美國油站奇遇

又一美國經歷
話說小弟一心去入平油，去到 Johnsburg 的 BP 油站，眼見 $1.99。嘩！眼前一亮，不加思索就衝去入，仲要打爆佢唔該。(呢句係同自己講，因為美國絕大部份o既油站都係 self-service的)

咁第一時間仲要用埋剛剛登記好的 BP reward card 平多 $0.1 /gallon 啦，拉完張bp卡，問用唔用 discount,梗係用啦，就係等呢一刻之嘛。再拉張信用卡，waiting for authorization...等咗好x耐，仲有個女人老遠咁問我得唔得添。我話ok。睇佢應該係油站便利店的店員，出嚟打邊爐的。等呀等，等呀等，都唔知做咩 wait 咁耐，突然得咗，咁咪入囉。入完油。等攞 receipt。但係又咩都無喎，想keep番個 record 睇下自己行幾多同埋洗咗幾多錢嘛。成鬼日都唔出紙，好鬼邪，我成日都無紙出，香港ATM又係咁，美國入油又係咁。

既然無紙出，咁我咪走人囉。懷著愉快心情繼續開車。都唔知有咩咁開心。入油 = 消費，成日想入油 = 成日想駛錢，痴咗線...

返到屋企，又開飯。食飯中途，有人打嚟。問係唔係有架車行經 Johnsburg。咁咪即係我，即刻勁淆底，唔通 speeding，或者撞到人唔知！？呢次唔係咁x街嘛。Officer 再講，原來話我入油無俾錢！！！WHAT!?頂，明明係你個揼自己揼油，又關我無俾錢咩事。正常美國入油，有兩個 payment 方法：

1. pay outside/ credit/ debit
2. pay inside (cash)

方法1：拉卡，authorizate 到，問你揀 grade,拉油槍制，入油，彈槍，放翻支油槍，攞 receipt。
方法2：入去 cashier 講幾號油槍，先俾 cash，佢就會開油揼，揀 grade，入油，你先前俾底 $10，咁你就可以入晒 $10 油，如果你入得5蚊就想停，咁你就可以放翻支油槍，入想鋪頭，攞張 $5 receipt 同埋找番 $5 俾你。

咁我明明有拉卡，你就唔好開揼俾我喇，我鬼知你開俾我定張卡開俾我呢。咁唯有死死氣咁同 officer 對話，攞 ref. number 同電話，再打去油站約時間去俾番錢。

唔知的話真係俾佢嚇死，呢次先入咗唔夠 30 蚊油...

最爆笑o既係，經理房度仲有一堆未找數的 receipts。睇嚟呢個油站真係有啲問題。怪不得成鬼日都有架警車橦係度。我估都係呢個問題居多。

美國 Gasoline

原來美國油站啲油價真係間間唔同。話說小弟大本營在 IL，返工就 WI。一程要59 miles，開車都要 1 hr. 20 min.，都咪話唔遠。沿途都經過好幾個油站。基於我咁鐘意格價o既行徑，我又點會放過佢。

我一心以為 Costco 叫做平，點知比我搵到個仲平。Costco 要 2.19/G, Johnsburg 間 BP 只要 2.05。仲有油卡可以用。你話係唔係好平呢。又話 IL 啲油貴，呢次我覺得仲平過 WI。但突然醒起唔知 after tax 係唔係真係咁抵呢。下次再計下先。

補充：我行緊 29 mpg，2400cc 的日本車。