圖書館

小弟今日心情好，決定到馬鞍山圖書館巡一圈。無錯，小弟住係馬鞍山成廿年，今次都是第一次到馬鞍山圖書館。話晒都係 citizen o既福利，其實香港的圖書館都算是一個寶庫，可以說是應有盡有，只是可能想要的書總給人外借掉。

架上居然仲有本《原氏物語》，當然一個箭步就它拿下，再一個反手拿下江小魚的《魚江火熱辣》。甚是滿足。

對江小魚的書，小弟的確係---看不明白。
原氏物語，i love it so much!

很有體會，當時林氏於《信報》有篇文章批評 tom.com(當時仲係8001.hk)。還看今天的ＴＯＭ集團 (2383.hk)。還有長江生命科技(8222.hk)，當時母公司還向《信報》致函(2001年)，說如果股民繼續持有，股價已翻了一翻。時間證明一切。它，依舊存活在創業版，而股價就...

小弟對 CK life沒甚研究，不敢評論，但原氏、老曹的文章卻是值得一看的！

友人

一星期前，出席友人的飯局。成檯人都是十多年的同學，聚首一堂，甚是難得。

以前，小弟在心中有一個問題：究竟多年沒見的朋友究竟怎樣，生活好嗎？工作好嗎？
當日，談天一番，自有領會。人，每天在變。嚇然發現，除了年歲變大，友人們其實可能沒甚大變，同樣的生活，同樣的地方。然而，變得最多的，反而是自己。沒錯，人總是容易迷失，總是想別人，著眼別人，但又有否著眼自己？

突然，明白甚麼是距離。就是所接觸的人不同，事不同，令圈子不同。就這樣，人與人就越行越遠。

每年的Q3

小某有小發現，就係每年的Q3都係小某的出差旺季。上海、南京、台灣，今次仲去食Kimchi。忽有奇想，究竟咁年紀尚輕就成日周圍去 trip，會唔會透支晒第日出差o既 quota呢？

大吉利是~~~

千杯不醉

今天，我和同事去喝個痛快！

為何，每當我個某個同事想混熟的時候，他就要離開！

喝不醉，不是很捧的嗎？為何最終像是要被罰的哪一個？連拳手也投降．．．是我今晚發了癲，還是在做什麼樣？最終，我零晨五點回家。還送了同事回家！

究竟，我在做甚麼？

友人考車仲未 pass

唉...
等了又等。

等等等...

電話

昨晚偶爾看到電視，說香港的流動電話滲透率 over 130%。實在驚人！

小弟早前到雲南自由行，感覺不錯。還記得，山區的人家，全都有流動電話，反而不用安裝固網。因為山區要安裝固網，實在有點困難和涉及高昂的費用，因此流動電話就完全解決這問題。

真是呢，多點出外，多點留意事物，令人有新的思維。多看不同的文化和習俗，可給自己多一點啟發！

今天快七點的時候，共撥出四個電話，居然沒有人接聽。心在想，究竟電話拿來幹嘛的呢？

投資心得

心得又唔講得，不過算係少少分享。

都是老掉牙的那句話：買入優質的股票(或管理層)，你是不用操心的，因為會有人為你的投資埴值。

買入0005.hk，我從來沒有擔心過。
0019.hk 也是我的 dream company
0087.hk X5 = 0019.hk。 if not, just buy the cheaper one!

細價股，升得急也跌得快。令人擔驚受怕的日子也不是好受。

没有出Trip的日子

很是懷念從前常不在家的日子，就當是refreshment吧。

其實，小某對現在服務中的公司，實在有點不滿！有大公司的作風及態度，卻沒有大公司的規模。股價大幅下滑也不無原因！勸朋友一句，都是先不要投資晶x科x。

既然公司trade off 了我，又冇得出 trip。我決定再留意 Market。唯一值得我留戀的，是公司的 ISO system 和 production flow，叫做仲有o野學。同埋，有o的同事對我都算不錯。

正所謂，國之將亡，必有妖孽。請一堆 manager 返o黎係用o黎講o野，而唔係做o野。是不是所有公司都係咁？拿咁大份糧，又無膽背鑊，食蕉喇。

有問題，有冇call meeting呀？call meeting=solve problem？開會時，個個都好似去趁虛咁，分享會呀？開十幾個會都冇outcome同 conclusion。最後仲問返我有咩意見。大佬呀，我做o左一年engineer咋，個個坐係度都做o左十幾廿年，問返我轉頭，又係我自己 make 番 decision。咁我開會o黎做咩？開 show 咩？

風高浪急(續)

小某早前已把0076.hk 放掉
0076.hk@0.405x40000=HKD$16200
賬面蝕 HKD$650+220(手續費)

0279.hk@0.188x80000
現價收 0279.HK@0.21
賬面收 HKD$1760

對於南海石油，冇咩 comment，只係怪自己冇捉緊消息。其實可以再放多一會兒。
民豐，只是不甘心賺了 11%。

想買 Macbook Pro

戒掉壞習慣 (from 曹仁超)

希望和朋友分享由曹 sir 對時下年青人的建議：

1) 愛看長篇電視劇

2) 愛行街睇o野

3) 愛賭馬、打麻雀、吹水飲o野

Foleo 跟 iPhone

Palm 出了一部叫 Foleo 的物體，本是 Palm fans 的我，也怕這次 Palm 會永不翻身。
體積太大
電池用量未知
應該係行 Linux

另一邊箱，Apple 也準備出 iPhone。呢部係我o既 Dream 機。
唯獨有兩個 concern
1) 能否 support 中文
2) 能否加裝其他 program

又或者咁講，Palm 將部 Foleo o既定位係 smartphone o既延伸。究竟有咩係 smartphone 做唔到但係 Foleo 就做到呢？而 Foleo 做到的，又係唔係佢o既 killer app.?如果 iPhone+Foleo 一齊用，又會唔會好正呢？

Apple 的網頁可以睇番 Apple 的廣告。真係把 PC '串'到一楝都冇。
http://www.apple.com/getamac/ads/

今日一事

話說今日晚上八點多開始出動去吃晚飯。途經永安旅遊，經已關門。心想：咩咁晏喇咩？
一路行，再經過康泰。看見雲南團只需二千七百幾蚊起。心想，入去問一下睇下有冇新疆團。一入門口，有兩個人係我前面，咁我好有耐性等o個個 agent serve 完o個兩個客。之後，o個個 agent 就同我話：閂o左門喇喎！

我第一個反應係：好唔高興！

我唔係嬲佢閂門！我係十分唔高興佢話我聽o個下o既能度！今時今日咁o既服務態度，直頭係倒公司米！不過唔緊要，橫掂我都係慣o左自由行！我一直對跟團都冇咩好感，今日，我更加肯定！

風高浪急

0076.HK@0.42x30000
0076.HK@0.42x10000
= 0076.HK@0.42125x40000
現價收 0076.HK@0.38
賬面收 -HKD$1650

0279.HK@0.188
現價收 0279.HK@0.203
賬面收 HKD$1200

後悔的是，我今天沒有按照原定，放掉南海石油。

一年

小某於晶x終於服務滿一年，心裡沒大感覺。

放棄中信銀行(0998.hk)，投入南海石油(0076.hk)。但係今次又再度中伏。成日都唔記得期指結算日...明天也許只好閉著眼，不要看股巿好了。

屋企廁所終於重開，很好。

再見了

我的 60GB HDD 終告死亡。

最慘的是，我已花了七百多元去買一個新的 HDD 去做 backup。只差一步便能救回我那 5xGB 的資料。

一天有幾重打擊。I want to say the only word：fcxk!

戶口直線下降

點解同阿媽 loan o左 15k 之後，cash flow 都仲係接近 hkd$o?

唔通我抽新股的方法有問題？攪到自己冇晒 cash flow?成日得番o個幾叉o野。想捉下細價股都唔得...

BBQ

早前，中學同學搞了一個舊校 BBQ。

有點想去，因為很多對舊同學或者朋友的印象或記憶都只停留在幾年前的影像。都很想看看今天的同學們朋友們是怎麼的模樣。但最終我都冇出席。

首先，我要很多謝多謝一位友人的邀請。他常常出力叫我出席飯局。多謝你！

不去原因：
1. 那位阿 sir，我根本和他不熟。說白一點就是討厭他！因為佢係一次足球場上說我'你點踢波o架！滿帶不屑與譏笑！對不起，我係好很記仇的！
2. 好很覆雜的一場 BBQ，算吧！
3. 在小肥羊家

綜合以上原因，冇出席。

心情不同了

小時候，家境一般，叫做三餐無憂。對於零用錢久奉的小伙子，更別想到外地旅行，什麼迪迪園、什麼到外地滑雪之類的東西，我不覺得是一會什麼的事，因為我根本沒有想過原來有這樣的東西。當然，我也沒有跟父母嚷過要去旅行。曾幾何時，也有想過究竟坐飛機的感覺是怎麼樣？也許這就是叫做'恨'坐一次飛機吧！

今天的我，因工作關係，久不久也要到外地工幹。我想，坐飛機的次數也許比坐輕鐵多。(不是住在屯門、元朗，哪會常常坐輕鐵？那在吹牛呢~~~)

不過我真的蠻喜歡坐飛機的感覺，喜歡在外工作的感覺，定還是我喜歡不在香港的感覺？

A-Bike 快到手的前一晚

雖然晶x科x發放了員工 bonus，但我一點也不覺得十分興奮
1) 它根本是人工的一部分。本身就比巿價有點低
2) 這次的 bonus 不是一個驚人數字。直頭有點給入職前 HR 騙的感覺

大部分的 bonus 都去了還卡數、交保險。唯有一小部分的，去買了一輛價值rmb555的老翻 A-Bike。性能未明。希望好玩吧！

早幾日，應該是一星期前，是清明。拜新山。無錯，面對碑上那既熟悉又陌生的名字，我不禁也眼濕濕。為什麼以前我不多給他幾個電話呢？

如果個 Blog 名叫做科學園的掛名工程師，個 Blog 會唔會多o的人睇呢？

繼續忙的一天

update 下o的 doc...
放下 on-hold o既 wafer lots

又要準備寫 program o的o野。

返到屋企就立刻整番個 fax 機！唔知係唔係 pccw tune 過o的 signal！話說我係網上爬(斷纜後更加冇改錯名)的用戶，加埋屋係插o左三部電話，一直都相安無事。自從一個月前，發覺成日斷線，咪 call 人出o黎整 lor。

到o左o個日，條茂利打o黎話想早o的上去整。見阿媽係屋企，咪是旦喇，俾佢上去整。查出原因話係 fax 機影響，但又查不到 root cause，話可能o的線老化，令信號唔穩定喎。最後叫佢俾低o的線都話冇... 算喇，咪自己換 lor。點知我今日自己換完都係唔得。心想唔通老豆拉o既線有問題？左試右試之下，發現加個 filter 落去就咩都解決晒！DLS！有冇搞 L 錯呀！我都 check 到喇！阿師傅大哥你 check 咩 L o野o架？就咁我就攪o左成粒鐘！

好彩，我整得番！

再去阿鋼度幫佢夾過條 Lan 線。 HKBN o的師傅又係抵被人柄，鋪鋪夾線就淨係夾四條芯！永遠個插頭就包唔埋個白色膠皮，實易斷喇！

又差不多一個星期沒寫了...

都話o左係堅持唔到o架喇！
今日係公司出奇地好q忙！忙到連個巿都唔得閒睇。2x7x.HK 又累我輸三百幾蚊...都係離場...真係因'錯'得褔！

整埋信件。攪埋保險。

發覺人真係唔夠時間用！又想睇股評、又想睇書、又想搵 software download 俾部 6680、又想睡覺，呢期連報紙都唔得閒睇添。
生日快樂---老套但感人。

自從食完小肥羊後個肚就漲到家陣！呢鋪真係呢...

1919.HK 今日升到去六個幾！心思思想入貨。好彩，六蚊掛盤入唔唔到，原因？下一次揭曉！

22 Jan (後補)

繼續 hea~~~
會唔會被人炒o架呢？

個巿咁o既樣，點入呀？又冇 Cash...

Jackson兄要離開公司，有點不捨得。同埋兩個同事返去深圳同佢吃個飯。
醒o既，做唔耐。
鈍o既，頂佢唔浦。
所以，大陸o個邊流失率都幾大。

又再有機會坐 Subaru。同事說笑話佢買o左部 BMW X5 就送部 Subaru 俾我。梗係喇，佢知我根本出唔到保險嘛！

老闆話生意唔好，點解幾個老細都去換車o既？

去o左參觀 Subaru 車主的家和探探小狗。嘩，隻o野唔駛咁熱情嘛，我係佬o黎o架喎！de-sex o左都仲走o黎捉住我隻腳o黎玩...變態...

原來關口旁邊就有間三島酒樓。真係港燦！

21 Jan

累到反艇。

sleep 到二點先去稻香飲茶。四人行價一百四十蚊，仲可以嘟八達通！

細妹係大埔 Smartxne 度買o左部 SE Z558i。$1480，仲想點呀，咩 function都有齊，唯一不喜歡的就是佢用 M2

再去睇埋生日快樂。

Co Co Duck 呢間o野都幾好，價錢可以接受。叫o左杯 around the world，原因係見佢咩酒都有！但唔留意原來加薄荷的！變成勁難飲的一杯o野！早知要杯 salty dog 或者一杯 whisky 加冰算鬼數！

回家‧‧‧

20 Jan

回家第一件事，睇新買回來的 DVD。誰不知... 唔好睇。或者我對佢太大期望！實不相瞞，暫時我淨係覺得黃子華的才有信心保證！

吃個 Tea，再去吃小肥羊。揼埋骨！

19 Jan (後補的)

hea 住去的星期五。
放工回家吃飯。

之後就去旺角同 el 吃飯。但那間旺角標記樂園真係垃圾中的垃圾！任馮佢係十蚊一碗也是浪費時間！一碗牛腩米線，加送大甲蟲一隻。一碗雲吞麵就加送四粒不熟的雲呑，如此一間食店，都係浪費時間！

睇唔成戲，唯有買碟。買o左隻詹瑞文的一馬當先，很期待去看！成惠一百四十元。
返大埔~~~

18 Jan (後補的)

話說今日有個台灣 vender 過來，夜晚同佢地去食飯。

好o野又有得坐 Subaru~~~
今次就帶 vender 去食龍華酒店的乳鴿。老實講，你問我那裡的乳鴿好吃麼？我會說不太差，但好很好食o既我就唔覺喇，要六十個大洋一隻... 呢次我地原隻上，台灣人原來很少食過乳鴿的... 加上幾個細到無論的菜、煲仔飯(唔夠ssp正)同一個炒麵。'食送'不多，好似唔夠好睇... 話晒都請人食飯。

真係話之你幾十年的歷史喇，今時今日咁o既服務態度、菜的質數同分量都完全同價錢脫勾。仲有，果度係有免費泊車的，不過要俾三十個大洋做泊車費。龍華要結業話，衰o的講句，真係唔抵可憐！

聞說舊公司的一位上海同事來港，目的不明(大概同生意有關吧，無謂八卦)，同前和阿 bon 少相約好出來喝東西。故由沙田坐 Subaru (同事車) 到沙田 ---> 89x (九龍灣) ，會合過後 ---> echo(石硤尾) ---> MTR(CWB) ，間間吧都水靜河非，才十點半呢。之後再一路向前走---> 步行 (灣仔) 間間都係賓賓吧，有間候都唔知o的西人諗咩... 最終找到一間似樣o的o既吧，一人一支喜力... 真係無聊到爆... ---> Taxi (石硤尾) ---> echo(旺角) ---> 小巴(MOS)

一個字... 好很累

渴睡的星期三

今天，終於被同事發現我睡著了。shxt...

要寫 program，睇o黎，都係要夜歸喇。

嘩，曾幾何時，我與 icq 一起醉生夢死！但幾年後的今天，簡直像忘掉它的存在一樣！連密碼也差點忘記了。

死唔信邪...

今日以 HKD$1.74 再次做 2x8x.HK 的股東，希望能夠於公佈業績前賺十個巴仙以上。

今早開完早會，有個同事走過來問了我一下，說：你係唔係澳洲返o黎o架？我個心都想話係！但當然唔係！我便答：唔係呀，點解咁問o既？佢再問：咁你係邊度返o黎o架？我答：我都冇出過去讀書。

不其然一想
1. 我個樣似西人咩？(應該唔係)
2. 我似 ABC/半唐番？(都應該唔係)
3. 咩係本地生不可以在這家公司工作咩？
4. is oversea study a must?
5. 我係唔係需要出國留學一下呢？

這幾個星期，我不斷的想打俾阿爺。不是想講什麼，只是想問一聲：吃飽飯未？對！這句話一說便說了十多年。以前阿媽成日叫我得閒就打俾阿爺，咁我得閒都有打，不過都覺得自己做得很不夠。聞說阿爺從不欠錢，又好怕欠人錢的，對錢都算是緊張的！但臨走前居然問，'o的錢夠唔夠俾威仔擺酒'。每次想起這句話，教人怎會不鼻子一酸？

那一天，我以為自己會忍得住，發覺，都是不成！

奄悶的星期一

星期一，其實真係好很奄悶！
幸好，快快的吃完午飯便小睡片刻，多麼爽的一會事！

眼見很多 Blog 都在討論 iPhone，故我也不用多說！但有些人批評 iPhone 沒用、很貴等等，說它跟本和現有的 pda phone 沒啥分別。我看見這些評論，實在是 i lose my word! 我到底應否笑他們的愚昧？

或者是小某見識淺薄，但我到現在還未有一部 pda phone 是看得上眼的，除了 iPhone！因為我實不能忍受現時 pda phone 的所係 wifi/gprs 上網 (let's take it as baby internet/browsing)。它們只能上網，卻不能瀏覽！如果有 pda phone 去到 hangseng 的 e-banking 或者 youtube，我就話你好o野！仲有，我見有網上的評論竟說 iPhone 沒新意！單單是那個 multi-touch screen，我已經心服口服，我根本不用理會那些連 keynote 也沒有去一下的人的評論。

當然，我對 iPhone 也有些顧慮，就是它的售價及 touch screen 的 keyboard。

我用了一整晚的時間去砌了一副模型。就是小肥羊送給我的一副 EVA 量產型。愛死佢！勁型！但人們都說它很醜。很多年沒弄過模型了！

看回以前寫下的日記，總是有趣！

早幾個星期前，在收拾房中雜物，拿回舊照片出來看。哈哈，時代的巨輪不斷的運轉。朋友們，你們還好嗎？

面對 contact list 內百幾個電話，但 over 95% 都係冇用的，當你悶到反眼都打不出一個有用的電話。夠竟，我的朋友數目係唔係少到發慌？

休閒的星期六

今日原本想去參觀嘉峰臺，看來也是去不成了。

尋晚打開櫃子，才發現我有一個多禮拜沒有把頸鏈項上！唉，什麼也不記得了。

由於太悶的關係，尋日去礸石山的 Hollywood Plaza 兜了一個圈。為的是去電子遊戲機中心玩樂。用了港幣八元打機，但車費卻要 HKD$6.5 (85M) 和 HKD$ 6.1 (286M)。即是 HKD$12.6。這次消滅時的成本比目的還要貴！Efficiency 係勁低！荷里活廣場冇咩點變，唯獨是 KFC 關門裝修。那搖控的直升機好很過癮，但係又唔捨得買！才二百多元啥！我在何時變得那麼手緊的？

最後，我用了二十元去 Italian Tomato 度買了一個雙球雪糕。係芒果加 Rocky，我o既評價係...













好似 Kida Garden 好食o的。

由於 MSN 個 Live! spaces 勁慢！我決定放棄它！轉投(用番) blogspot。

相隔甚遠

見人玩 Blog 玩得咁過癮，自己亦都手痕痕搵番個 Blog 來寫！唉，一找之下，發現自已原來一早有個 blogger.com 的 account. 都話o架喇，不能堅持每日一篇！因為...

1) 時間不夠 --- 人們總說自己冇咩時間，唔夠時間... (借口吧)
2) 心情不好 --- 一個比之前更爛的籍口。
3) 冇咩好寫 --- 是旦喇，咁o既籍口都講得出。
4) 怕得罪人 --- 雖然唔怕死o既一個靚仔姐，都怕得罪一些人吧。

你睇下，我對上一個 blog 係一年多前寫的！仲扮晒西人咁用雞腸寫。懶有深度咁，又講o的唔講o的咁，最後，連一年幾後的自己都唔知係想講咩，你話死唔死呀？