話說為咗令自己無咁自閉，就決定親身試下新科技。
其實我都猶豫咗好很耐，MotoX style(pure) 定 Nexus5X。
MotoX Style 就大芒 5.7"，3GB RAM 兼有得插 MicroSD，16GB flash storage，無 fingerprint sensor, 但全球 4G band 都有齊咁濟，USD$350。
Nexus5X，5.2" mon.，LG製造，2GB RAM，32GB flash storage，無得插 MicroSD，NanoSIM，fingerprint sensor，內置電，保證用到最新 android 系統，with Google Fi project 只要 USD$250
因為想玩 fingerprint，所以加上又平啲又玩埋 Google Fi project，所以就買咗 LG Nexus5X。
超快手，落 order，第二日就寄出，兩日後就收到，我估 Google 積咗好多貨。部機用落都順手，雖然 2GB RAM 但無窒機，可能因為我都無咩裝咩 apps。唯一小小唔滿意係感覺個 mon.比較用電，同埋佢係用 USB TypeC 插頭，即係我全屋啲 MicroUSB cable 都唔啱用，即時要 ebay 買多條嚟返公司差電。同埋，佢原裝跟嚟條 cable 兩頭都係 USB TypeC，我全屋都無一部電腦有 USB type C，有時走得太時代尖端都係會比較頭痕。
再講下 Google Fi，其實佢係 MVNO，意思係虛擬網絡服務供應商，即係香港o既兔仔台或者電訊數碼咁。而 Google Fi 就係用Sprint 同 T-Mobile network,可能無 ATT or Verizon 咁好，但對我嚟講都係無咩感覺，因為都無咩人會打俾我，同埋我公司反正都係收唔到。仲有個好處，就係佢可以自動 VoIP by wifi，即係無 mobile signal，只要有 wifi 上到網佢都一樣收到 call，咁我喺公司一樣收到 mobile call，不過都係嗰句，都係無咩人會打俾我。
之前我用開 H2O wireless 就 $30 包 500MB data，無限 text,voice 仲有埋 IDD 免費打返香港。做埋自動轉帳仲有九折，實收 $27。用唔晒啲 data 仲可以 rollover，其實都唔錯。
家陣 Google Project Fi 就 $20 basic plan 包無限 text, voice，另加 $10 就包 1GB data。但佢玩法就更公平，就係用唔晒每 0.1GB 退翻 $1，用多過 1GB 就每 0.1GB 收你$1。好君真！佢仲有個優點，就係有 data roaming 都係照扣你 data plan，不過就可能得 256kbps/3G 速度。等小弟五月去完台灣、香港試過之後再補翻個報告喇。不過要留意，佢係要收稅同勁多雜費。即係仲要收你$3.29 每個月，即係同 H2O Wireless 比就係多咗 $6.29。即係我每個用如果用小過400MB data 就係機會平過以前喇。
以今日計，個 plan 就仲有7日就完今個月o既 cycle，我只係用 0.12 GB，睇嚟，真係可能平過以前。
Saturday, April 16, 2016
Wednesday, April 13, 2016
第三十五屆香港電影金像獎最佳電影《十年》之我感
我呢啲脫節o既八十後，終於找到高清的影片來看看。成套戲係由五個小單元故事所構成，拍攝風格各有不同，恕小弟愚昧，不太懂分析拍攝手法。我只能分享一下看完每個故事之後的一些感覺及感受。
第一個故事《浮瓜》，是否浮誇的諧音，也許只是小弟胡亂猜度。
成個故事就是諷刺某所謂建制派的把戲、擦鞋的政黨、高官與及發號指令，位於七號差館附近的辦工室。成個故事對我的沖擊最細，因為，這些荒誕事在這一刻每一天都在發生，也許慣了，也就係慣了，實在越做越過份。
最令人氣憤是，每天也有一啲疑似有自我思維的人或者跟本無思維的人盲目的相信政黨及那些無形的手。社區的無聊活動、蛇齋餅糉、派米等等等等，社會上總有一堆人最受落這些活動。就好似電視台一樣，你話佢垃圾質素咩？一樣大把人睇，有咩需求就有咩供應。
我成日都懷疑，我既思維只係香港的小眾。
第二個故事《冬蟬》，令我沖擊最大，故事就係做標本。主流解讀係話咩無力感，而最終放棄，要 partner 幫佢做埋標本。我自己就有咁o既睇法。其實呢個故事好諷刺，跟本現在的每一個人和事就係標本。每件事、好事、值得保留的事，在香港呢個金錢掛帥，用錢嚟衡量的一個社會，有咩嘢係值得保留？問題係，保留(或者家陣香港興用的保育)又有何用？你只係留底個殼，保留個殼嚟做咩呢？仲有，標本原本就係一種知識o既承傳，或者將一啲現在未能解決的問題，希望透過標本留給後世，到日後科技進步時就能解決迷團，但香港人又有否呢一個心？其實，你同我根本就係活生生的一個個標本。呢個單元的故事對我嚟講跟本就最能貫穿所有故事！如果五個單元都係預視十年後的情況的話，當下呢一刻的你同我、事跟地、制度、文化咪就係明日o既標目囉！醒吓喇！
記得細個嗰時，老師有提過香港年報。現在，我才知道年報的重要性，而你，又有無睇過香港的年報？
第三個故事《方言》，其實，我唔知香港可以撐到幾耐。一個活生生o既個人經歷。十幾廿年前，你去廣州坐的士，你講廣東話係暢通無阻的。今時今日，你喺廣州坐的士，講廣東話有七成機會司機係聽唔明。同樣，深圳你坐車講廣東話，九成半司機都唔會聽得明。這就是方言被溝淡後的後果。當你個仔或女用普通叫你一聲爸爸那種這麼近那麼遠，你自已諗下喇。不過，跟據我個人經驗，小朋友一般同父母溝通都係會用父母講開o既話，不論你身處咩國家。
所以，如果我坐 CX，我比較堅持講廣東話，因為，我係香港人。
唔該，所有學生都唔該學好啲中文，亦建議睇下《解毒中文》系列。唔好學埋啲有中國特色o既疑似中文。
第四個故事《自焚者》，當中，有兩點值得人記住。第一、聯合國於1972年剔除了香港及澳門殖民地身分。第二、中華人民共和國於1971年取代了中華民國取得合法席位。呢兩點導致香港回歸而並沒有跟隨一般殖民地所走向的獨立及成立獨立政府。其實香港島及界限街以南係永久割讓，唔還係大條道理，不過問題係英國跟本就唔想要香港。
估唔到、自焚係一個婆婆，對所有相關的政府的一個控訴。另外，故事中的作家及學者訪問都值得細味。
最後《本地蛋》，道出一個重點，就係：唔可以慣，唔應該慣架。就係因為我哋嗰幾代人『慣晒』，先搞到你哋今日要過呢啲生活。呢班少年軍的比喻，實在絕核。同埋，多啲用下個腦，要思考下先講同做，唔好人講你講，人做你做！利用小朋友(洗腦教育)去打壓本地(本土)意識形態，實在令人不寒而慄。呢個故事，後生一輩，邊個睇得明，邊個睇唔明，咁你就知現今香港社會條 cut line 喺落係邊度！
你仲記唔記得香港o既雜貨鋪係曾經有過元朗絲苗賣呀？
仲有一句：其實，邊有得禁o架？
第一個故事《浮瓜》，是否浮誇的諧音，也許只是小弟胡亂猜度。
成個故事就是諷刺某所謂建制派的把戲、擦鞋的政黨、高官與及發號指令，位於七號差館附近的辦工室。成個故事對我的沖擊最細，因為，這些荒誕事在這一刻每一天都在發生，也許慣了，也就係慣了，實在越做越過份。
最令人氣憤是，每天也有一啲疑似有自我思維的人或者跟本無思維的人盲目的相信政黨及那些無形的手。社區的無聊活動、蛇齋餅糉、派米等等等等，社會上總有一堆人最受落這些活動。就好似電視台一樣，你話佢垃圾質素咩？一樣大把人睇，有咩需求就有咩供應。
我成日都懷疑，我既思維只係香港的小眾。
第二個故事《冬蟬》，令我沖擊最大，故事就係做標本。主流解讀係話咩無力感，而最終放棄，要 partner 幫佢做埋標本。我自己就有咁o既睇法。其實呢個故事好諷刺，跟本現在的每一個人和事就係標本。每件事、好事、值得保留的事，在香港呢個金錢掛帥，用錢嚟衡量的一個社會，有咩嘢係值得保留？問題係，保留(或者家陣香港興用的保育)又有何用？你只係留底個殼，保留個殼嚟做咩呢？仲有，標本原本就係一種知識o既承傳，或者將一啲現在未能解決的問題，希望透過標本留給後世，到日後科技進步時就能解決迷團，但香港人又有否呢一個心？其實，你同我根本就係活生生的一個個標本。呢個單元的故事對我嚟講跟本就最能貫穿所有故事！如果五個單元都係預視十年後的情況的話，當下呢一刻的你同我、事跟地、制度、文化咪就係明日o既標目囉！醒吓喇！
記得細個嗰時，老師有提過香港年報。現在，我才知道年報的重要性，而你，又有無睇過香港的年報？
第三個故事《方言》，其實，我唔知香港可以撐到幾耐。一個活生生o既個人經歷。十幾廿年前，你去廣州坐的士，你講廣東話係暢通無阻的。今時今日，你喺廣州坐的士，講廣東話有七成機會司機係聽唔明。同樣，深圳你坐車講廣東話，九成半司機都唔會聽得明。這就是方言被溝淡後的後果。當你個仔或女用普通叫你一聲爸爸那種這麼近那麼遠，你自已諗下喇。不過，跟據我個人經驗，小朋友一般同父母溝通都係會用父母講開o既話，不論你身處咩國家。
所以，如果我坐 CX，我比較堅持講廣東話，因為，我係香港人。
唔該，所有學生都唔該學好啲中文，亦建議睇下《解毒中文》系列。唔好學埋啲有中國特色o既疑似中文。
第四個故事《自焚者》，當中，有兩點值得人記住。第一、聯合國於1972年剔除了香港及澳門殖民地身分。第二、中華人民共和國於1971年取代了中華民國取得合法席位。呢兩點導致香港回歸而並沒有跟隨一般殖民地所走向的獨立及成立獨立政府。其實香港島及界限街以南係永久割讓，唔還係大條道理，不過問題係英國跟本就唔想要香港。
估唔到、自焚係一個婆婆，對所有相關的政府的一個控訴。另外，故事中的作家及學者訪問都值得細味。
最後《本地蛋》，道出一個重點，就係：唔可以慣，唔應該慣架。就係因為我哋嗰幾代人『慣晒』，先搞到你哋今日要過呢啲生活。呢班少年軍的比喻，實在絕核。同埋，多啲用下個腦，要思考下先講同做，唔好人講你講，人做你做！利用小朋友(洗腦教育)去打壓本地(本土)意識形態，實在令人不寒而慄。呢個故事，後生一輩，邊個睇得明，邊個睇唔明，咁你就知現今香港社會條 cut line 喺落係邊度！
你仲記唔記得香港o既雜貨鋪係曾經有過元朗絲苗賣呀？
仲有一句：其實，邊有得禁o架？
Subscribe to:
Posts (Atom)