HP LaserJet P1006 之重新 - Network Shared Printing

話說家中有部陳年的 HP LaserJet P1006。呢部嘢十分騎呢，我都唔係好知 printing o既 protocol，以我有限o既知識o既理解就係，呢部煩嘢係將要 print o既嘢，全部轉成 image 先再 print 出嚟，估計都係啲史前o既產物。

轉入正題，話說近來我安裝o左 unRAID，突然靈機一觸，既然個 server 長著，係唔係又好似之前 DSM o既實驗咁，host 個 printer server 令部陳年 laser printer 可以變成 network printer 呢。

上網 search 咗一下，有一個 docker 叫 CUPS，用嚟做 printer server。咁我就拿拿林就安裝，揀好型號再裝好 driver，到裝好之後就試 print test print。事情就當然無咁順利喇。部 printer 一啲反應都無。click 落去 log，就有一堆 error：

E [15/Jan/2022:13:19:16 -0600] [Client 307] Returning IPP client-error-document-format-not-supported for CUPS-Add-Modify-Printer (ipp://localhost/printers/HP_LaserJet_P1006) from localhost.
E [15/Jan/2022:13:19:49 -0600] [Client 313] Returning IPP client-error-document-format-not-supported for CUPS-Add-Modify-Printer (ipp://localhost/printers/HP_LaserJet_P1006) from localhost.
E [15/Jan/2022:13:19:59 -0600] [Client 318] Returning IPP client-error-document-format-not-supported for CUPS-Add-Modify-Printer (ipp://localhost/printers/HP_LaserJet_P1006) from localhost.
W [15/Jan/2022:13:25:19 -0600] CreateProfile failed: org.freedesktop.DBus.Error.ServiceUnknown:The name org.freedesktop.ColorManager was not provided by any .service files
W [15/Jan/2022:13:25:19 -0600] CreateProfile failed: org.freedesktop.DBus.Error.ServiceUnknown:The name org.freedesktop.ColorManager was not provided by any .service files
W [15/Jan/2022:13:25:19 -0600] CreateDevice failed: org.freedesktop.DBus.Error.ServiceUnknown:The name org.freedesktop.ColorManager was not provided by any .service files

上網一查，發現部 printer 除咗要裝 driver 之外，仲要裝一個HPLIP o既 Plug-in 佢先可以 printer 到嘢。估計都係因為佢奇奇怪怪o既打印方法。我遇到兩個問題，就係唔知點 download 同唔知點 run。

https://developers.hp.com/hp-linux-imaging-and-printing/plugins

睇完一大輪，HP 淨係叫人喺 CLI 度打 HP-setup 或者 HP-plugin，我心諗，屌，我喺 docker 度裝 CUPS，咩都無裝又點會行到呢兩個 command 呀師傅。

搞咗一大輪，沮喪到就嚟放棄之際，我就喺 terminal 度手痕打 HP-plugin 試下。嘩，屌，真係有反應o架喎。唔好問我點解得，我都唔知點解，佢可能原生就有娤咗 HP 個 printing package。但入到去有三個 options, d 就係 download，p 就俾條 path, q 就 exit。揀 'd' 佢又話 download 唔到喎。咁我咪 wget 個 plug-in 囉，可以去呢個網址度睇下：

https://developers.hp.com/hp-linux-imaging-and-printing/plugins

一個係 .run 尾，一個係 .asc 尾，兩個都要 download，因為佢要計一下個 plug-in 係唔係原裝無俾人 alert 過。跟住再 hp-plugin 入去，今次揀 p 去 specify 頭先 download 咗返嚟個 path。仆你街，佢又話咩 Gnu command not found。上網搵一輪之後原來又要裝個咩 gnupg o既 package。由於 CUPS 係 debian 底o既 docker。所以可以用 apt install gnupg 呢個 command 去 download 同 install 所需 package. 之後再行 hp-plugin，入到去再 specify 條 path 就真係大功告成。我估唔到真係會得咗。

最開心係 iPhone 都睇到個 printer 可以喺部陳年 printer 度打印。又學多樣嘢。

學黃子華話齋，唔搵錢嗰啲，係技能定無能呢？ 

https://developers.hp.com/sites/default/files/hplip-3.18.12-plugin.run

https://developers.hp.com/sites/default/files/hplip-3.18.12-plugin.run.asc

HP Microserver Gen8 + jun's loader 1.03b + DSM6.2.2

我寫呢篇文係因為我唔見有寫中文o既人做過實戰，固此我特此一文，以此為記。就算俾你去大陸啲黑群 forum 都多數係左抄右貼， 或者係重覆人地行 ESXi virtual machine 去行 DSM 6.2.2。

行 virtual machine 其實係一個幾好o既做法。因為你扮一張 intel network 係 virtual environment 但你個肉身都仲係 Gen8 onboard 張 boardcom NIC。但我仲未諗掂啲 HDD 要點分同埋怕炒咗嗰時唔知點救所以就無玩到 ESXi。或者香港o架 dead machine 可能會試下呱。。。

而我呢次真金白銀再賭上我自己o既 data 去做實驗。

我部機係 HP Microserver Gen 8, Xeon E3-1220L, 12GB ram。我之前試過升去 6.2.1 或者 6.2.2 都係會上唔到 network，估計原因係之後唔再 support  boardcom 個 onboard NIC。又見網上有人寫話係 support Intet o既 NIC，咁我就 ebay 咗張 Intel o既 E1G42ETG1P20，成惠USD$11。

我試咗兩件事。一、 fresh install DSM6.2.2。二、upgrade from DSM6.2 update 2。兩樣都係成功o既，但先決條件係你要有張 intel o既 network card。

雖然我成功 upgrade 咗去 DSM6.2.2。但個 internet radio 自己加嗰啲 link 都係唔識得出聲。。。

iLO4 latest firmware

https://pingtool.org/latest-hp-ilo-firmwares/

原來仲有更新，由 2.54 升到 2.7。無問題。要解壓兩次攞到個 ilo4_270.bin upload 入去。