話說早排有個香梘人涉嫌喺寶島將佢當時o既女朋友變成非自然死亡，案件就當然轟動社會。而就香江驚慌而言，因為案件涉及境外司法管轄權，所以未就非自然死亡一事搜集足夠証據提出檢控，只能就洗黑錢一事作出檢控。
涉事人服刑及刑滿出獄，又再次引起社會熱議。
我無意在此作道德或良心批判應否去台自首。但就事件想提出兩三個思考點：
一、佢係'去'寶島自首，唔係'回'台自首。我覺得有必要搞清楚個 home base 係喺香梘，唔係寶島。此其一。
二、自願去寶島自首，個人覺得非常唔合符人性，好簡單，你明知一去就會被人關禁，而你係有選擇地唔離開香梘，我完全睇唔出有咩誘因要出國去寶島。我無讀心理學或者犯罪學，唔知涉事人心理狀況如何。我只知唔去係好正常，更何況係合法地有得揀。所以你話佢自願去寶島自首，我 唔 信 ！
三、合法性。成日都話法治社會，人地有權合法唔離開香梘o架大佬。你香梘未能提出檢控係你問題，你無輸打贏要o架喎。你可以話呢個係漏洞，係，但係係無辦法的。你無可能押佢去寶島o架喎，呢個係邏輯問題。如果你硬要以道德/良心o既批判要覺得涉事人一定要去寶島的話。其實同批鬥無咩分別。
呢個係我睇法，當然我知好多人會唔認同。我都歡迎討論一下。
