話說架車仔買返嚟無幾耐就著 brake 紅燈，即係無放 handbrake 棧警告燈。我心諗，唔係咁快有嘢壞嘛。。。上網一摷，有三個原因可以引致呢棧紅燈。
1.未鬆 Handbrake
2.架車覺得個 brake malfunction
3.佢自覺 brake fluid 唔夠
其實佢多數都係突然間俾大油先會著一下，行多三到五秒佢就會熄翻，好鬼神奇，我久唔久就嚇一嚇以為自己未放 handbrake。
咁我咪打開車頭蓋睇下囉，一睇，
嘩，
無問題喎師傅，啱啱好喺正 min 同 max o既中間喎。
咁我又咪再 search 一下睇下佢究竟想開邊瓣啦，得出結果係，有機會唔夠 brake fluid。有其他車主表示，低過 max 條 line 佢就有機會會著燈。心諗，你咁敏感？
尋日基於換唔到油o既失落，咪走去買樽 brake fluid 添啲囉。拖咗好叉耐o既原因係因為唔知買咩牌子好同埋知道佢唔擺得，會吸水氣而導致失效。咁尋日咪走去 Walmart 行個圈，原來有細細支買的，就買支 DOT-3 rating o既，成惠 $1.98。
細細支，兩蚊美金，用唔晒就話之佢。返到屋企就打開車頭蓋，斟滿佢！勝o既！跟手再大腳油出街行咗個圈，好似又真係無著燈喎。等我再觀察多一個禮拜先。
記得啲 brake fluid 唔好滴到架車周圍係，聽講佢係有腐蝕性，我估你都唔想我試到佢真係有腐蝕性呱。。。
No comments:
Post a Comment