八字

話說小弟久唔久就睇下自己八字同強行研究一翻。

自己本身屬木就一早都知，以為水生木，戴眼鏡戴翻啲水屬性顏色就包無走雞喇。點知近來一查先發現自己原來最缺係火，所以戴紅色o既嘢補補啲火都不足為過。唔駛死捉住黑色眼鏡唔放。。。

同埋特此記地十天干同十二地支去提醒自己，成鬼日都背唔到。。。

十天干：甲乙丙丁戊己庚辛壬癸
十二地支：子丑寅卯辰巳午未申酉戌亥

讀音：壬(吟)癸(季)寅(人)卯(牡)巳(嗣)戌(蟀)亥(害)

甲	乙	丙	丁	戊	己	庚	辛	壬	癸
木	木	火	火	土	土	金	金	水	水
陽	陰	陽	陰	陽	陰	陽	陰	陽	陰

木生火	火生土	土生金	金生水	水生木
木克土	土克水	水克火	火克金	金克木

生我者為印(正印,偏印),我生者食傷(傷官,食神),剋我者官殺(正官,七殺),我剋者為財(正財,偏財),比和者比劫(劫財,比肩)

發噏瘋 - 流行曲

近年廣東話流行曲有每況越下o既情況，原因有啲似雞同雞蛋問題。

小弟其實一般都聽歌唔揀人聽，即係聽個音同旋律，覺得啱聽就會聽，未必有深究歌詞意思。不過好多時係聽舊歌比較多。但原來有啲朗朗上口o既歌，如果細心留意歌詞，即使係李克勤，亦有啲意識大膽或者過界o既歌。歌，有時候真係唔可以亂唱，真係要情願拘謹似君子。

發噏瘋 - 忽發奇想之 PPL

其實都唔係奇想嘅，只係花費嘅金額有啲多姐，又未致於遙不可及嘅。

其實係我突然海鮮痕想考私人飛機牌。你問我係唔係對飛行好大興趣呢？又未必係好大，但就係想試下，想做一啲常人唔多人做嘅事情，又想睇下考咗個 PPL 對我日後生活有無正面影響。

唔知最終會唔會做呢。

發噏瘋 - 追劇

奇幻嘅故事總教人想一直追看落去，所以追劇一開始咗就一直想追到睇完為止，但如果追完套劇又會有失落感，做人真係好矛盾。

我幾時先得閒睇埋 west world season 2 呢。。。

Python - Open a new Tab instead of new Window with Selenium with Firefox in Python

Pretty crazy to work with multi-tab in Firefox with Selenium and here is some tips...

1. locate webdriver_prefs.json under \\python_path\Lib\site-packages\selenium\
2. set "browser.link.open_newwindow" from 2 to 3
3. save before exit.

In program code, I did try using send_keys(Keys.CONTROL + 't') but it didn't succeed.

from selenium.webdriver.common.keys import Keys
driver.find_element_by_tag_name('body').send_keys(Keys.CONTROL + 't')

You have to use javascript to call a new 'window'(tab) and then switch the current 'window'(tab) to newly created 'window'(tab)

driver.execute_script("window.open()")
driver.switch_to.window(driver.window_handles[-1])

After all the operation, you can close the newly created 'windows'(tab)

driver.close()

Remember, once you close the current 'window'(tab), you have to switch the 'window'(tab) back to first one(or another one) to access 'driver' or you will get an error saying the content has been dropped.

driver.switch_to.window(driver.window_handles[0])

A note for myself and for whom it may be interested in

發噏瘋 - 牛一

老撚套，我唔明公司點解要將人o既 private information 公佈出嚟？

你話係十月之星咪算喇，點解要公開 exactly 個日期先？有無問過我想唔想公開我私人資料？

Python - 學會了 data scraping

Data Scraping 意思指從網路上獲取數據，而我o既玩法差唔多係等如 WYSIWYG。

本來要用 browser 逐條 link click 入去先睇到，家陣原來啲 programming 好很方便，有齊晒 module 俾你 remote control 一個 browser 去瀏覽網站，繼而透過獲取返嚟o既 HTML 再做分析，只抽取有用的部分為己用。而當中有一個叫 Selenium o既 package，佢可以好有效咁抽取 HTML 中的某啲 element(s)，咁喺個 program 入邊做咩都得喇。

最過癮o既地方係，佢可以模擬返你瀏覽o既動作去 click，入 username 或者 password，針對動態改變o既內容網站就得心應手。如果只針對靜態網站，我估用 beautifulsoup 可能會仲快手啲。

我o既用途除咗想 scrap 吓 craigslist 之外，仲想 download 翻報紙啲文章留為己用。

真係比我整到個小 program 喎，好過癮。

轉台不似預期之陰魂不散

話說小弟兩個月前，即八月，由 Google Fi 轉台去 Walmart o既 FamilyMobile。以為大功告成，點知，佢原來八月轉台嗰時收咗我兩次錢。

第一次 charge 係由我 online 做 activation+transfer number 所引起的，但由於當時久久不能成功轉台，故我打去 CS 問佢搞咩兼再做一次轉台，咁佢就再 charge 多我一次月費，原來以為佢會自動取消第一次o既收費，或者順延一個月才 renew 個 prepiad plan，好顯然係我諗多咗喇。咁我咪又再一次打去 service hotline 去追討多 charge 的費用。由於我啲英文好水皮，第一時間就想同 CS 玩 chatbox 去搞 refund，可惜，逢係關於帳單，錢銀嘅都要你打去 CS hotline 度處理。好喇我硬住頭皮打去 CS。除咗我英文屎，仲有就係我肯定佢啲 CS 係印度人接聽，因為 FamilyMobile 啲 CS service 已經外判咗俾 Tracfone，出名地差。。。

好喇，第一次打去，佢話 check 唔到有 double charge 喎，叫我去 bank/credit card 度處理。。。唉，我 system 都睇到俾咗兩次錢，點會無 double charged 呢？但係佢死都唔同我處理，淨係識得叫我 contact bank…無功而還。

食完晚飯，心有不甘，再打去 CS 度問。咦，呢次呢個 CS 好好喎，佢都話見到同一個 number 同一金額 charge 咗兩次，佢都同意係收多咗錢，可以 refund。個心即時鬆一口氣，等佢個 system load 啲資料出嚟等到天荒地老。。。最後對埋個 credit card 最尾 4 個數字，就話 ok，等 3 至 5 business days 就會過數，咁我滿心歡喜咁等喇。

點知，等下一日，等下又一日，等咗成個幾禮拜都唔見到 refund 嘅？

如是者我又硬住頭皮咁又打多次去 CS hotline，又重覆一之成個 case 俾佢聽，呢2佢又一樣好順利喎，又係話見到同一 service number 同一金額 charge 咗兩次，同意 refund。又係同 credit card 尾 4 位 number，加一陣佢 load system 嘅時間，3就話 ok 啦，又係 3 到 5 business day 先會過數，呢次仲俾埋 transcation number 我添，我亦問佢有個 case number 等我有喵問題可以 reference 或者 follow，佢就話無開 case number，因為都做咗 refund, problem solved，所以無 case number。佢話有問題就再打去 hotline，有 record 喎。好啦，無奈地停多佢一次喇。

今日，我終於係 myfamilymobile.com 見到個 refund record，同時間，credit card 都終於出現咗個 $56.xx 嘅 credit。

睇嚟，我又可以準備搵 plan 轉了。

發噏瘋 - 孤獨的 python 新手 - Metra alert message + Python + Telegram bot

以前睇過啲疑似成功人士o既分享。佢地話，要成為成功人士o既首要條件，係要克服孤獨感。而我理解為習慣孤獨感。

又有個小故事同大家分享。

話說小弟家陣要日日坐火車。oh, wait a minute, to be precise，係差不多日日搭火車先啱，因為有時我係會揸車返工，正所謂：有得揀，先至係老闆。但我選擇揸車而唔坐火車有三個可能性，一、有需要，可能要早走或者放工後要去別處，無車返唔到屋企；二、火車 delay，因為未上前已知道火車 delay 的話，我會選擇直接開車返工而費事同佢癲，呢度塞火車唔係人咁品。早兩日就因為突然 severe thunderstorm 吹冧咗棵樹，downed tree on track。咁我就坐咗喺架火車度三粒鍾。。。五點十分上車，八點半先返到屋企。痴線。。。三、心情唔好，係呀，心情唔就要開車去舒緩一下情緒。

由於火車會因種不同原因 delay，咁你係要周不時去火車公司個網頁去留意佢有咩資訊發佈，了解下發生咩事。其實你上咗火車之後，了解嚟都無咩叉用，就好似肉隨砧板上咁，無埋站你係落唔到車。你啲資訊好多時都話你聽 delay duration 係 unknown。同埋即使話過你聽 delay 10min.，過咗廿分鐘後佢可以出個 update 話要 delay 15min.。但明明過左廿分鐘，你先話會 delay 15min. 咁即係講嚟都多餘喇都唔準。同時又即係好似隧道啲廣播一樣，話你知隧道內交通暢通或者交通擠塞一樣：我開緊車，唔通我唔知道佢係擠塞定暢通咩？你話咗知擠塞對事情都無咩幫助o架啦，唔通你話咗我知會即刻暢通翻？唔會吖嘛！嗱，講翻正題，為咗係上火車前了解下火車有無已經 delay，你可以選擇去 metrarail.com 去睇下有無咩 alert message。但我成日都好討厭喺電話度睇網頁，加上佢個網又多 script，load 起上嚟好L慢，所以萌生起一個想法，我可唔可以寫個小 program 去淨係 capture 佢 alert message 啲訊息然後再 send 個 notification 俾自己呢？咁就開始咗我呢個 programming 小 project。

呢次我就係用 python。貪佢簡單易學多 api 同埋古天樂名曲—今期流行。整整下，就變由原本諗住每隔十五分鐘 check 一下，如果有新嘢就通知我，變成我要去 trigger 一下先去睇下有無更新。因為個做法好似會容易啲同埋實際啲，你諗下，好多時都係你去緊坐火車嗰時，即返工放工嗰下，同埋，坐緊嗰下想睇下有無 alert，其餘時間話之你停駛都唔關我事，無謂不斷 polling 即係垃圾訊息。所以方式就改變咗，跟手就再 twist 到利 telegram 去做呢個 solution。

玩咗三個禮拜，終於叫做搞掂用得。

做完之後就好似好失落唔知做咩好。分享俾人聽都好似無人想聽、聽得明或者覺得有興趣咁。就連寫 program 遇到困難想問下有咩 approach 去解決好都好似同樹洞講嘢咁，無人想/識/有經驗去答你。唉，感覺好孤單，好似呢個世界都無呢個需要，只係自己多多事幹，嫌三嫌四o既廢中(頹廢中年)咁。。。

今次都有啲得著。
一、就係需求主導，當你有嘢覺得唔方便，而你又有心想解決，就會有動力想去整啲嘢，就算唔識都會學到識。漫無目的無 mission 去學一樣但又無用的好飄渺，好難學得好。
二、不斷修正，起初諗o既 idea 其實同成品係有啲偏差，係成個 methodology 唔同咗，因為現成有啲簡單啲o既 solution 而同時間做到差唔多o既效果，何樂而不為？
三、認清需求，諗真啲你想要啲咩，無論你所以的資訊、次數。
四、平台，我今次用咗 telegram，係因為我有，加上網路上啲人又話好易整個 telegram o既 bot，所以就揀咗佢。但後來發現，原來 telegram 無我想像中流行，周圍問人十個先得一兩個有用 telegram，好彩唔係用嚟搵錢，唔係就中伏了。

成個小 project 完成後，發個成個過程終都係自己搞掂，做完又係自己用，感覺好很宅。。。即刻有莫名o既孤獨感。為咗要成為成功人士，就等我慢慢習慣佢啦。(白痴，咁呢個世界上大把成功人士啦)

下次有機會介紹下用 python 加 telegram bot 去做到我想要O既 message alert。

廢噏完畢。

發噏瘋 - 講普通話啲人聰明啲？

真實故事，非道聽途說。

話說小弟的一位姨甥升上芝加哥一間 L 字頭的私立大學，今學期選修了一科中文科。老美o既中文科好顯然會多數由一些以國內普通話拼音名字的人授課。根據姨甥所述，那授課的人出言道，懂中文，講廣東話但唔識講普通話是比較蠢的。

我聽到就即是無名火起，尤其我呢啲近年突然香港意識強烈o既中年人。

我即係同我老婆講，屌，咁撚巴閉，走嚟美國教書替死呀，返去建設祖國喇。

早兩日再去搵去佢個貴寶號，睇下佢有咩優質論文或文章發表，點知咩都搵唔到。連 ext. no. 都無個，實在有點令人奧惱。

我一般都唔鍾意主動挑起事端，正所謂，對人以寬，律己以嚴。我呢次我實在抵唔住頸。各方各地文化各有差異，有長有短，多點欣賞或理解差異o既因由，而唔係純粹把現像作出非黑即白分類。唔通你呢個授課人員仆街我就話成間大學啲人都係仆街咩？唔係吖嘛！講嘢都唔撚科學。

認識語言係認識一地方文化的重要元素，如果你硬要吹噓自己因為講普通而自覺比別人優勝或聰明的話，我會為你同要上你課的莘莘學子感到好可悲。

高錕教授

高錕教授，一位值得人專敬的學人以及科學家。

關於高錕教授的成就或佚事，相信近日有看報紙的人都會看到如繁星多而又美麗的報導。相信都無用小弟多說，亦不敢班門弄斧。

只係想在自己的地方，公開o既平台，發表一下自己的感受。

雖然我專稱高錕先生為高教授，但我不是他的學生，亦不是畢業於中大，但我覺得高教授作為一個學人，專稱一聲高教授實不為過，亦叫做表達我對高教授的教育成就專敬。

而跟高教授於生命中有著一刹那的交匯o既故事係咁o既：

話說小弟有幸曾經於香港一家晶片設計公司工作，於某一年的周年晚飯場合中遇見了高錕教授。當年，高教授為那家晶片設計公司的非執行董事之一，故有緣於周年晚飯遇見。

心想，嘩，名人呀，公司有呢位學人/科學家做公司董事，好犀利吖。當年只知高教授就係那位發明利用光纖作通訊用途的人，但都已經覺得佢勁到爆炸。唔知點解，突然間有個衝動想同呢位好犀利o既學人合照一張。

雖知道，我本人並不追星，亦對跟明星拍照威威呢鋪癮沒有興趣，甚致乎對所謂支持你的偶像去什麼演唱會吖買什麼什麼照片呀視為白痴行為。但唯獨高教授，我覺得好想好想跟高教授來一個合照。

就食到半路中途，見到高教授在阡陌席間出現，看似要離開晚宴。小弟立馬捉住個同事：喂，你係唔係有部相機喺身？幫我同高錕影張相吖。佢反應係呆一呆，覺得人地肯唔肯同你影呀？當刻我本著小弟很薄的面皮，鼓起勇氣，走上席間向高教授問道：高教授，我可唔可以同你一齊影張相呀？高教授很和善咁回答可以。咁我就叫同事快啲幫我影相。影完相之後，佢仲問我係公司做咩？係唔係讀中大？讀咩學科？咁我都一一回答。高教授雖然反應不算得快，但語氣和善，半點架子也沒有。跟住就同高教授握手言謝。面紅耳熱，個心仍然跳得好快。

此事乃小弟懂性至今，唯一一張與名人的一張合照。

後來返到公司發現，同事相機居然用了一個超低o既解像模式去同我拍照，佢o既解釋係：唓，公司用機，平時影 FA 嘢，求其唔駛咁靚o架嘛，無為意咪無轉番高像素囉。我即時差啲激到暈咗。如果我即係返睇過張相，我一定會再影過，張相像數低，白平衡又錯晒，真係 no good.

世事往往就係咁，總係有啲遺憾。

之後喺港台一個電視節目，先叫做比較多一點認識高錕教授，先知道原來佢o既成就係咁犀利，慢慢再知道原來高教受o既為人同情操都好好添。但好不幸，高教授患上了腦退化症，亦即謂老人痴呆。個心即時呆咗一呆，同埋個心酸咗一下。

因為高教授，我曾經想過去中大讀個 master，但最後都無成事。

高教授太太亦成立咗一個基金，一方面支持為研究腦退化症，一方面支援腦退化症病人及家屬，久不久就見到一架由貨車改裝為宣傳車經過中大或科學園附近，有大大個高教授o既肖像。每次見到個心都酸一酸，嘆天意弄人。

於上星期日早上的 Twitter 看到高教授離開人世的消息，實心情沉重，對高教授退休後選擇香港作為他渡過晚年到離世，為的只是想為香港作出多小貢獻，實令人感動。

願這位偉大的學人和發明家安息。

發噏瘋 - 佛系找數

話說早排(係好很早一排)，應承咗網友交出節目錄音，但一拖再拖，實屬無地自容，直頭係 chat room 都唔敢多加發言，因為自知走數理虧。
好喇，星期六早上突然全屋無人，實為錄音大好時機，快快的錄有個音出個 session 當係 warn up 好找數好，咩都好，總之就，做咗件事，交住數先。

notes 打好，自以為自己會臨場發揮， elaborate 一下，令內容豐富啲完整啲，點知講嘢時會腦塞，被來電打亂，加上家人抵家，故草草了結。

睇嚟下一次都要 plan 好啲先。

話樓巿 - 按揭

相信按揭呢家嘢好多人都唔會陌生，尤其你曾經買過樓。按揭o既意思係，當你想買一層樓(香港嚟講其實係指買一個單位o既意思)，而你又無足夠o既金錢 full pay 去買入呢個單位，咁你就需要銀行或者財務機構去借錢買入呢個物業。同時間，銀行亦唔會無端白事咁借錢俾你，而佢係會做幾件事去平衡借錢俾你呢個風險：

1. 首期，即係買入價o既兩成(視乎準業主買入單住o既價錢、財務狀況等等。。。)。目的係顯示買家係有充分意圖或者意願去買呢個單位，俗啲講就係想同你攬炒或者洗濕你個頭。假如貸款人唔駛俾首期就借到錢，即係無本(某程度上 credit record 都係你o既成本嚟o既)就借到錢，萬一有朝債仔搞唔掂，供唔到款，佢就同銀行講，我無錢還，你收咗層樓喇，銀行都真係吹佢唔漲。如果你有俾首期，而你又供唔掂層樓，銀行收翻你層物業，你除咗無咗層樓之外，你付出o既首期都會付諸流水，一去不復返。咁你估相對講，你俾咗首期係唔係會落力啲撲水供樓呢？
   
   你可能即刻會問，喂，銀行收翻層樓有抵押品喺手，怕咩喎。說話就唔係咁講，因為銀行目的只係想將錢借出然後有穩定而又預期到o既利息作為收入，而唔係想收翻你層樓。銀行其實好多時都好保守，佢唔想承擔風險，佢寧願穏定咁收小啲錢，唔係係收翻你層樓轉售套利。雖知道一買一賣涉及風險，同埋，銀行收翻你層樓其實仲有一大堆 procedures 要做，法律上喇、估值喇、跟住要搵賣家喇(即銀主盤)，再唔得就要拎去拍賣，但拍賣好多時個價都係低於巿價，一來買入o既人都怕麻煩，二來銀主盤好多時都要你 full pay，因為銀行都想盡快收翻啲錢，唔係唔想揸住個物業。咁 full pay 得，個價自然會有所折讓。銀行唔想經歷一次下一個準業主要去做按揭冗長o既步驟及時間，萬一下一個準業主大吉利是上唔到會，交易告吹，即係成個過程又要再嚟過，真係好煩o架。仲有喎，拍賣行又會收銀行拍賣費用，所以銀行要做銀主盤的話分分鐘係會蝕錢的(雖然呢個可能性好低，銀行點會做蝕本生意。)
2. 利息，即如果銀行如果認為借錢俾你個風險高啲，佢就會收你高啲息，用高啲利息回報去消除佢心中o既不安，或者叫做快啲收回佢o既成本。打個擘如，假設兩個相似o既單位，成交價相近，但點解你個 rate 同佢個 rate 唔同？因為銀行覺得你風險高啲，而個成本上升，咁佢咪要加你利息去 cover 個成本囉，無錯，風險都係成本之一。總之收多啲錢咪接受到高啲o既風險囉，正所謂高風險高回報嘛。
3. 抵押，即係銀行作為你o既債權人，喺你有咩依郁o既時候，佢可以變賣你層樓(即你個單位)去支付你欠佢o既錢。雖然你係名議上o既業主，但某程度上只係建基於銀行賦予你物業o既某部分使用權同掛名叫做業主。好多時，按揭合約寫明你係唔可以私自再去做二按(即再抵押樓宇去借錢)或者改變用途，例如由自主變出租。呢啲動作你係要得到銀行o既同意先可以咁做。仲有喎，你張屋契係喺你手定銀行手呢？睇到呢度，你覺你係業主定銀行先係真正o既業主呢？

好喇，講咗一大論，我其實想講啲咩呢？就係想講下我呢個無錢買樓o既人對家陣發展商十成按揭或者二按去做埋銀行八成或六成或五成之後剩餘貸款金額o既做法。我集中講下當中o既風險。如果你計掂數，供到，就以為無問題？咁你就要小心喇。好多時，發展商為吸引買家，好多時會自己做埋財仔，食埋你最後一浸水。當銀行都預視風險增高或者樓價又開始回落，好多時就會出現所謂估價不足o既情況而導致貸款人借唔夠錢去買入單位。

即係例如個單位發展商賣俾你係 $100，但銀行預期樓巿下行，加上評估風險後，覺得你如果供唔掂要收翻層樓變賣時，個價可能只係值 $60 而批出 $60 呢個貸款額度俾你。而你如果有 $40 喺手，咁成個成交都無問題，你都係籌到 $100 去買樓。

但如果你只有兩成首期喺手，即 $20，咁即係你問銀行借埋都係得 $20 + $60 即 $80。咁剩底嗰廿蚊點算，發展商就發揮佢貪婪o既本色，嗱，小兄弟，見你咁有誠意買樓又一見如故，不如咁，我蝕底啲，借多 $20 俾你買樓，一圓你買o既夢想，一年免息期，之後先計利息，利率係 P+1，咁你咪有夠時間去籌期剩底嗰 $20 囉或者慢慢還。準業主睇到係唔係感激流涕呢？

但其實，你無諗過一年後會點呢？

假設你計好晒數，夠俾晒一按同二按o既供款，都不外乎三個 scenearios:

升巿：你供到銀行嗰份又供到發展商二按嗰份，你叻仔，無事。分分鐘過咗罰息期之後你可以 re-mortgage，套多小小現去清咗嗰二按。
平巿：你供到銀行嗰份又供到發展商二按嗰份，你叻仔，無事。只係還嗰廿蚊o既利息有啲貴咁囉。
跌巿：你供到銀行嗰份又供到發展商二按嗰份，你以為你叻仔，會無事？只係還嗰廿蚊o既利息有啲貴？唔止，分分鐘銀行突然發神經，覺得你個物業無當初估值時咁值錢，即係資不抵債，咁佢有機會 call loan，意思係收回貸款。或者好小小就同你追收資不抵債o既差額。當然，銀行一般唔會無故 call loan(但無人敢寫包單)，佢係多數聞到味然後就同債仔 call loan。因為我喺頭段都講過，銀行收回物業再賣出涉及成本以及呆壞帳，非到必要都唔想咁做。但如果，如果佢知你個出糧戶口突然間無出糧而樓巿跌得好勁，咁你就要小心，即使你唔知點解無糧出而又籌到旗供樓咁叻仔，佢都一樣會有理由相信你失去(或者快將失去)供款能力而觸發 call loan 危機。所以我成日都話，盡可能就出糧戶口同做按揭用唔同銀行，無需要俾銀行十分清楚你o既財務狀況。

上邊講o既係計好數夠供一按同二按o情況，但如果諗住走精面，博佢升，喺二按供款前就賣出o既話，咁唯有祝君好運。

突然係唔係覺得租樓好過買樓呢？咁就要睇你買樓o既目的係咩喇，要諗清自己做緊咩嘢，能力去度邊度同埋風險係啲咩，最壞打算係會點。當然租樓都一樣有風險，就係加租同埋唔續租，又要搵租盤囉。

發噏瘋 - 說明書

其實大家件新玩具返嚟，或者想做啲 DIY，有幾多人會第一時間睇說明書？其實說明書有晒一件產品o既介紹同使用說明。只要跟啱步驟，產品理應做到預期效果。

身為一個工程師，我梗係會睇說明書，仲要係好鍾意睇添。因為說明書o既嚴謹同細緻程度可以顯示到公司或者產品o既品質。

平身最怕遇到一啲頑固，唔識，但又唔跟說明/指引o既人。最終，產品或成果不如預期實屬正常，而事主多數都係賴件產品唔得。。。

NAS 升級 - HP Microserver Gen 8 CPU upgrade

其實呢篇係補完，CPU upgrade 喺上年己經搞掂，不過都想呃個 post 做個紀錄。

話說上年十月臨回鄉探親時，去淘寶買粒舊 U，佢就係 Xeon E3-1220L。用得 Xeon，就梗係放入我部親愛的 microserver。部 microserver 原本係一粒 Celeron。網上好多人有教學講點 upgrade 個 CPU。

升級o既選擇要點係
- FCLGA1155
- 低 TPW
- 唔駛換 heatsink / 唔駛加風扇
- 勁過 Celeron

其實網上好多人都介紹 Xeon E3-1265L v2 。但係佢實在有少少貴，所以最終買咗粒 E3-1220L。少咗o既係internal display。反正底板都有 display chip，所以就由得佢。粒 E3-1220L 話晒都 Xeon 系列，processing power 點都一定勁過 Celeron。雖然 clock rate 慢咗 0.1GHz，但 TDP 由 35W 跌到得 20W，Max Temp. 由 91 DegC 跌到得 77.5 DegC。2 HT 變做 4HT。

總體成個 upgrade 過程無咩難度，鬆 screws，拉出底板，拆甩個 heatsink，取出 CPU，放上新 CPU，加散熱膏，上翻 heatsink，推翻個底板入機，開機，確認 CPU，搞掂。

其實我都係手痕多過實際需要。。。

經濟循環 (內附影片解說中文版同英文版) 更新

經濟循環呢個學名我估絕大部分人都聽過，但你又有無諗過點解經濟係會循環呢？明明向上行緊，點解會有一日又會向翻下，而且啲人仲話有上就一定有落！呢個疑問其實都一直存在係我心中好 x 耐，點解有上就會有落先？

有一日突然心血來潮定唔知喺邊度俾我搵到一段 video，講關於經濟循環呢個理論。就清楚解釋點解會有循環o既出現。原來一切都源自於借貸。

段 video 雖然係普通話，但無咩北方嗆，好易聽，加上有動畫輔助，應該好易睇得明。好建議所有人都睇一次，明白多啲經濟活動係點運作，同埋你會發現點解銀行係萬惡之源百業之母(正確啲嚟講係借貸先啱)。

美股月結戰報 - 貳零壹捌年捌月

現金減值源於 Tesla 買賣之損失。Amazon 結於升穿 $2,000 美元。

	Cost	Comb.	Price	P/L	W. P/L
Cash	1455.2	15%	1249.1	-14%	-2%
AMZN	1665.475	33%	2008.605	21%	7%
GOOG	1122.95	11%	1215.59	8%	1%
TWTR	35.165	11%	34.795	-1%	0%
NVDA	240.21	12%	280.881	17%	2%
BRKB	190.99	10%	208.511	9%	1%
FB	175.99	9%	175.4	0%	0%
					8.5%

美股號外之三之後續

唉，講得後續，就梗係有啲嘢更新。

不幸o既係，我於 Tesla 蝕了錢，買入買出價相差了 18%。唯一興幸係注碼細，只佔總投入資金的 10%，即係為整個 portfolio 帶來了大約 1.8% 減值。

買入價為 $375，賣出價為 $308.38。

其實，跌超過 5% 就應該斬鑦，以此為鑑。

買入喺因為私有化o既憧憬，既然私有化唔成，就無謂 keep。TSLA 以現價計我不太睇好，唔係話我唔信 EV，而係佢成日都好似搵朝唔得晚咁。前(錢)景唔太清晰。所以都係忍痛收佢檔。

終於由接刀仔變接軍刀。。。

美國銀行開戶親身經歷

首先，我要講o既係，我嚴重違反咗個人中指╭∩╮（￣▽￣）╭∩╮，呀唔係，係宗旨先啱。以前講過，被人 reject 過信用卡就永不錄用，但我的確係食咗言，我係悔疚過好一陣子！但面對一張聽講係全城都話好o既信用卡我居然脆底咗。不過呢樣唔係今次要講o既重點，下次先講翻信用卡。

今次係想講講去銀行開個戶口，開一個 saving account。你就可能會問，唓，開個 saving 有咩特喇呀師傅。兄台且慢，此 saving 不同彼 saving。喺香港，你要開個 saving，雖然家陣都麻煩，左填右 check，但都好平常o既一件事，尤其你原來已係現有客戶，但美國好唔同。

喺美國，default 一般你話去銀行開 account 意思係開個 checking account，亦即香港o既 current account。無論你係用嚟做出糧戶口、開 check(cheque)、交費咩都好，一般都係用  checking account 搞掂。而 saving 一般係預你有入無出，個別銀行對 saving account 提款次數係有次數o既限制。以 魔跟大窿 銀行嚟計，一年限提六次咁大把，當然 saving 係有利息支付，但 checking 好多時都係無或者小到你唔會恨，仲好多時可能要你係咩 priority account 或者咩 premium account 先會有 checking account 利息。

今次我想去開 saving o既原因又係貪心囉，其實兩年前都食過呢款優惠一次，食完就取銷咗，兩年後佢又嚟優惠，咁我咪又食多次囉。原本係開戶 saving account，十日內存款萬五蚊美金，維持三個月， 就會有 $200 rebate，六個月內 account 要仲係 active，唔係佢會扣翻錢o架。但近來做個小更新，就係將金額從萬五提升到兩萬五蚊，rebate 就升到 $300，維持月數一樣。

見佢話  online 申請到，咪諗住 online apply 入 code 開戶啦，點知開嚟開去都去到最尾一個 step 搞唔掂。咁我咪又 online message CS 問發生咩事，諗住我都係現有客戶，開多個戶口應該簡單啲呱。佢話 confirm 唔到我o既 information，要落去 branch 開戶。心諗，你老味，都用緊你 service，又點 confirm 唔到我個人資料呀。

好喇，咁我星期六就去你 大窿銀行行個圈。個 banker 都好好態度，我表明來意，佢就好快同我坐底開戶。俾完 ID 同 credit card 做身分證明後(佢要兩個文件證明你個名，其中一個要有相，而 credit card 喺美國都可以用嚟證明你個名)，佢就同我開戶。誰不知，佢問下係唔係 citizen，我梗係唔係喇，佢就問我攞 green card，要 scan 做 record。佢話每逢開戶都要做一次，無辦法喎。如果佢講o既嘢係真，我就就明白點解我 online 開唔到。以小弟無根據o既估計，係由於我並非 citizen，每次開戶都會 check 你個 identity 一次；如果你係 citizen，check 過一次後就唔會再 check(我估)。顯然我又開戶唔成喇。

我上網睇翻，原來 花旗參銀行都有開戶優惠，普通戶口，唔駛 direct deposit，只要維持 $15K 喺戶口，就可以有 $400 rebate。反正都係 check 個人 information，睇嚟，呢個仲著數，反正都想喺唔同銀行開多個戶口，無必要將所有數字俾晒同一間銀行知道晒。仲有，之前學前輩講o既，按揭嗰間銀行同出糧間銀行最好分開，無必要俾佢知道你財務狀態。得閒就要做好準備。

美國火車泊車分享

唔知點解硬係唔鍾意用通勤二字。

話說小弟自從轉工之後，被迫愛上搭火車。而由住處去火車站當然要自己開十鬆分鐘車。而美國o既火車站就好好o既，有一個好大個 park lot 任你泊。雖然係任你泊，但，係要俾錢o既。正價為 USD$1.5 per day，泊到晚上十一點五十九分為止。

講到俾錢，佢都有幾個方法俾你揀。Pay per park 同 prepaid

Pay per park 佢有兩種玩法。

一、就係即場喺 ticketing machine 俾錢或者俾卡。每個 park lot 都有個 parking number。落車時要記得 parking number，然後喺 ticketing machine 輸入號碼，再入錢/碌卡，跟住就會出張飛俾你，而你就要留住張飛做俾咗錢o既證明。萬一有條矒柄無神神抄咗你牌，都可以攞住想 receipt 做上訴證據。不過部 machine 就唔食 penny，最細都要入 quarter。。。即係清唔到啲碎銀。(其實去超巿啲自助 machine 咪可以清晒啲碎銀囉！)

二、就係用 app，家陣廿一世紀，用 app 俾錢好平常，用 app 俾 parking 亦屬方便，只要記得你泊車個 zone 係咩號碼，每個站都有個 zone number，除咗要入 zone number，當然要入翻你個 parking number 喇，再喺 app 度襟幾下，就俾到錢，你話方便唔方便呢，你直頭可以衝到上火車先慢慢襟。講完好處就講下不足之處，我估呢個 pay by app service 係外判的，政府要收足錢，而 service provider 又要舐油水o既原故，佢喺 $1.5 o既 parking fee 上仲要俾多 $0.32 o既所謂 convenient fee。三毫二子看來唔係好貴，但如果你將佢以百分比來衡量的話，嗰 convenient fee 就等如 parking fee on top 加 21.3%。咁你話合唔合理或者抵唔抵俾？我只會話我唔會用囉。我直拉去 ticketing machine 俾卡仲可以三陪積分添呀。

Prepaid 又係咩玩法呢？
City 為咗方便要每日坐火車o既人士，推出半年期o既 Pre-Paid Pass。為惠$1.25 per day，即係 $150 半年，以一個月泊廿日嚟計。可以去 City o既辦事處去辦理，佢地好君真，比如我尋日去辦理，佢係 pro-rated price 賣俾你。當你有一日唔需要o既時候，你退翻個 parking pass 俾 City，佢又會 pro-rated 退翻錢俾你。1.25/1.5 即係八三折，或者如果你一個月泊多過 16 日，當月之後o既泊車錢就當係賺咗。

仲有一樣嘢想分享，就係火車站o既 parking lot 原來都有分係 METRA o既 property 定係 City o既 property。喺泊車o既價錢上應該無咩分別。但係喺屬於 City o既 parking o既 Ticket Machine 就用唔到 Transit Benefit Fare Program 張 debit card，即係用唔到 pre-tax debit 卡個度扣錢。不過唔緊要，反正入o既錢唔唔夠 cover 一個月o既火車錢，即係火車月票已經打爆咗每月 pre-tax 額度。

下次有機會再分一下其他火車趣事。

期權月中小更新 - 貳零壹捌年捌月

Contracts	T Date	B/S	Price	Close	N Close
合約	開倉日	買沽	開倉價	收巿價	夜巿價
HEH57.50H8 電能八月57.50認購	07/24	沽	0.880	0.610	0.610
XCC7.25I8 建銀九月7.25認購	07/24	沽	0.220	0.060	0.060

話都無咁快就行咗 2/3 個月，隻 0006.HK 呢期好似食咗 spring 藥咁，本來早排仲做緊 65 蚊，突然呢期啲人情緒恐慌，全世界一致吹奏咩公用股穩陣呀，咩收息好抵呀，又話咩抗跌力強呀。你老味，唔好搞到我呀唔該，早排以為派息除淨大把 buffer 會掂過碌蔗。點知佢前日居然升到 $57.7。咦，咁咪即係穿咗？係，的確係穿咗，個心當堂劣一劣。即係如果對家係條傻佬，係都要行駛o既話，咁我就俾佢 call 走我啲電能實業。本我身諗住佢派息會多啲 buffer 俾我捱下價，點知隻嘢要升一兩蚊係咁容易o架噃。。。

正面啲咁睇，如果佢真係 call 貨，咁我又即係知道而我又用番 57.7 買番，唔計手續費，我都偷咗佢雞 0.88-(57.7-57.5) = 0.68 每股。

但我有一樣嘢搞唔清，就係究竟幾時截數？我知幾時除淨，亦知幾時截止過戶，但係截止過戶係以 T+2 計定係我被人 call 走嗰一刻計呢？等我得閒搵翻啲 rule 嚟睇睇先。因為怕最差 scenario 係，被人 call 走，又以 57.7 買番貨，但係原來係 entitle 收派息，即係收唔到 0.77 股息每股但又要被除淨，變相倒蝕 0.68-0.77 = -0.09 每股，咁就偷雞唔到蝕渣米了。

美股月中戰報 - 貳零壹捌年捌月

真係一日都嫌多，嗰日先話 Twitter 累全家，今日就會發現 Tesla 先係累街坊嗰位，佢由我入貨價最多已路超過廿個巴先，今日稍稍回順，現報 318，都即係跌咗 15.5%。FB 就浮浮沉沉，無咩升跌。反而 Twitter 家陣就升翻到 34 蚊。只係比入貨價跌咗 3.3%。

唯一興幸係前入多一股 Amazon，為成個組合帶來疑似穩固o既基礎。下個買入目標係 AAPL。

Tesla，原來條友都係隨口噏當秘笈，啲資金走出嚟表示未同 Musk 達成過任合協議。而呀 Musk 都係以發 tweet 當時股價 on top 加20% 當係收購價。What a good tweet！跟住証監緊係開始調查喇，Musk 上訪問又話自己開始壓力爆煲，跟手又話有機會要請人返嚟做 CEO。股價就梗係跌到仆街喇。

	Cost	Comb.	Price	P/L	W. P/L
AMZN	1665.475	34%	1895.789	13.8%	4.76%
GOOG	1122.95	12%	1214.757	8.2%	0.95%
TWTR	35.165	11%	33.89	-3.6%	-0.40%
NVDA	240.21	12%	251.25	4.6%	0.57%
BRKB	190.99	10%	209.04	9.5%	0.93%
FB	175.99	9%	173.21	-1.6%	-0.14%
TSLA	376.65	12%	320.3	-15.0%	-1.75%
					4.93%

美股號外之三 - 美股繼續炒之 TESLA

相逄恨晚，今早終於喺 Pre-Market 時段入咗小小 TSLA，入貨價為 $375。祝我好運。買入原因為炒私有化概念，Elon Musk 喺 Twitter 話，要私有化 TSLA@420，仲話 fund secured。叫你地 only sell @420 or wait till privatization 喎。仲記得 Solar City 嘛？前車可鑒呀。

早排先話無錢要 suppliers rebate，呢頭就有錢做私有化，真係好鬼神怪。

都啱o既，private company 就可以點怪o既做法或玩法都得，但 public 咗，咩數都要正路，喺難搞啲，聽講好似搵到啲酋長資金喎。

我就兩個想法，佢咁放消息會唔會証監告。二，如果佢縮沙唔私有化，會唔會又被人告話佢發放假消息刺激股價又一樣係拉得，所以博佢 >65% 真係會私有化。

想學習用 Python 分析/選股

話難好似唔難，話易又好似唔易，我o既目標係想要用一啲 technical analysis 的 tools，做 back test 去揀股。

一個人去學去試又無人問又好似搵唔到啲教學提示真係好痛苦，好孤獨。

轉台不似預期之最終回

上回講到喺公司打去 CS 去做 port in，基本上係重覆一次同我攞 information，同我自己 online 填 form 無分別，是旦喇，又睇下你得唔得先。我打去之前仲同 Google Fi CS 查詢，佢話如果要打9個 digit，就喺原來 5-digit o既 account number 加翻 4 個 0 喺後邊喎。咁我同 FamilyMobile 個 CS 講，叫佢試下打 5-digit 得唔得，佢話唔得喎，咪叫佢加翻 4 個 0 喺後邊。

等咗一個下晝,都係唔成功。返到屋企，CS 居然有打嚟，只係我 missed call，佢有留 voice message，咁我就 call back 睇下咩料。

又俾多次 sim number 俾佢之後就 check 到我想 port in 個 number，佢就話係 Google Fi 嗰邊 reject 話 account 唔啱。咁又再次同佢 confirm 一次 account number 同 pin，佢話個 system 出 unexpected error。來來往往試過三次，又地址又 SSN，講講下突然間斷咗線，個心屌咗一聲之後，定個神，就聯想到：咦，唔通成功 port out？再睇下 notification，Google Fi 就話 service canceled，即係成功 port out！咁我就開開心心食晚飯。

點知食完等咗成大半個鐘張新卡都仲未打得出電話，咁我又要再打多次電話 check 下咩料。睇嚟好似喺系統仲未 activate 張卡，CS 玩咗一輪，就叫我關機再開，叫我試下打電話。呢次真係打得出喎！咁我就知真係搞掂！佢仲要我逐樣試，打出打入text 呀上網呀。全部無問題，呢次轉台行動終於成功搞掂。

仲有，我覺得佢地 CS 啲服務又俾我想像中好喎，因為網上啲全部都話差到爆燈。或者係我無期望無失望呱。

唯一小小唔滿意o既係，$48.99 係未計稅同雜費，埋單要 $56.19。

轉台不似預期

話說早前 google fi 個 rebate 用得七七八八，又心郁郁想搵啲平啲o既 plan。因為家陣通勤時間太長，來回超過四個鐘。故此一個 unlimited data plan 好似更符合生活需要。呢期又俾我搵到 Walmart FamilyMobile 好似好抵。49.88 unlimited data，可 tehering，32GB 後會限速。咁咪一心想試下囉。

唔知點解，自己計錯數，白痴咗用 5蚊買張 sim 返嚟，其實 walmart 只要 0.99。總之就鬼掩眼喇。其實我懷疑 Walmart 個 plan + sim 貴咗幾蚊其實就係啲雜項收費，你買嗰時俾埋定係你 online 買 plan 嗰時俾，無分別，定陣反而白痴咗貴咗 4 去 ebay 買張 sim... 老貓燒鬚。。。

最精彩O既部份係：接近廿四小時了，我仲未轉到台，估計係我打錯咗 account no.，Google Fi default 個 account number 得 5 個 digits，但 myfamilymoible website 填 form 做 port in 時，佢死都要我打 9 個 digits，咁我咪打我手機號碼囉，點知。。。

Anyway, 今日返到公司又打去 CS 度做 port in，但等咗大半日都好似無咩起色，仲要 charge 咗我兩次錢。。。呢次睇嚟都幾惡搞。無喇喇有撻瘌。

美股月結 - 貳零壹捌年柒月

特此一記

	Cost		Price	P/L	Weighted P/L
AMZN	1665.475	39%	1777.44	7%	2.6%
GOOG	1122.95	13%	1217.26	8%	1.1%
TWTR	35.165	12%	31.87	-9%	-1.2%
NVDA	240.21	14%	244.86	2%	0.3%
BRKB	190.99	11%	197.87	4%	0.4%
FB	175.99	10%	172.58	-2%	-0.2%
				Total	3.0%

推特累全家！

美股之旅 下集

上一次提到我唔鍾意 E*TRADE，但又想買美股喎，咁咪開始搵另一証券開戶。以我成日格價o既性格，梗係搵個 budget broker 喇。比較大路都係呢兩間，一個叫 Interactive Broker 同 Charles Schwab。

IB 就玩變相月費，佢一個 trade 好平，好似小過一個仙，但係計法有小小複雜，base on 你o既交易股數同交易金額，月尾埋單計數，如果收費少過十蚊都會收你至少十蚊，即係變相十蚊月費，但如果嗰個月無 trade 就好似唔駛收錢。

Schwab 呢，就簡單啲，一個 trade 收你 USD4.95，劃一收費，唔理你金額同數量。

簡單啲嚟講，frequent trade o既，就 IB，簡簡單單呢就 Schwab。而我就揀咗 Schwab。

開戶都係 online 填啲嘢，跟住就會問你 security question 就會 verify 到你既資料(小弟估計係你個'專屬號碼' link 咗你啲地址呀、登計車輛呀啲資料)。填好晒又 verify 晒咁咪諗住入錢囉。第一次做 account transfer money 都預咗又要等一兩日俾佢 setup/verify。好喇，setup 好晒過晒錢入去準備 trade 喇，跟住又話要打電話去 confirm money transfer。心諗，屌你，一皮嘢美金都咁大陣象，駛唔駛呀？打咗個電話去 confirm money transfer，終於就攪掂，可以買賣。

仲有個小插曲，就係本身我係有申請埋 option trade，但唔知點解又唔批，可能怕我 short 嘢 short 過龍呱。。。唯有玩住正股先。

感覺 Schwab 係有小小煩，但起碼一個電話攪得掂，唔駛返頭又呢又路。

祝我自己投資(機)順風順水，長搵長有！

發噏瘋 - 晶片

作為一個曾經喺半導體行業打過工o既的一個工程師嚟講，我對香港o既傳媒，包括網上文字或影像評論以及報章o既評論中，提到芯片一字，實在十分討厭。

廿年前，當內地資訊科技仲未好發達o既年代，喺香港，Chip 被翻譯為晶片，而 Chipset 為晶片組，或許是跟了台灣的譯法。

叫得晶片，就當然有其原因。雖知道所謂的 Chip 其實係指以 Wafer(晶圓，一塊圓形的超高純度的結晶矽片)做基礎，把電路以不同物料刻蝕(印)在晶圓上，而這個刻蝕的動作係多於一層，以唔同物料的接駁(相接觸或重疊)去模擬電阻、電容 Op Amp，甚至乎一大塊 PCBA 的電路都可以透這個方法縮小在一粒比米還要細的 Chip 上面。

點解叫做晶片？因為晶圓上唔係刻蝕咗一個電路，係刻蝕咗成千個相同的電路於同一晶圓上。至於可以有幾多粒？無一定答案，要視乎代工廠生產技術(或者叫做製程，包括晶圓大小以及最細電晶體的大小)，同埋你個 circuit 既複雜程度。簡單啲同形象化一啲，你就當喺一個圓餅睇下切到幾多個小正方形或小長方形o既餅仔出嚟。當晶圓刻蝕好之後，做好後工序(如需要的話，gold-bumping, back grinding)，就會將晶圓按 IC 的大小切做一粒粒，再按需要進行封裝或直接使用，固叫做晶片(被切做一片片)。

不知何時何日，香港o既媒體跟了內地的叫法：芯片。我當然知道咩係芯片喇，只係唔鍾意咁叫之嘛。早排中興單嘢，咩中美科技貿易戰，嗰嗰電台、網上啲時事評論(述)員都紛紛參了一把，好有'深'度咁解釋中國晶片行業如何不滯云云。最好笑的，連名詞都未攪清楚，更惶請佢會介紹到俾普羅大眾知道半導體行業其實有幾複雜同製造門檻有幾高。仲有就係呢個行業玩 fabless design 呢種模式都未必人人都明白：你設計唔等如你製造，佢製造唔等如佢擁有。

都係嗰句，希望香港做高科技產業實在太難，唔係無人，係無人肯燒錢做 R&D，加上週邊無相應該生產工廠，咁啲人做咩唔去大陸或台灣搞呢？

美股號外之二 - 第一次買入 TWITTER

話口未完，今日又輪到 Twitter 跌廿個巴仙。

又係，有錢賺但話用戶人數跌咗 1M。喂，撥亂反正又跌，咩嘢 logic？今次我又 9 衝咗入去。

又睇下你會點走。

期權有感 - 0006.HK 電能實業 - 貳零壹捌年柒月

忽然驚一驚，唔係驚蝕， 係驚賺少咗。點解咁講？

0006.HK 業積公佈，無咩特別，我唔多識分析，只知佢賺緊錢又無話咩倒退。未致於要立刻清掉手上股票。但係突然間諗起一樣嘢，而呢樣嘢係成日揮之不去，就係私有化或同長江基建合併。之前只揸正股，私有化同合併我基本上無仼歡迎，斷估都會對股價有幫助。但家陣我 short call 緊佢，即係唔睇好佢會升。

萬一，萬一小超人佢真係突然玩嘢(佢又話唔會再提私有化)，又重提私有化或者合併，股價實會衝上去，咁我啲 short call 實會被人行駛喇，咁我呢次o既 time cost 就大囉，等咗咁耐但係賺唔到上升o既成果。

尋日公佈派息 0.77 每股，8/23 除淨。如果無事無幹，即係又多咗 0.77 做 buffer。

媽。。。我好亂呀。

美股號外 - 第一次買入 FACEBOOK

喺仲未出到美股之旅o既下集，我已經急不及待咁出呢篇號外。

燈登登凳。。。

就係 FB o既股價喺 2018/7/25 after market 時段跌咗 20%！即係低見 $174。如果騰訊又係跌 20% 就好囉。

我業積都無睇，第一個感覺就係巿場過份反應。收巿前先創完 historical high，after hour 就 drop 20% ，有無咁神奇呀？你話業積不似預期，咁 FB YoY 都有好大增長喎，QoQ 可能係放緩，但係，佢仲係賺緊錢喎，稍為賺小啲就跌廿隻，咁呢個世界好多股票咪要拎去堆田！？

老實講，我雖然係 FB o既用家，但唔係 FB o既 fans，我其實唔多用，最多係用嚟八下啲朋友o既動向，自己就好 L 耐都無 update 囉，就係唔想被人知囉，保持神秘感嘛(鬼得閒理你咩，你以為自己係咩呀？)，亦唔鍾意周圍曬自己o既相囉。人地 tag 咗我都會 untag 嗰種。就係唔被人 collect data。我連 FB app 都無裝，幾徹底。

話說回頭，我鍾唔鍾意同 FB 賺唔賺係兩會事，無謂同錢作對。所以，見佢 drop 咗 20% 加上我唔信佢聽日就執笠，決定瞓身入五股咁大把。睇下我可唔可買到佢執笠。

仲有一單 news，就係 FB 用 FB Hong Kong o既名義，係杭州想注册開公司做 research centre，注册資本為 USD$30M，本來暴晒光話批咗，但聽聞國家級o既信息產業部得悉事件，認為地方政未有充份通知上佈及請示，固被突然剎停，撤消已批o既注册申請。我覺得呢個先係最大o既小插曲。

一開巿就以 175 買入極小量o既 FB。且看你如何幻變。

特此一記。

期權開倉小記錄 - 貳零壹捌年柒月

經過上個月啲電能 short call 大步檻過之後，好似失咗方向咁，原因係巿場避險情緒上升而導致我啲 noble stock (即係 noble gas 啲 friend, noble gas 即化學中的隋性氣體，即比較穩定唔多有化學反應而又自然存在o既氣體) 都有些微o既上升。即係由本來計埋幾個月來啲 short call 期權金都仲要蝕緊價，突然變成開始唔駛蝕價但要蝕時間同 opportunity cost。

睇住佢升，又唔敢 short call，short call 價遠啲又無肉食；調轉頭 short put 又唔想中伏扣住啲錢；long 嘢一直都唔係我鍾意做o既嘢。所以七月嚟講我係咩都無做過。恰埋眼連股票戶口都懶得 login 入去睇。

快到月尾，有感時間飛逝，又手痕 login 入去睇下。見個巿好似發佝瞀(音：牛豆)咁。加上吹緊加息，啲人又吹話利淡公用股喎，咁我就鼓起勇氣，做番啲八月份o既 short call。

2018/07/24 開倉時o既正價格：

0006.HK $57.25
0939.HK $ 7.19

Contracts	T Date	B/S	Price	O/C	Status
合約	交易日	買沽	價格	開或平	現況
HEH57.50H8 電能八月57.50認購	24-Jul	沽	0.88	OPO	OPN
XCC7.25I8 建銀九月7.25認購	24-Jul	沽	0.22	OPO	OPN

即係如果隻電能八月底升唔穿  $58.38 (57.5+0.88)，應該都唔駛俾貨人，又睇下今次過唔過到，short call 近價先多啲肉食。
而隻建設銀行呢，九月底升唔穿 7.41 就唔駛派貨俾人。0939.HK 真係唔多識玩，銀行股都可以咁大起大落，真係估佢唔到。話口未完，大陸又話放水救巿，睇啲銀行股股價又未致於持續向下，應該會稍稍回彈。又睇下你呢次點樣先。0939.HK 啲期權好惡搞，無咩肉食，所以先 short 到去九月咁鬼遠。。。

自己要繼續留意新創建、合和、太古、長建，自己唔買都可能推老婆買。好過攤係度曬太陽。

收放自如 - 咖啡

我要飲就飲，我要唔飲就唔飲！

家陣返工晨咁早，五點十分就要起身。唔夠瞓似乎係常態。

小弟其實平身最怕唔夠瞓，同我一齊住過 hall o既老死就知，我一唔夠瞓就燥到無朋友。加上，如果返工無咩嘢做的話，即使係睇 online course，都會好易恰著，所以就用咖啡提提神，慎防釣魚。

雖然我唔係咩咖啡師，更加唔會一索就知係邊樹嚟o既咖啡豆，但都有丁點的口味偏好。奈何，喺家陣間公司，就俾我遇到平身飲過最難飲o既咖啡。你可能會講，喂，啲咖啡唔新鮮，煲咗好差耐，唔好飲係正常o架喎。咁我咪動手 brew 一壼新鮮o架囉。挑，一樣咁難飲。又苦又澀，有色又無味，真係曠世奇啡！

咁我自帶私伙o既即沖咖啡囉，飛沙走奶，仲驚死蝕底咁，人地落兩茶匙，我落兩大湯匙，目的係想攝取多啲咖因以防眼瞓。起初無咩問題，點知二個星期後就開始頭痛，仲要係固定朝早八點幾鐘就開始痛，下午放工就無事，痛到有啲失平衡o既感覺，有時頂唔浦仲要食止痛藥頂一下。思前想後，如此定時的頭痛，肯 L 定係同公司有關！排除風水、電磁波等等啲似是而非o既原因後，估計係因為攝取咗太多咖啡因而引起頭痛。

所以，就即時停飲咖啡睇下有無幫助，順便測試一下有無咖啡上癮。

如是者，無飲兩星期，果然無再頭痛。同時間，亦唔覺得自己有上癮或者戒斷症狀。

其實我日日都仲有 keep 住飲綠茶，聽講綠茶o既咖啡因都唔小，唔知真定假。

Anyway，等此一記。

發噏瘋 - 無形

時間 記憶

當無形遇上無形 一切 都變得不留痕跡。

美股之旅 上集

其實呢，正確啲嚟講，我喺八年前就已經買美股。係公司o既 stock plan。當時公司指定要用一間喺香港好出名o既公司，叫做 E*TRADE，即係億創理財呀，以前朝朝早喺 TXB 度賣廣告o架。不過近年都敵唔過巿場，佢直頭退出香港巿場。咁當然，佢退出巿場唔等於會 close 咗你 account o既，只不過入錢要入去佢美國戶口同埋啲 CS support 差啲咁囉。反正我都無操作，無咩嘢要問，佢退唔退出都話之佢。

講開 E*TRADE，都有個故事可以分享下。就係原來佢個 employee stock plan 同你一般投資買賣o既股票戶口係唔同o既。有啲操作上o既嘢，都係我家陣打緊呢篇文先晃然大悟。employee stock plan a/c 呢，你係唔可以買賣其他股票，你只可以賣出經公司買入並入到你 employee stock plan a/c o既股票。而你一賣出你 employee stock plan o既股票，就會將啲錢 cash out，無得 park 喺 E*TRADE 度再買其他股票。所以你一賣出 stock plan 啲股票就要即刻 cash out 埋。

話說有一次要入錢去 settle 稅，要不先俾稅，要不就扣掉 option 抵稅，咁我又唔知做咩海鮮痕，覺得扣股票唔抵，就想現兜兜俾稅。咁就跟 Instruction 諗住 bank transfer，點知唔得，搞咗一大輪搵埋 CS chat 先知原來我無 activate stock account，所以唔可以 bank transfer，變相我要用 Wire 或者寫 check 去。 Wire 成惠廿五蚊美金。唉，你老闆，我條氣就開始唔順。故事陸逐有來。

Wire 完o既同時，諗住橫掂都係，不如開通埋佢，方便第日買埋美股。再問埋 CS 要點開通呀。佢話要填開戶 form，跟住再係 Page 1 寫 existing customer, reactivate stock account。問佢仲駛唔駛其他証件，佢又話唔駛但要仲要寄 hardcopy。己經覺得好麻煩。好喇，我照做喇。點知個幾禮拜後仲要我打電話去又話要我補咩身份證明文件又成。仆你街，你申請已經麻煩過人，手續費又唔係平，明明係現有客戶都話要身份證明文件又成，拖嚟拖去。你老味。

之後咁啱又撞正我轉工，我就一了百了賣Q晒啲股票然後再 cash out 埋，永世唔再用 E*TRADE。無埋佢一排，佢又跟住無神神開通咗個股票戶口喎。不過，一齊已經太遲。我講過，唔再用你 E*TRADE！就好似匯豐銀行一樣，我唔會申請你o既信用卡！

Google Fi project

其實呢篇我想寫好很耐，睇翻呢篇 draft 個日期係 2016 年 6，都成年半之前。

之前我都有篇 blog 文有輕輕提過 Google Fi。見呢期無咩嘢寫，就再詳細小小寫下 Google Fi。咁其實 Google Fi 係咩家伙？佢實情係一間 MVNO，即係 Mobile Virtual Network  Operator，亦即香港所謂o既虛擬營運商，再講白一啲，就好似以前香港有間叫做有啲名o既電訊數碼o既兔仔台(喂，你咁老餅o既？好耐無聽過喎，咩嚟o架？)，又或者係家陣香港寬頻o既流動電話服務。以HKBN 個 mobile 嚟計，其實佢包租 Smartone 啲 network，將掛自己個名去搵客，咁呢個做法有咩好處？相信除咗平都諗唔到有咩原因可以吸到客。咁有咩唔好處？以本人非正式兼無經 offical 查証o既諗法係，遇到繁忙時間或地區，MVNO o既網絡使用 priority 係相對較低，同埋用唔到原本服務營運商優汁o既客戶服務。Google Fi 其實係用緊 T-Mobile 同 Sprint 個 Network，佢地兩間公司都合併埋添家陣。

咁 Google Fi 又玩緊咩價錢呢？成惠 USD$20 基本月費，無限通話同 Text。呢個時代仲有幾何會要 air time 吖，我一個月都唔知用唔用到 10 分鐘通話。。。跟住就係 USD$10/GB data 收費。 以前佢係你先揀好咩 data plan， $10 for 1GB, $20 for 2GB...然後月尾同先同你計要退錢定要追加你 data charge。但好似半年前，佢轉做先用後付，即係月尾先同你計數。基本上，客戶嚟講，分別唔大，但我覺得 Google 就可以減小退錢o既手續。價錢上，呢年兩年幾都無變過，都係 $10 per 1GB，但就 cap 咗喺 $60 max data charge。即係用超過 6GB 你都係俾 $60。咁成個 plan 就係 $20+$60+雜項同稅。你可能會問，有咩雜項呀？即係好似香港啲廿蚊隧道及牌照費o既老套嘢咁囉。

佢一個月收我 Taxes & regulatory fees 成 USD$4.49，究竟包啲咩，詳細如下：

Taxes & government surcharges
State 911 Tax $1.50
Telecomm Relay Systems Surcharge $0.04
State Excise Tax $1.50
State Infrastructure Maintenance Fee $0.01

Other fees
Federal Universal Service Fund $1.28
Federal Regulatory Assessment Fee $0.16

(你話美國褔利好咩？我從來唔覺，只係由納稅人荷包壓榨出嚟去補貼他人！)當然，有其他電訊商個價係全包，即係唔駛再額外收 Taxes & regulatory fees，值得留意。

另外，Google Fi 個 IDD 唔係貴，我打翻香港都係 USD$0.02/min. 有時真係想 Comnet 都想取銷埋佢！因為 Comnet 個 IP phone 個 quality 其實好差，對方經常聽唔到我講嘢，同埋 Google Fi block 咗我 IP phone 個 connection，我記得以前係得o架！

其實 Google Fi 仲有個強項，就係 data roaming！價錢都仲係 $10/GB！！！你覺得貴？因為你喺香港用開平 data。但我喺異地就覺得，無論 local US 定 data roaming 都只係 $10/GB，我就覺得data roaming 個價抵到爛，如果你成日要返中港台 business trip, Google Fi 我會覺得係一流，兼且佢 send sim card 俾你o既速度係勁快，真係試過第二日就送到。返大陸仲要自動翻埋牆呢！

Google Fi 抵唔抵用？真係好視乎你o既需要，如果你通勤時間長，Google Fi 未必係個好擇。但如果你 data 用量唔多又經常週遊列國，呢個 service 係一流。

而我呢。。。轉咗工之後一日通勤時間成四小時，加上回中港台機會比想像中小咗好很多，故此，又萌生轉台o既念頭。。。

期權月結 - 貳零壹捌年陸月

Contracts	T Date	B/S	Price	Close	Status
合約	交易日	買沽	開倉價	收巿價	現況
HEH55.00F8 電能六月55.00認購	25-May	沽	0.860	0	EXP

既驚且險，六月廿八日終於結算，早前 short call 0006.HK@55 結於 expired，收報 54.9。

而今日為七月九日，收報 57.65。回顧翻我o既真成本價為 57.55，即係要恭喜我自己，終於唔駛蝕了。睇機會要做翻個 short call $57.5 或者 $60。

另外早排手痕 margin 抽小米，當時都覺得有古怪，有咩理由啲 margin 額仲未俾人用晒，原來抽飛十分嚴重，固寧願蝕小小錢，都唔想瞓唔著，我都學大戶抽飛，一通要抽飛好易，online click 兩下就搞點，只係已付o既 margin 利息及手認購新股o既手續費無得退還。買個教訓。

今日 1810.HK 收報 16.8 即比招股價 17 低 0.2。

期權快將結算之無咩更新 - 貳零壹捌年陸月

上個月買落o既 Short Call 0006.HK 無咩特別，只係呢期啲人開始有避險情緒，呢隻嘢居然有啲升翻轉頭o既感覺，唔好行駛呀大佬。。。

希望唔好升穿 $55.8x

Python Plot pandas dataframe from pandas_datareader

話說心血來潮，呢期又試玩翻 programming。原來 ruby 話咁快又唔興喇。所以揀咗 Python。

呢次個 target 係想用 Python 去分析股票，真係由零開始。攞 data 已經叫做無問題，pandas_datareader 就會幫到你。之後就想 plot 個 graph 出嚟睇下，點知就有價無日期標示，即係無咗 x-axis 個 label。搞咗差不多兩日，先知道原來 pd.index 係唔得o既，因為佢係個 pandas_datareader 攞翻嚟然後 generate 個 dataframe 係屬於 multi-index。正因為呢個 multi-index 搞到個 pyplot 唔知你個 x-axis 係咩料，所以就會無晒標示。

搞咗一大輪，先上網搵到個叫做 get_level_values() 先攞到個日期。pd.get_level_values('Date') 就 ok。

特此一記。

情陷夜中環 12/5/2014 (轉載)

情陷夜中環：雞胸
7:27 12/5/2014

■早前懲教署職員與女友在公園遇劫，危急關頭男友「快閃」，剩低女友，這是否就是「愛」的表現。

懲教署高級主任與女友驅車到金山郊野公園，遇到兩名持刀劫匪，女友叫懲教主任走先，懲教主任即閃。事後，警方和記者到達現場，懲教主任帶上口罩。網上有人說，口罩是用來遮醜的。我忽然想起十幾年前在修頓球場踢波的一天。
經過一輪混戰，球落在我腳下，敵方前鋒朝着我飛跑過來，我當機立斷，把球大腳踢向界外解圍，個波以高速向一對正在球場外漫步的情侶飛埋去。男的反應超快，二話不說，即閃，女的「食」到應一應。平時，我點都會走去講聲唔好意思，但嗰日輸緊波，好冇耐性，唔想走過去「煩」。認，嗰次係我冇品。
「有冇搞錯？識唔識踢波㗎？」男的突然咆哮。我無奈走過去，跟那位被省中的女士說：「Sorry，你有冇事？」男的見我「死狗」，食住個勢再鬧：「你試吓俾人咁省法，睇吓你有冇事？你識唔識踢波㗎？」
我沉住氣，再說一聲對不起。「下次小心啲啦！」男的拋下一句。我下次一定會小心，不過你都小心啲，我對着那個女的說。「自己唔識踢波，仲叫人小心啲？」男的提高聲線說。呢個男人，真係乞人憎到爆。「我唔識踢波？咁你又識唔識做人男朋友呀？見到個波省埋嚟，你閃？我叫小姐小心，係小心你呀。」男的先是呆一呆，然後又繼續鬧鬧鬧，還夾着粗口。我沒有再理會，只是給他一隻手指。


老夫老妻　愛得甜蜜

兩個「快閃男」，帶出一個訊息。無風無浪，冇事冇幹，你都會以為身邊這個人很愛你，但當考驗出現，尤其像一個高速波餅般，突如其來的出現，要急急在「愛」和「自身利益」作個抉擇，你才發現，在「自身利益」旁邊，所謂「愛」，其實是多麼的渺小。
男人開口埋口愛你，唔代表佢真係愛你。上刀山落油鑊，做到邊樣，做過邊樣？愛，點證明？真係愛，擋粒子彈嚟睇吓啦。講笑啫，無啦啦，邊度搵粒子彈畀你？既然冇子彈，安安全全實實際際，買層樓畀佢啦。都講笑啫，大拿拿，邊度走去撲舊錢畀首期？原來，一時三刻找樣證據證明「我愛你」，不是這麼簡單的，因為愛沒有形態，既不是一粒子彈，也不是一層豪宅。真有趣，我們經常把「愛」掛在嘴邊，卻從來不知道「愛」是怎樣的。好，伏筆寫夠，寫這麼多，也只是想帶出以下故事，一個關於一位台灣富翁的故事。一直很想分享，卻找不到合適的氣氛，儲在回憶裏，今次終於啱mood啦。
約五年前，我在台灣參加一場飲宴，認識一位70多歲的前輩，姑且在這裏稱呼他為「老先生」。彼此交談的時候，發現老先生是個車癡，說他是「玩車之人」也不足以形容他的瘋狂和熱愛，最貼切的形容是「收藏家」。幾個星期後，我到老先生位於光復南路的家，觀摩旗下部份的收藏，真嚇一跳。由於老先生最驚人的收藏，除時裝巨人Ralph Lauren之外，全世界已沒剩多少個持有人，所以不便透露。但老先生跟我一樣，是位不折不扣的保時捷迷。
我和老先生一直保持聯繫，沒多久之後，我向老先生談起一家美國的汽車製造商，他說早有意思投資，經過我補充的一些資料，更感興趣和放心。之後，我與老先生一起飛到加州，老先生的妻子也有同行，那是我第一次跟老太太見面。老先生向我介紹老太太：「女人我有好多，情人，我只有這個。」大佬，唔知你講真定講笑，我完全唔知畀乜反應，大笑兩聲就打個圓場。
不過，老太太看起來與老先生就肯定是絕配。雖然老太太行動有點不便，但眼神依然精明，笑容大方，笑聲清脆，氣質滲着一種西方的優雅。縱使老太太有兩個傭人陪伴左右，但無論走到哪裏，扶着老太太臂彎，緊緊握着她的手的，永遠是老先生。那次在加州，有一天，老太太說想要喝杯咖啡，其中一位同事就提議到附近一家蠻出名的。去到咖啡店，老太太很喜歡那裏的環境，一行十多人就這樣的坐下來。很記得那一幕：一個牛角包，一杯latte，兩位老人家坐在一旁慢慢分享。麵包碎沾在老先生的嘴角，老太太幫老先生抹走，老先生望着老太太笑。兩位70多歲的老人家，仍然談着十幾歲後生仔女的戀愛。

半年前，老先生親自致電，問我有沒有時間到台灣一趟。「不是公事，是私事，老太太離開了。」老先生在電話另一邊說。那刻，我不知該說甚麼，用半秒鐘時間回過神來，再說一些問候的話。「可以替我安排喪禮的事嗎？」當然沒問題，會替老太太辦好的。「簡單一點可以了，老太太她，你懂的。」
喪禮那天，一切簡潔，名單就跟老先生的意思，大概只有50人。老先生站在米高峯前面致辭，以笑容答謝各人的慰問，果然是打滾商界多年的領袖，表現堅強得體。突然，說到中段，老先生低頭沒出聲，好像是在控制自己的情緒。很快，老先生再以之前的微笑抬起頭。「有一個問題，老太太由年輕的時候，問我問到現在。都老人家，還在問，真煩人。」老先生嘗試用調皮的語言說，但聲音哽咽。「她問我：老公，你怎樣證明你愛我？」

全場笑起來，並專注地等候老先生繼續。「我最後悔，就是沒有在她離開前給她一個答案。可以怎樣證明嗎？現在，我終於想到。」愛，真有得證明嗎？「第一次跟老太太吃飯，我們吃三杯雞。我給她吃雞腿的部份，一塊又一塊，直到她對我說，不要把所有雞腿都給我，你也吃一點吧。」說到這裏，老先生笑淚縱橫。「我跟老太太說，你不懂我，我最愛吃雞胸的。就這樣，老太太安心的把雞腿肉吃下去，一吃就是幾十年了，而我，也就這樣吃了幾十年的雞胸。」
老先生稍稍停下來，拿起米高峯，轉身面向老太太的遺照。「對不起，騙你幾十年，其實我喜歡吃的，是雞腿。但是，幾十年的雞胸肉，我吃得很開心，因為我愛你。」真係愛，唔使子彈，唔使豪宅，一舊雞胸，已經係證據。


葉朗程

尖卡

Dream Car

如果你問我，我心目中o既 Dream Car 係咩，我諗呢個問題都幾難答。
第一，我個人有選擇困難症，成日都覺得 opportunity cost 好貴，攪到做唔到決定。
第二，我呢啲窮人，到家陣都未試過買新車，又無咩試過揸其他車，實在比較唔到，齋吹話一架車好定唔好，實在無咩意思。
第三，性格使然，太多人鍾意o既嘢或者太多人有o既嘢，我就會由鍾意變成唔鍾意。而好多時我鍾意o既嘢都會有啲(或者不小)o既缺點。

不過，都想分享下我自己鍾意啲咩車。

因為香港係右軚o既關係，美國品牌完全喺我心目中建立唔到形象。唔係話佢唔好(其實我都唔知佢係好定唔好)，當然佢有有好多代表作，例如 Corvette、Mustang、GT 等等。只係習慣上佢唔係我杯茶。韓國近年都有不少車，不過都唔會係我心水。

日本車呢，感覺都係實用性高一啲(即係平嘢啦)。你可以話，喂，你識唔識嘢架，家陣 GTR 同 NSX 二手隨時都過百萬港幣呀師傅。哪有錢，你老母。日本車，香港人點會熟呀！？對唔住，應該話我呢個又窮但又鍾意睇車o既香梘仔點會唔熟呀？要數大把車數得出喇。但要去到 Dream Car 嗰種層次，仲未到。

你話我崇洋都好，我心目中o既'尖卡'的確全部係歐洲車。但我心目中o既尖卡又唔會去到遙不可及o既地步，因為，太遙遠只會打擊自信，比如我唔會話我心目中o既 Dream Car 係 Bugatti 或者 Pagani 之類，連林保我都覺得有啲窄窄地。。。問題係，唔 practical，咩叫唔 practical？等如你唔會將自己個目標 set 做李嘉誠囉。。。你接唔接受到日日揸住佢周街走？無錯，嗰啲車係好撚夠霸氣，但變咗架車仲巴閉過我，功高蓋主，總之，係我 Carry 唔到架車喇，OK?

其實我o既 Dream Car 都係啲可觸及o既品牌o既。

Mercedes G-Class、Porsche 911 類 同埋 Lotus

G-Class 呢款車真係近幾年人大咗先開始鍾意。點解鍾意佢？一個字，型。咁多年嚟佢個款基本上無變過。呢款車最原本設計係軍用訂單，點知客人最終撻訂，攞出嚟賣巿場又受落喎。所以一直存活至今。佢未必係最好越野性能o既四驅車，但 G-Class 真係好撚型。

Porsche 911 類
我唔鍾意 Boxer、Cayenne、Cayman、Macan，因為太過成舊翻梘同埋太肉酸喇，我要有尾有成個保時捷線條的，所以 911 類係我o既 Dream car。呢個品牌，我真係喜歡咗好耐，點解話喜歡呢？因為我覺得呢個字比較含蓄，代表住我咁多年我對呢個品牌o既感覺。可能好多人覺得林保、法拉利等等大把車勁過佢。但我偏偏就係鍾意佢，唔係要係最大馬力、唔係要最快時速、唔係要最快加速，就係單純喜歡，就係咁簡單。記得細個第一次上網無幾耐，就係去 Porsche 個網頁 download wallpaper，嗰時覺得幾型，頂你，保時捷吖！雖然家陣無再出風冷新車，但我真係好想親身去試揸一下。

Lotus
其實呢，我對呢個品牌o既車款認識唔係好深，甚至乎佢連副引擎都係買豐田的。但，又係嗰句，我就係鍾意。聽講佢啲車係無冷氣又無風油軚。但我就係鍾意佢一個字，型。不過，聽講 Lotus 已經賣過幾次盤，由馬拉變成大陸老闆，睇嚟到我有能力嗰時佢可已經變得遙不可及了。。。

Gmail 實用小技巧

如果你想淨係 search 無 label o既 email，你可以嘗試 search：

label:inbox -has:userlabels

或者


-has:userlabels in:inbox

Moto X4 的一個 bug USB device not shown in Windows

話說小第早排換走咗部 Nexus 5X，佢o既生命週期比我想像中短。畢竟佢只有 2GB Ram 同 32GB Storage 仲要無得插 Micro SD。部機就越用越慢，開個 app 都要等十萬年，見早排 Google Fi 有優惠，咪做 trade-in 囉。原來仲值一舊水，就補百幾蚊換部 Moto X4。

Moto 呢個品牌，諗識良久，只係一直無緣買入其產品。即使當年的 Startac 都係無買到。

Moto X4，見佢平平實實，又見佢 support  到 Google Fi，又可以插卡又有 finger print sensor，又有 NFC，功能齊備，只久 wireless charging... Anyway，部嘢不過不失。

早排 update 咗三月份o既 security update 之後，發現部電話 USB 接駁電腦後不能連接 USB device 去存取檔案。一輪辛苦網上搜尋才發現應該係一個 Moto o既 bug，就係當你 remove 咗 screen lock 之後，即係部機裸跑無 password 保護，USB device option 就會出翻嚟。。。等我以為公司部 notebook 咁勁 security update 啲 access right policy 唔俾 USB connected device 去 access file 添。

最近有個 Android May security update，update 咗之後，個 bug fix 咗，即係可以有 screen lock 下亦有翻個 USB device option 去俾你存取檔案，個心舒服晒。

不過，以後都要小心 Moto 啲機，因為佢 32 GB storage 居然有 12 GB 係用喺 system 度，user 係 access 唔到，變相成日啲 app 無位 install 兼連想做 update 都話唔夠空間。

所以話，平嘢多數都無好。

期權月結 - 貳零壹捌年伍月

Contracts	T Date	B/S	Price	Close	Status
合約	交易日	買沽	開倉價	收巿價	現況
HEH60.00E8 電能五月60.00認購	18-Apr	沽	0.540	0	EXP
XCC8.25E8 建銀五月8.25認購	19-Apr	沽	0.215	0	EXP
HKB80.00E8 匯豐五月80.00認購	20-Apr	沽	0.650	0	EXP

0005.HK 收報 $74.95
0006.HK 收報 $54.1
0939.HK 收報 $7.82

由於全部都價外，對家無人會 execute，所以全部都變成廢紙，期權金袋袋平安。

另外，針對 0006.HK，喺 5月25日見五月啲 option 就夠期兼唔多會爆升 5 蚊。所以就 short call 六月 0006.HK@$55，本來想做翻 $60，但實在太無肉食，故進取啲做貼啲 short call @$55。當日 0006.HK 做緊 54.7，期權做緊 0.86。

記得正股息後成本價 58.95，五月食咗 0.54，六月又食 0.86，即係真。成本價為 58.95-0.5-0.86 = 57.55。

如果現在到六月結算時一直低於或等如 $55，無事發生，權金袋袋平安。
如果現在到六月結算時一直等如 $55.01 至 55.86，應該都無事發生，因為對家 execute +手續費都無著數，權金應該都係袋袋平安。
如果現在到六月結算前有任何一刻高於 55.86 而對方又選擇 execute，我將以 $55 俾貨對家，咁我 0006.HK o既投資就會蝕 57.55-55 = 2.55 每股，真係夠晒教訓。

買樓講座(一)

其實呢篇文欠咗一個遙距認識o既一位網友好耐，拖到佢連 blog 都無再寫我先'的'起心肝去開始寫呢個 topic。實在個心過意唔去。而我，想分享一下個人所得，希望別人唔駛行冤枉路/冤枉錢。

我想分享，有啲原因o既。
一、想為自己做個紀錄，自我警惕。
二、過來人，有緣人o既你仲有睇我個半死不死o既 blog 就俾希望幫到你或者見多樣嘢，教人就唔敢當。純粹分享下，俾個多 example 俾有緣人，只於點決定都係要睇自己造化。雖然我明白每人個情況都不一樣，即係情況類近，照跟或避開都未必會成功或者遠離失誤，但起碼想分享一下經驗，因為我自己成日都感到好孤單同迷網。

話說三四年前，即二零一四年，上過一個地產班，應該係有一個我追開佢個 blog o既口中嗰位'求C'隊長有份攪o既一個講座，我印象記都唔平，都成幾千蚊，大概接近一部高價手機o既價位。我嗰時o既心態係，如果真係學到嘢買到一個住宅，呢筆錢都唔係咩大數，所以一試。

我仲記得我仲坤咗個 friend 一齊上堂添。其實都唔係坤o既，佢自己都話有興趣。

一班我估都成四五十人，一個禮拜一堂，三四粒鐘一堂度喇。好似都有八堂 in total。地點係油麻地同尖沙咀之間，傳聞話好 L 猛鬼嗰橦重建過o既商廈。

你問我有無咩得著呢？咁實有o既。
你問我值唔值呢？em...我又唔多識去 valuate，但的確我知道一啲我之前無諗o既o野，同埋我相信喺我朋友圈中都應該無可能觸及到o既智識/經驗。

我知位我幾鍾意睇佢個 blog o既 blog 主都幾唔鍾意買樓收租呢個方法。而我喺香港的確最終係做唔到。但都有小小嘢可以分享下。

有樣o野值得留意，個講座同佢以前啲炒股講座一樣，都係有 sell 嘢，不過都唔係好 hard-sell。其實咁仲衰，中咗伏o既人可能會無咁唱衰佢呱，反正我無參與，無法得知結果。

其實當年啲 notes 同錄音都仲o係度，你話放上網咩？其實我唔介意，只費事因版權問題被人告就無謂。我最多盡我能力去 share 翻啲要點。

我首先 share 一下佢當年想 sell 咩呢。都係離唔開一個老掉牙o既一個主題：有錢齊齊搵。唉，邊有咁大隻蛤乸隨街跳吖。條橋 work o既，你慌會無人做？幾時論到我呢啲魚毛呀。當年，佢地就 sell 夾錢買工廈同埋夾錢買商住樓。

夾錢買工廈呢，原因當年樓巿已經炒到好很勁，啲人覺得好貴，買嚟收租已經開始無咩肉食，所以轉炒工廈，加上早排話博佢玩活化計劃，一個唔埋，申請到活化改變用途，可塑性都大o架。例如買大再拆細，即係要拆埋契。裝修到靚靚仔仔放租或者再放售。但有啲做法就某程度上，玩緊法律空隙，做到好似成間屋咁有晒淋沐間，用電爐扮 pantry，好似住得人咁，但其實係唔可以做住宅用途。不過租用人就唔知/唔干涉佢想點用喇。到現在睇翻，成個計劃都叫做 work，起碼到呢一刻，嗰時有 join 佢地個搵錢大計o既人應該唔死得人，斷估都有錢賺o既。

我的確覺得工廈都有啲潛力，只不過係唔熟行情，又無時間，實在不宜沾手。不過就起碼知道即使工廈都要睇地契所定明建築物o既用途。例如，係倉定工場，當時未有迷你倉大火，佢地個 plan 就遊說買工廈放租俾人做 wargame 場、文青工作室呀、私房菜呀、band 房、co-office 呀、迷仔倉。的確，嗰一刻係 work o既。但要留意倉嚟做 office 係走法律空隙，工場但又無生產線又真係講唔過去，同埋，理應唔可以有現金交易。因為唔係商用樓宇。其實政府咁做原意係不同用途建築物有不同的設施配套，例如消防、承重、電力等等，當然仲有地稅喇。幾年前啲所謂樓上鋪呀開倉呀其實都係博大霧，違反地契，係會被釘契的。唔好以為業主話唔知租客會咁做就無事。業主係要了解租客o既用途。當然，你亦可以喺租約上定明，兼要租客 declare 唔會攞o黎做呢樣嗰樣。仲要留意，工廈未必係廿四小時自由進出，要自己同管理工司了解翻。仲有樣有趣嘢，就係工廈地鋪啲食肆其實好多都係食堂牌，即係理論上唔可以做街客，只可以供應膳食俾工廈內工作o既人。原意想平地價 -> 平租 -> 飯餐可以平啲 -> 減低工人o既生活壓力。

今次講住咁多先。

MX-5 保養小紀錄

話說架車仔買返嚟無幾耐就著 brake 紅燈，即係無放 handbrake 棧警告燈。我心諗，唔係咁快有嘢壞嘛。。。上網一摷，有三個原因可以引致呢棧紅燈。

1.未鬆 Handbrake

2.架車覺得個 brake malfunction

3.佢自覺 brake fluid 唔夠

其實佢多數都係突然間俾大油先會著一下，行多三到五秒佢就會熄翻，好鬼神奇，我久唔久就嚇一嚇以為自己未放 handbrake。

咁我咪打開車頭蓋睇下囉，一睇，

嘩，

無問題喎師傅，啱啱好喺正 min 同 max o既中間喎。

咁我又咪再 search 一下睇下佢究竟想開邊瓣啦，得出結果係，有機會唔夠 brake fluid。有其他車主表示，低過 max 條 line 佢就有機會會著燈。心諗，你咁敏感？

尋日基於換唔到油o既失落，咪走去買樽 brake fluid 添啲囉。拖咗好叉耐o既原因係因為唔知買咩牌子好同埋知道佢唔擺得，會吸水氣而導致失效。咁尋日咪走去 Walmart 行個圈，原來有細細支買的，就買支 DOT-3 rating o既，成惠 $1.98。

細細支，兩蚊美金，用唔晒就話之佢。返到屋企就打開車頭蓋，斟滿佢！勝o既！跟手再大腳油出街行咗個圈，好似又真係無著燈喎。等我再觀察多一個禮拜先。

記得啲 brake fluid 唔好滴到架車周圍係，聽講佢係有腐蝕性，我估你都唔想我試到佢真係有腐蝕性呱。。。

求

人就係好奇怪，無，就想要。

到你有嗰時，你又覺得唔係嗰會事或者不外如是。

求而不得的東西就像是最想要、最完美，根本係自我o既迷失。

期權開倉小紀錄 Short Call 下月 700@$430 後續 - 貳零壹捌年伍月

上個禮拜四就平咗了，因為星期五出業積，費時對對糊無得估。所以都係食咗先算。
4.750 平倉

6.55-4.75 = 1.8

平咗唔駛煩，可以大覺瞓。

真。香港地

我一般真係唔會貼歌詞，因為我覺得真係有啲小學雞。不過呢首歌我堅有感覺。

原曲：《香港地》，陳冠希
主唱：真‧ 河國榮 (feat. MC 仁)

同熱愛這片土地 大家刻骨銘記
愁或喜 生與死 也是香港地

對於呢個地方 我同你同一個同感
同一個諗法 我同你同一種人
雖然你有你忙 我有我忙 佢有佢忙
各有各行業 但係聽過同一首王傑

廣東道旁北京旁 啲喼塞爆同一個海港
大把小店接埋就係 我地呢一個香港

右邊有好多金行 左邊有好多藥房
面目全變 仲係唔係我哋嗰一個香港

經過幾多風暴啲樓價仍然屹立不倒
慈雲山下馬鞍山下依舊死做爛做
新機場唔再新 但係話想整多條跑道
舊車廂唔再用 但係新車廂有故障訊號

新路總 新報紙 新 TV 新主持
邊個話事我唔懂事 基本上唔再係白紙黑字
經過幾多清洗 真港仔仍然係真港仔
經過幾多瘋狼真港人仍然係真港人

＊同熱愛這片土地 大家刻骨銘記
愁或喜 生與死 也是香港地
同熱愛這片土地 大家一句到尾
由自己 生與死 也在香港地＊

(MC 仁)係得呢個地方出世 就預咗喺呢個地方道死
有人會痾到黃金遍地 搞到有陣黃金味
有人會睇到唔一樣 樣樣嘢怪塊土地
有人會屈人宿娼嫖妓 有人會選擇離地
有人會認為呢個係六八同九嘅問題
呢度嘅官員一齊吹水 點會居安思危
7 百萬隻螞蟻 唔容易走晒出嚟
向住同一個電視睇 一定會鍾意梁烈唯

係真香港人 當然會識英雄輝
係真香港人 可以睇埋同一篇潮文
你一崇拜馬雲 就表示你係第二種人
I rap the police I rap the government

跌得起輸得起 搵首歌笑下自己
真港人至叻 唔使靠人個個靠自己
唔怕攬住飛唔起 使乜要同人地比
要有定企 首先要企硬自己

Repeat＊

期權開倉小紀錄 Short Call 下月 700@$430 - 貳零壹捌年伍月

海鮮痕之裸 short
嗱，高風險，唔好學我，棧學壞手勢。

事緣尋日，真係手多 short call 六月 0700@$430。當時正股為 $403，波幅好似 27.x。收權金 $6.55。但此乃賭大細之動作。唔好跟。

收市時,option 己升到 $8.02 波幅升到 28.x, 正股價為 $406.2。又睇下點！

期權月初小更新 - 貳零壹捌年伍月

Contracts O Date B/SO  Price Close
合約 開倉日 買沽 開倉價 收市價
HEH60.00E8 電能五月60.00認購 04/18 沽 0.540 0.02
XCC8.25E8 建銀五月8.25認購 04/19 沽 0.215 0.081
HKB80.00E8 匯豐五月80.00認購 04/20 沽 0.650 0.07

呢堆嘢係上個月月尾做落o既，睇到 short call 有錢賺真係未必笑得出o架，因為即係正股或者個巿向下跌緊囉，係唔係好矛盾呢？

5/7 恆指收 29994。即係唔到 30000 點。
0005  $75.1
0006  $58.2
0939  $7.98

頂你，收埋啲權金都唔夠隻 0006 蝕咗去。隻嘢足足蝕咗 5%呀。咁辛苦做下期權都係為追數，真係辛苦命。

可能，平晒佢。收割，再開倉仲好。唔駛夜長夢多。我毫無 data support主觀感覺喺大巿想向下。

MX-5 Wiper Change 換水撥手記

話說早排 Costco 有 Goodyear Wiper 特價，好似係減兩蚊，成惠五個幾一支，咁咪買兩支俾架 MX-5。因為都睇過舊嗰兩支條膠都係爛咗，唔係好撥得乾淨。加上上次o架 Accord 用得都正正常常，所以咪諗住買翻佢嚟用。

去到嗰度，揭下本書仔睇下o架車個水撥個 size 係咩先。

咦...

點解無 2011 年款個 Size o既？咁奇怪？

咁我咪又上網搵下囉，哦，兩邊支水撥都係 18 吋，咁咪二話不說咁攞住兩支 18 吋放落架購物車度喇。

唉，我寫得出嚟，故事梗係無咁快完結喇。

到我換第一支司機位嗰邊個水撥，Yes，easy，攪掂。但到我換第二支乘客位嗰時就，好喇，換好再拍翻底支水撥時。。。咦？點解有一邊唔胋玻璃o既？心諗，仆街，中咗招添。

我再睇個說明書三次，睇到佢話如果唔 fit o既話可以用裝個 adapter。無論說明書同 website 都講到似層層咁，即係講到用咗個 adapter 就藥到病除咁款。咁我咪發個 email 去佢個 CS 度問佢攞個 adapter 囉，唔駛錢佢寄過來的。

好啦，過咗三四日，收到個小 package，個 adapter 到咗，咁我咪即係裝上去試下喇。結果都係無咩作用，都係有一邊唔伏咁。可能最原始嗰款反而係最 fit。

仲有，其實換水撥其實係可以淨換條膠，唔駛成個支架都換。我呢，雖然換咗 Goodyear 水撥，但原裝個水撥係無扔度，有咩事都可以用翻嘛。我就係有鋪儲嘢o既癮。。。

期權狀況小更新

Contracts O Date B/SO Price Close
合約 開倉日 買沽 開倉價 收市價
HEH60.00E8 電能五月60.00認購 04/18 沽 0.540 0.350
XCC8.25E8 建銀五月8.25認購 04/19 沽 0.215 0.162
HKB80.00E8 匯豐五月80.00認購 04/20 沽 0.650 0.480

其實呢，見到啲 option 個收巿價低過開倉價，即係有錢賺喇。咪咁開心住。呢個情況都有兩個解讀：

一、個正股價會咩點變，但由於越來越接近結算日，喺波幅不變底下， option 價格理應會向下，原因係觸及行駛價o既機會越來越低，越來越小時間去俾巿場去實現行駛價。呢個解讀喺比較理想o既情況

二、正股價向下，咁好直接就係越來越唔接近個行駛價，即正股價比你開隻 short call 嗰時仲低咗喇。即係準備正股蝕錢喇。Short call 收o既期權金只係叫做將個蝕本價推落啲啲。係唔太好o既一個情況。

點解做 Short call？因為有貨喺手，咁做 short call 咪唔駛再另外做保險，因為有實貨可以俾人，唔會祼 short。爆大單邊會輸到 hihi。

期權開倉小紀錄 0005.HK 期權操作 - 貳零壹捌年肆月

一不做 二不休
索性做埋滙豐銀行。

上星期五，手痕做埋滙豐。當日做 short call 嗰時正股為 $77

成本 5x 蚊
現價 77
脹面獲利 2x 蚊

基本上，有排都唔會蝕入肉。52 週高位為 86 蚊。由高位計，回落已有 10%。呢隻嘢呢，我估都係長揸多。 Short call 佢都係貪心想收啲權金當賺多小小息。加上覺得個巿唔係特別強，要推大笨象多叁蚊斷估唔係咁易呱。

Short Call 0005 五月 $80@0.65。
如果升到$80，有機會被人行使，會現價賺多 0.65，我估我都喺會即係買翻。
如果升到$80-$80.65，有機會被人行使，偷到人雞O既金額變細了。
升超過 $80.65 以上，極大機會被人行使，將要以 $80 放貨俾人，即係賺小咗。可能即刻做翻 short put 等接貨仲有數，好過即刻喺巿場買翻貨。

0939.HK 建設銀行的部署

其實講到部署就太過嚴重，我好多時都亂鳩咁嚟。

成本 5.90
現價為 8.18

賬面獲利 2.28 (38.6%)

52 週高位係 $9.39，即係由高位計回落已經有 12.8%。呢隻有其實息口都算不錯，有 4.3%，而佢一年派一次息，減小手續費開支。我持股量好小，我估股息都夠食餐飯o既 -_-||

沽又好似唔拾得，唔沽又身痕，又覺得個巿弱弱地咁，但係又唔敢 short call 恆指，費事突然中美握手合作，兩韓又話和平統一，世界一遍昇平，咁股巿爆單邊我就中伏鳥。唯有 short call 下隻 0939，尋日 short call 嗰時正股為 8.09。我唔排除七月派息前可能會夾上佢(純個人主觀願望，毫無數據支持)，所以只有 Short Call 五月 $8.5 @ $0.215

如果維持現價到五月底，權金  0.215 袋袋平安，正股繼續持有

如不幸被行駛(其實唔想放)，即係會賺 8.5 - 5.9 + 0.215 = 2.815

如果跌穿 7.875 ( 8.09 - 0.215 )，我就係白痴咗，無即刻沽正股保平安，收完權金都唔夠補翻正股蝕嗰浸。

0006.HK 電能實業o既後續 (修定版)

頂呀，原來之前計錯數，手痕 check 下 0006 做緊咩價位，嚇然發現過多幾日又除淨，心諗，吓，咩唔係除咗o架喇咩？再睇，原來上次除淨只係特喇息，呢次先係 $2.03 o既股息，oh my god!即係倒蝕緊。

成本 67.350
特別息 6

股息 2.03

除淨後成本為 67.35 - 6 - 2.03 = 59.32 61.35

現價為 58.95

現虧損 2.4

實在後悔無在高價 7x 蚊個時沽清，又忘記咗初衷添。自己攞嚟，無得怨人。

唯有 short call 番等量 $60 五月@0.54 嚟填數。收權金 0.54。

如果維持現價到五月底，會賺 -2.4 + 0.54 = -1.86，即係蝕 1.86 一股。(你老味)

如有幸被行駛，即係會賺 60 - 61.35 + 0.53 = -0.82 即係蝕 0.82 一股。(你老味)

如果跌穿 58.78 60.81 ( 59.32 61.35- 0.54 )，我就白做，無端端啲錢鎖咗個幾月又費神去買股又做 option 了。

三個 scenarios 我都係蝕，即係白做，我做 option 都只不過係救緊貨。

四月中仍然嚴寒

嚴寒一字雖然有啲誇張，畢竟，才負兩叁度。但四月中仲落雪，兼且我要用十分鐘去鏟走車上嘅冰雪先開到車。。。那似乎有點痴線

既驚且喜

Sss...

毛記電視

因為做唔切孖展，所以抽咗 4 手 only。一如預期，係抽唔中的。

三月下的嚴寒

家陣都過咗三月中旬，點解朝早6點嘅溫度只有零下六度？究竟我係唔係癲咗？或者我會唔會癲咗？美國給我的印象，除了凍就只有凍。

二月期權記錄

買入數量  買入成本  沽出數量 沽出成本      +/-
細恆指三月27000認沽 1    103    1    390 287 (1)
細恆指二月28000認沽 2    50    1    210 110 (2)
細恆指三月30600認沽 1     800    1    365 -435 (3)
細恆指三月31000認沽 1     730    1    1180 450 (4)
細恆指二月31200認購 1    199    1    326 127 (5)
細恆指二月31600認購 1     1    1    70 69 (6)
細恆指二月31800認購 1     141    -141 (7)

(2)呢個係跌兩次兩千點之後 short put 的
(1)呢個係跌兩次兩千點之後 做咗 (1) 之後，仲跌咗一下，堅持想法，所 short put 多張
(4)呢張喺恒指創新高之後，跌咗第一次一千點，喺亳無理據，純靠估 short put。呢張好彩，趁佢反彈後，即刻平咗佢，有錢落袋。
(3)呢個係二月o既敗筆，成個月攪成日個大龍鳯都係為咗彌補呢張o既損失。發現唔對路，平咗(4)嗰張，然後移落 400 百點，以為夠 buffer。點知...
(5)反幅向下 feel，所以嚟個 short call
(6)方向啱，所以追多張，不過都專登移遠啲，無咁易中招
(7)呢張係諗住做 (5) 同 (6) o既保險

事後檢討
- 我呢啲小戶，一直都只會做細期 option 即係 MHI
- 我發覺自己做指數期權，判斷方向只係純鳩估，我都要諗下點改善下
- 要戒除壞習慣，裸 short 是好危險的。千萬唔好再裸 short
- (5)(6)(7) 呢三張係下半月先做，其實張保險做得太近太唔抵，(5)(6)(7)夾埋一齊嚟睇翻，做嚟其實都浪費能源
- 還好就係呢堆操作都仲係正數
- 我諗我都係鍾意做股票期權個心舒服啲