蘭開夏道 vs. 情陷夜中環

家陣，多人都話自己係。香港仔。好似話自己係香港仔就會特別受人認同、唔係靠父幹等等。。。

我，對港島一帶有啲情意結。唔知同係港島出生有無關係。當然，我細個嗰時只係住灣仔o既唐樓。以前，我每次到灣仔，都盡量重遊故居，感受一下。當然，家陣o既灣仔街巿已經面目全非。大道東近石水渠街嗰邊已經拆晒啲唐樓由巿建局同華人置業起咗啲貴到我買唔起o既樓。時至今日，我仍然心存幻想去購入一個單位自住。

如果家陣問我個理想係咩，我可能會話俾你聽我想喺大道東買個單位自住。

我以前鍾意睇蘭開夏道個 blog，係可能有兩個願因：一、主角係專業人士。二、工作地點。三、生活態度。當然，人地都要搵食。但，現真身就小咗份神秘感。明知係作故仔，但一日唔現真身，一日都覺得係真。所以，我家陣都無再追睇，同埋，家陣都無以前咁興 blog。

家陣，我反而追看生果日報的情陷夜中環。雖然，我知道有好大程度知道佢為咗增加娛樂性，吹水作嘢係小不免。但，佢啲故事、情景十分到位，即使係爛 gag，都好有一定的水平。當然，我唔係咩大文學家，文人一睇呢啲短篇小品，難登大雅之堂。但，如令君有所感或觸動心靈，足矣。

你估，我仲有無機會投身另一界別呢？