年紀大，回復機能滅慢。

去完香港一遊都成兩個禮拜。但時差好像仍未倒得過來。

Samsung Galaxy S3 I9305 之回歸 和 recovery 安裝方法

輾輾轉轉，我又係用翻部 S3，其實都無咩問題，暫時行緊 Android 4.3 stock rom，仍然十分暢順。只係個 mon. 細咗小小。

講你都唔信，我喺呢邊差唔多成年，我都無一個 always on o既美國 number，要個私人擁有的就只有個 google voice number。比著香港的我簡直係不能接受。但喺呢邊，我唔係返工就係同老婆一齊，幾乎唔會有自己一個人o既時間(開車除外)。所以我覺得無咩必要每個月俾成三拾幾蚊美金去開個 number 嚟用。

講翻轉頭，部 S3 過左保養 n 年，就決定裝個 custom rom 去玩下。但第一時間要裝個 recovery 取代原裝嗰個。
https://mega.nz/#F!oZ1QDDbC!Ko20UNhowwIlXLVFjJsyKw

記得要揀啱你自己部機個型號，變咗磚唔關我事。

然後就關機，再按 volume down + home + power button，就會入到 download mode，再插入 usb cable，打開 odin (係一個用嚟 download bootloader/android system 落手機o既程式(我試過大陸啲手機都用到呢個 download 程式)。click 落 BL 度，select 個相應的 md5 尾o既 recovery image。再 click start。

等一陣佢就會 download 好。之後就會自動 boot 機。

成功開機之後，就可以關機再入去 recovery mode 睇下係唔係堅搞掂。

關機，按 volume up + home + power button，就會入到剛裝好的 Philz Touch recovery。

之後你想入咩 rom 就各人喜好了。

有感而發 - 工程師篇 ESD

ESD，做過 Semiconductor industry o既一定好熟識。靜電呢家嘢真係無處不在，佢仲會有機會無聲無色咁打死你啲電子嘢。小弟有幸曾經喺一間香港上巿的 IC design house 做過，叫做接觸過啲高科技，學習應有的 quality 同 process flow，獲益良多。 話說小弟家陣喺一間 lighting company 度工作。眼見當中的 quality system, procedure 同對待 PCBA o既手法，實在不感苟同。不斷同自己講，唔好污染自己，要堅持原則...

回港休假

其實這個標題很吊詭。原因係，小弟本來想去美洲好優悠的做幾年工作尋找新方向，但好似未達到預期效果。感覺上工作比在香港還要忙。淪落到要回港才叫做真正的休息，但家陣又預計飯局將非常頻繁，實非休息。 Anyway, 小弟下星期就回港兩星期。行程好似有點密。因為有四天到上海跑一趟。 突然好想喺香港見下工或者同啲朋友做啲聯誼活動，目的是想睇下朋友間可以點發揮各自的所長，或能束成一些合作的可能。

有感而發 - 工程師篇 4000K vs 5700K

當你喺唔點著盞燈o既情況底下，齋睇燈板，靠粒 LED 燈上面 coating 顏色深淺去判斷佢o既大概色溫，唉，小弟做咗咁撚多年都居然唔識。實在羞愧！我真係唔敢再亂咁同你講我係做 LED 燈的。 我好懷疑我咁多年嚟係唔係白過。 睇嚟又係差唔多時候收檔了...

Imagine

Imagine there's no heaven
It's easy if you try
No hell below us
Above us only sky
Imagine all the people
Living for today... 

Imagine there's no countries
It isn't hard to do
Nothing to kill or die for
And no religion too
Imagine all the people
Living life in peace... 

You may say I'm a dreamer
But I'm not the only one
I hope someday you'll join us
And the world will be as one 

Imagine no possessions
I wonder if you can
No need for greed or hunger
A brotherhood of man
Imagine all the people
Sharing all the world... 

You may say I'm a dreamer
But I'm not the only one
I hope someday you'll join us
And the world will live as one

歌，本來就就認識很久。因歌詞而感動，試問有誰能做到？特此一記。

期權快到月結小更新 Option 倉小分享 - 貳零壹柒年玖月

Open Contracts

開倉合約

Contracts 合約 O Date 開倉日 Open ID 開倉編號 B/S 買沽 O Price 開倉價 Quantity 數量 Close 收市價 Cls Floating 收市賬面盈虧 N/Close 夜市價 N/Floating 夜市賬面盈虧 HKB65.00I5 匯豐九月65.00認購 08/25 0016999 沽 1.150 2 0.020 904.00 0.020 904.00 XBC3.50U5 中銀九月3.50認沽 08/31 0001932 買 0.135 1 0.150 15.00 0.150 15.00 XBC3.50U5 中銀九月3.50認沽 08/31 0002244 買 0.132 1 0.150 18.00 0.150 18.00 XBC3.50U5 中銀九月3.50認沽 08/31 0002244 買 0.132 4 0.150 72.00 0.150 72.00 HKB55.00U5 匯豐九月55.00認沽 09/04 0001807 沽 0.800 1 0.080 288.00 0.080 288.00 HKB55.00U5 匯豐九月55.00認沽 09/04 0001807 沽 0.800 1 0.080 288.00 0.080 288.00 Total 總盈虧 (HK$) 1,585.00 1,585.00

唔好問我有咩策略，只我只係想對沖下損失。。。

我只係上網睇咩叫做 option，跟住就小心控制注碼咁做對沖。當然，歡迎各方好友指點研究。

俾個 reference，3988 小弟係 $4.3 買入。0005 個入貨價係 $67。頂，我唔係想做 option，但真係見佢不斷尋底真係嘔血。

Megabus Philadelphia to New York

小弟細妹來美探親兼漫遊，咁小弟跟內子趁機帶埋小妹去 philadelphia 跟 New York 一遊。先由 O'hare 坐飛機到 Philadelphia。

話說內子幫忙安排一齊，小某只係帶個人去就得，真係要多謝內子。

八點鐘的巴士，七點半就行到巴士站。嘩，原來一早都有差不多十個人在排隊。心諗，呢次我大把位揀喇。檢查好票，我第一時間標咗上上層。坐咗一陣，先知道原來上層頭嗰十幾個位係 reserved seat, 即係要俾多幾蚊去 reserve 的。WTF，身為一個'香梘仔'，屌，我坐巴士多過你食飯啦，要俾錢坐前頭，傻的嗎？

最 chok 住道氣係，明明係排前頭，都蝕章，三條友因為我嘅錯誤行為，搞到分散曬嚟坐，最衰係小弟傻下傻下坐咗落去 reserved seat,  搞到唯事已晚，恨錯難返。故特此一記，希望其他有緣人見此文，避免重覆犯錯。

此文就在巴士上打文，睇嚟仲有半個鐘鬆啲就到，have a good trip in NY!

買電視小分享

話說小弟之前'借'咗親戚部 50" 電視去 Apartment，雖然有啲殘同紅線，但基於佢係唔駛錢借用，就無所謂喇。點知，物主要結婚，要執拾自己的物件，同時要攞翻電視。咁就開始咗我做資料搜集o既生涯。

Target 係 50" 至 60" o既電視，我個人對電視無咩要求。人愈大就愈係買平嘢，但唔代表無要求。係經過權衡後而買嘢，總之就計性價比，廣東話就係要抵！呢次睇中都係 Samsung, LG 同 Vizio。Hitachi，JVC，Sharp，長虹，呢啲不作考慮。買家電都係買當期o既大品牌好。美國買電視真係唔算貴，50"都係 USD$600 起跳，視乎咩牌子同 function 啦。

 話說有一日，Patpat 痕走入去 Bestbuy，個 sale rep. 極落力叫我買 4K，仲暗串我 main TV 無人再買 1080。所有 1080 都係 entry level，cheap 嘢，所有牌子都只有一兩個 model 係 1080，家陣啲人都係買 4K。但係，我只用嚟睇下 youtube，美劇，新聞同 chromecast。我又無 cable(我係唔會睇 paid tv 的)，對電影又無特別追求畫質。所以，一部 1080 都夠晒我用。(呢啲咪就係點解好多外國人過度消費囉，nice to have 同 must have 都未分清，我夠知 4K 靚喇，我唔係無錢，係我用唔著，到我搬走唔要電視嗰時都唔知睇唔睇一次 4K o既片)所以我一直都好專心去搵最平的 1080 電視。

以實體店嚟計，Costco 係最平，尤其特價時就最平。但小弟今次都無去 Costco 度買，因為仲有個更荀o既地方。

slickdeals.com
ebates.com

第一個網站係搜集晒所有優惠，去 search 下你想要o既產品。第二個就係有真 cheque rebate，只要透過 ebates.com 呢個網頁 click 去買嘢，就可以有 2-5% o既 cash rebate。

呢次就搵到 dell 特價賣 LG 55LF61000 TV，特價 USD$599，然後 dell 送 $200 gift card。加埋ebates 有 double point rebate。本身仲有 AMEX promotion 100 rebate，但 miss 咗。 所以，美國買嘢一定要上網 search 一輪先好買呀，唔係好蝕章。

自己換偈油 II

事件跟進：

1. 我覺得架車個耗油多咗 1 mpg，也有機會我呢排大腳油有關。
2. 我今日終於拎啲油去 recycle。好簡單，將啲偈油拎去 o'reilly auto parts 就攪掂。佢地係免費回收 used motor oil。不過佢地會俾翻個 container 俾番你。每日係 recycle 5 gallon per people per day. 成個換油o既過程就叫做完成喇。

美劇和英劇

我本身都唔鍾意睇電視，基本上，我香港都唔多開電視，除咗睇新聞、愛回家、港享受港生活，都無咩睇其他電視節目。 身在外地，呢期睇咗啲劇集：FOREVER 同 HUMANS。 FOREVER，講一個人係唔會死，每次生命受到重創就會重生於海中。當中好多對白都好有意思。當人類不斷追求長生不老，呢個劇俾到你另一個角度。 HUMANS，故事好老生常談，講機械人高到融入人類生活，同時有一小堆合成人有思想和感情，都幾好睇。

股巿小記

呢次真係俾阿爺玩到謝... $270 蚊接咗兩手 388，最終要 $24x 止蝕離場，最低插到去 $198，雖然家陣佢上番 $239，但佢個息口太低，同埋 PE 太高，暫時唔會買番，低過 $200 就會諗下。 早排巿況太差 939 我 $7.4 入貨，最後又係要止蝕離場。。。 好彩食咗 0.3 利息填翻小小損失 2828 就更慘不忍睹，又係要止蝕 2800 就繼續持有，因為大陸政策，買佢會升番。其實 2828 都應該會升番，但真係唔想再俾阿爺玩一鑊。 281 呢隻仲吹漲，0.39 入，佢一直跌到 0.36，止蝕後就升翻去 0.425。無話可說。 最後，確定阿爺政策，我就 $4.3 買入 3988，$67 買入 5。 最後悔係無決斷的低價買入 3888，浪費了 30% 的升幅。 特此記錄以警戒自己。

自己換偈油

話說小弟實在太得閒，咁啱o架車著燈提示要返廠換油同檢查。基於工程師的本性，一於睇下有咩要檢查先。

2012 Accord 2.4 LX，出 A12 code 睇翻 owner manual，有呢幾樣要 check：

Air filter
Cabin filter
Belt
Oil Change

咁即係要睇皮帶、冷氣 filter、engine 入氣 filter同埋要換偈油。家陣網上資訊咁X發達。睇下人地點做先。

打開車頭蓋，睇下條皮帶咩咩先，按下佢，好緊無咩虛位，再著車睇下有無怪聲，皮帶坐唔行或者歪斜，感覺一齊正常。 咁到冷氣 filter，原來係係乘客位前邊個儲物箱，原來好鬼易拆開，真係要拆過先知係點做。打開個儲物箱後，好易就拉到個冷氣 filter 出嚟。一睇，又唔係太污糟咋喎，係有啲樹葉呀樹枝呀咁，當然有小小黑色喇，咁我咪又用個吸塵機吸吸佢，又乾淨晒。跟手到 engine 入氣 filter，原來又係好簡單，電池對上個有舊嘢，以前成鬼日都唔知係咩家科，原來鬆開三個 clips，就可以揭開個蓋，原來就係放著一個引擎的吸氣 filter，當然我又拆佢出嚟又用吸塵機吸吸佢，又乾淨咗，我估可以頂多一次先換。

我估下次我係會自己買自己換，根本就無咩難度。 好喇，到戲肉，換~偈~油~ 

事前都睇咗好X多次人地點換。搜集好資料，知邊要買咩偈油同偈油隔，即係 engine oil 同埋 oil filter。我呢次就用咗 Mobil 1 0W-20 綠色 label 嗰款。Oil filter 就用咗 Bosch 的 distance plus。偈油 4.75L 喺 WalMart 就 $23.x。Filter 就 $10.x。後尾發現跟本唔係買咁貴 filter，因為如果預咗換油又換 filter，駛鬼理佢係唔係可以高里數 filter 咩，蠢咗添。我仲要買個 oil pan 去儲啲舊油，Jack Stand 去頂住部車。

好喇，要熱咗o架車啲偈油先流得快，熄車，打個偈油蓋，用跟車附送的 jack 去 jack 起o架車，用jack stand 頂住，千其唔好就咁用個 jack 去頂住o架車，札落嚟無命賠。然後 jack 埋另一邊，同樣又係用個 jack stand 頂住佢。好喇，預備好 oil pan，瞓落去一睇，咦！點解有個膠底冚o既，咁我就手快快拆埋佢，但到最後先發現原來唔駛拆佢都可以換到油。唉，低能咗添。好，然後就搵個 wrench 去扭開粒 engine oil 底盤粒螺絲。嘩，啲偈油 fa fa 聲咁'標'出嚟，個 oil pan set 好位都無用，佢痾得實在太遠，搞到一地都係。。。咁等佢一陣，流晒啲偈油出嚟，就要扭開個偈油隔，真係就咁用手都會扭到出嚟，但記得戴手套，因為拆個偈油隔係一定會整污糟隻手。又等佢流晒啲油出嚟，就可以攞個新油隔出嚟，然後用啲新偈油去封一封個 gasket 同個邊，就可以將個新 filter 扭番上去，又係用手都扭到，扭番緊佢就可以了。之後就扭番偈油底盤粒螺絲，記得佢係有個 ring 的，作用係防止你扭死力而損壞啲螺紋而導致漏油。我呢次就懶，無換個新的 ring，下次先算啦。好，上好晒之後，就可以 jack 番底o架車加偈油啦。

記得 check 下 owner manual 話要用幾多偈油，我架車換埋 oil filter 就係用 4L，咁自己倒偈油落去就要自己小心睇住，加到咁上下就好停，然後著車，等佢熱咗就熄車，睇油標 check 下到唔到兩個 mark o既中間，唔夠就再慢慢倒，咪心急，倒多咗要放翻出嚟就好麻煩。 好，過咗一陣再睇下底下有無漏偈油，嘩，無事，好乾淨，大功告成。咁就完成咗小弟第一次自己換油的小 project。

美國好多地都有廢油回收，等我真係搞掂好啲廢油再報告。 換油後，架車真係爽咗，轉數反應快咗。

期權操作二

SP HKB@70 3.61，當時 0005 做緊 73.6。 每張可收 3.61 * 400 = 1,440 (唔記手續費的話)。假如無俾人行使，千四蚊袋袋平安。否則，就要以 70 蚊每股去接 0005 呢之又睇下中唔中先。 另外，之前做的 SC XCC@8 係唔係對自己太無信心呢。還是自己 set 得太貼價呢？定還是唔應該做 0939 o既 option 呢？值得檢討。

捉鵝(仔)小分享

上個禮拜，終於俾我生擒鵝仔。其實呢次係第二之喇。 話說大本營的草地經常有唔同的動物經過或逗留，最近呢期就有鵝同鵝仔。咁我呢啲城巿人梗係想玩下佢地同佢地玩下。原來啲鵝可以係好惡，尤其你攪佢啲細(廢話，比著有人攪你啲仔女都博老命啦)。我明知大鵝識飛好難捉，咁我就唯有向啲唔識飛o既鵝仔下手。由於鵝仔唔識飛，大鵝會照顧鵝仔，唔會自己飛走。每當我走埋去度，細鵝會逃跑，大鵝就會裝凶作勢，伸開對翼，仲會呼呼咁叫，想嚇走敵人(我)。咁我當然就唔驚喇，你唔走信唔信連你都捉埋呀嗱！每當佢地走落水我就會無佢辦法(唔通我跳埋落水咩)。 之後我就諗計，趕佢地去陸地方向，唔俾佢地走去湖度，然後就將大鵝同細鵝分開，咁細鵝由於體力有限，跑多幾步就會趴低或者走去小草埋扮睇我唔到。咁我就好易就生擒鵝仔，哈哈。我一手捉起佢隻腳。點知趁我背向佢嗰時隻大鵝居然飛起襲擊我，我仲俾佢抓傷添，隻手流血。不過，我捉到鵝仔真係好開心。最後，我梗係放翻佢喇，我只係想證明一下我個方法 work 唔 work。 原來，鵝仔潛水都幾叻。但佢地係陸地就比較輸蝕。 另外，啲鵝唔係好敢再嚟後花園遊玩，好處係小咗好多鵝屎。

交易紀錄

SC XCC@8 最終都平咗 @.15 即係要倒鉵，目標只係唔想比人行使連息都無埋。 點知平完之後就插水，咁我駛鬼平咩...

六月睇瑩光蟲@Great Smoky Mountain

原來，六月在 Great Smoky Mountain 可以看到瑩光蟲。特此一記。

股票期權操作小分享

小弟又終於忍唔住手去買股票，你估，會唔會又係股票大跌巿之先兆呢？不過講開又講，呢次又嚟疑似疫症，咩中東呼吸系統綜合症，啲報道話係類似 SARS 喎。又令我諗起走咗無幾耐的勞永樂醫生。 講返正題，小弟買咗： 0939@7.77 2800@28 2828@141.9 跟住，我就做咗我人生第一張o既期權合約。 SC XCC@8.00 0.11 (當時 0939 好似做緊 7.5x) 其實我唔係好識，都係上網睇見人地做我又做。 Short Call 簡單啲嚟講就係： Short = 唔睇好 Call = 升 Short Call = 唔睇好升 呢次呢個操作其實好(粗口)保險，點解咁講呢？ 首先，我係有持貨 0939 在手。只要我 short call 張數 match 翻我實貨數量，就算俾人行駛，我都一定有貨俾人。 第二，0939 今個月派息，佢派大約 0.3 per share，即係除淨日會跌 0.3 做 buffer，被人行駛合約o既機會又細一啲。 第三，就算係真係會被人行駛，我 7.77 入，要以 8.0 去放貨俾人，我都仲係有錢賺，雖然係小，但都係賺。 好啦，咁我搞咗場大龍鳳，張 Short call 又咗啲咩呢？就係每張合約可以收到 $110 的期權金。即係有對家(買入我張合約o既人)用咗 $110 去買咗個保險，如果有需要時可以以每股 8.0 去同我買一手 0939。 如果 0939 無升穿 8.0，我呢每張 $110 o既期權金就袋袋平安囉。

我的(新) notebook Lenovo X230

話說小弟終於有部新 notebook，我是從 Craigslist 尋寶回來的。

小弟離鄉別井後，一直沒有自己擁有一部專屬電腦，只是常常流動的使用老婆的 HP 發燒 notebook(佢成日好鬼熱，個風扇成日都好似開 turbo 咁都散唔到熱。仲有就佢個入風位做到超差，你平放張枱度佢都會自動 overheat 到自動關機，你話我起唔起火，所以我成日都同人講千其唔好買 HP notebook，買 dell 好過)，或者係姐夫家的 chromebook 或 dell。當然，我老婆部 HP 係平機款，但我都係覺得唔應該會過熱，枉佢仲係 HP 產品。

講翻我部新 notebook，佢極度新淨，最終賣 USD$400。Config. 如下：
Intel i5 3320M 2.6GHz
4GB ram + 4GB ram (upgraded by seller)
Samsung SSD 840 EVO 250GB (upgraded by seller)
USB 3.0
Fingerprint reader
Bluetooth 4.0
Webcam
HD4000 display
12.5" 1366x768 monitor
Ultrabay Series 3 docking with DVD-RW
6 Cells battery
another 6 cells spare battery
Notebook bag

部機仲有 3 個月保養！我知道呢部機唔係新機，佢仲係兩年前o既機款。但係呢個 config 對我嚟我好似真係夠用，同埋，佢已經係 SSD，真係開關機真係爽爆炸，同埋，個指模開機真係好過癮，辨認率十分高，直頭一揭起個 mon. 就可以 scan fingerprint 開機，入到 windows 仲可以自動 login 埋添。我用咗兩個多星期，真係無咩投訴。速度一流，又唔熱，又暢順，又無咩嘈音，又輕，仲有我好 like o既小紅點。唯一投訴就係佢個 keyboard 係無 backlight 的。又可以重拾 IBM Lenovo X series 啲情懷，真係好開心。

唔知，呢部機我會用到幾多年呢？

發噏瘋之論盡某網誌的LED bulb 燈膽點評

話說好多日都無寫 blog，決定一連出幾個 post 先。

今次講o既係有個 IT blog 的對 LED 燈膽的介紹。那位筆者是位香港挺有名氣的 IT 記者，佢曾經為 chinese engadget 打工的，家陣為自由人。我自己本身有有經常看他的 IT 產品介紹文章。但就比較小看 video，因為覺得 video 好多時覺得節奏好慢。(其實係我個人比較心急，睇文章可以自己控制快慢，仲有，係 snake yellow 嗰時睇 video 會太張揚了吧！！！)

話說有一集佢係話 LED 燈膽喎，嘩嘩嘩，開正我嗰瓣，唔睇唔得喇，小弟話晒都從事 LED 燈這行業。點可以唔支持下同埋睇下有咩好介紹呢。
當中佢當然有介紹 LED 燈胆，就係阿超人都有份投資嗰款。不過老實講，兩三年前我第一次睇就得覺得好前衞，但今時今日就實在好核突。因為佢個燈板同 LED components 外露：

• 無好的防塵和阿水保護。
• 外觀。
• User experience，LED 燈經常俾人感覺係好刺眼，無錯，LED components 本身佢光源係由一點發出，有別於白熾燈(incandescent light)或者慳電膽(fluorescent light)咁個光源唔會集中在一點。所以大廠或對燈光有要求的製造商都會加 diffuser 去令棧燈望落去柔和啲、睇唔到入邊一粒粒 LED components 咁醜樣同埋令用家睇唔出入邊同LED components。

佢介紹嗰個 LED 燈泡真係中晒我上面三個o既缺點。唯一o既解釋係，慳成本同埋易啲散熱。個燈泡原本以當時設計係幾前衞，因為佢可以做到差唔多叫做 omni-direction。即係好以一般烏絲燈胆同慳電膽咁360度都會有光出嚟。早兩二年前啲LED燈胆好多時都技術/組裝突破唔到，LED 光源有方向性，令一般用家係實際使用上有唔能夠完美取代烏絲燈胆同慳電膽。但家陣，好多牌子都做到，taobao 你都 search 到，才十幾廿蚊人仔一個，好心就咪再搵嗰個所謂'高科技'LED 燈膽出嚟介紹。我呢個半桶水o既工程師睇到都忍唔住要講粗口。

 好喇，就當你係想話俾觀眾聽，對比一下傳統白熾燈、慳電膽同LED 燈膽o既比較，咁比較都不在乎幾方面：熱量、用電量、使用感受同價錢。但係要比較，都要基於同一標準或者Spec.o架。例如，起碼大家都要同一光度/亮度，同一色溫(2500K/3500K)，即一般所謂的黃光 warm white/白光 cool white)先有得比較。你用個 2700K o既烏絲燈膽同個 3500K/5000K o既其他燈膽去比就梗係會黃啲o架喇，定等如你用灰色同黑色比較顏色，然後話：咦！？灰色嗰件嘢唔夠黑色嗰件咁黑色喎！你話呢個比較仲算唔算係比較呢？

1. 熱量方面，無錯，熱量越高反映佢由電轉換為熱越高，即係效能就越低。因為電 ---> 光 + 熱。咁 suppose 烏絲燈膽應該熱過慳電膽，而慳電膽又應該熱過LED 燈膽。佢用支探熱槍去度溫度我無咩異議，都係幾易話比觀看者聽有幾熱。我先唔理佢 IR Thermal detector 有幾準同個別測試點也可以有很大的溫度差異。但最起碼，比較發熱量都要係大家相同光度/亮度的燈膽去比較！你用個 10W o既燈膽同 100W o既燈膽比就梗係 100W o既發熱量熱o的喇。佢比較前無說明樣本個 spec.，我覺得唔夠公平比較同埋或有誤導之嫌。
2. 用電量，你用個 wattmetter 去度下咪知係唔係慳咗電囉，坊間大把啲直插 socket o既度功率錶喇，同上一點一樣，唔該你搵翻個相同光度/亮度o既燈膽去比較先知大家係相的 lumen/lux 輸出下，邊個用電小啲咪慳電啲囉。
3. 使用感受，你話 LED 膽刺眼啲，我無可厚非，因為佢介紹個 sample 確有呢個缺點。但唔該，你係要基於同一 conditions 去比較，即係相同色溫同大約相同的光/亮度先去比較。
4. 價錢，無謂多講，唔同 conditions 跟本就無得比較，1500cc 同 2500cc o既車會唔一樣價錢呀？

 其實，我唔係想抺黑佢。我只係想大家做網誌公開咁介紹產品前，多做一點搜集和功課，比較時基於一個要求，咁可以令其他唔熟識o既讀者更易明白同清楚各產品/ technology 有咩好處壞處，咪誤導人，俾其他業內人士睇到都真係 O 晒嘴。