows 或者 virtual windows 個 user experience 太唔理想，我唔覺得細妹會用得慣、太慢同 lag。第三，我細妹要係電腦度睇電視，PC 就好簡單，買隻高清 TV 手指兩百幾蚊就搞掂，Mac 機專用的TV tuner 無六百幾八百蚊都唔駛諗。咁你叫我呢個窮工程師點轉系統呢？玩咗都無三個禮拜就賣番出去，仲有錢賺添，就咁就結束咗短暫o既 mac user 生涯。

時至今日，成日都想心思思買部 iMac 用，但真係怕又重蹈覆轍，買番嚟又唔啱手形，所以我好主張電子嘢買二手，降低'試用'成本。唉，真係由細到大都買唔起蘋果電腦添。

時興 wearable device，我都唔執輸，有條 Jawbone UP2，其實佢都叫唔錯，佢計步算幾準，監測睡眠狀態都幾令人滿意，基本我無投訴。家陣，周街都有，咩 fitbit，小米，jawbone，nike，addidas，總之一大堆唔同品牌都做緊唔同款但功能上基本上無分別o既產品。

萬眾期待，Apple Watch 即張發佈。但小弟覺得佢唔夠 amazing。有兩個致命原因：電力繼般能力不足；第二，佢居然無 GPS，要靠 iPhone 去收集 GPS 訊息。如果我有現在巿面o既健康手環，我實在未有衝動去買隻 Apple Watch 來看個究竟。反而我更鐘意 Moto360 個圓形設計。如果 Apple Watch 係圓形 perfect 了，有齊錶應有o既 iconic shape 同扭制。

如果 Apple 早兩年出呢隻錶o既話，我可能唔介意佢係方形，但家陣 Sony，Samsung，LG，Pebble，各大大小小的公司也是四方形，Apple 係外形上未能第一時間同其品牌做到與別不同。反而，Moto360 外形上不走大眾路線，相對比較突出，當然，我唔排除佢個圓形 mon. 係用翻 n年前佢 Moto V 個圓形 mon. 技術，我都真係想有識之仕話翻俾我聽係唔係。

GPS 我覺得好緊要，因為我如果去跑步踩單車做運動係有機會唔帶電話，你有 GPS 咪可以做埋 tracking，知埋我跑幾遠同跑幾快。但你要 link 埋 iPhone 先做到的話，sorry，我諗我呢刻未有衝動去買囉。