A-Bike 快到手的前一晚

雖然晶x科x發放了員工 bonus，但我一點也不覺得十分興奮
1) 它根本是人工的一部分。本身就比巿價有點低
2) 這次的 bonus 不是一個驚人數字。直頭有點給入職前 HR 騙的感覺

大部分的 bonus 都去了還卡數、交保險。唯有一小部分的，去買了一輛價值rmb555的老翻 A-Bike。性能未明。希望好玩吧！

早幾日，應該是一星期前，是清明。拜新山。無錯，面對碑上那既熟悉又陌生的名字，我不禁也眼濕濕。為什麼以前我不多給他幾個電話呢？

如果個 Blog 名叫做科學園的掛名工程師，個 Blog 會唔會多o的人睇呢？

繼續忙的一天

update 下o的 doc...
放下 on-hold o既 wafer lots

又要準備寫 program o的o野。

返到屋企就立刻整番個 fax 機！唔知係唔係 pccw tune 過o的 signal！話說我係網上爬(斷纜後更加冇改錯名)的用戶，加埋屋係插o左三部電話，一直都相安無事。自從一個月前，發覺成日斷線，咪 call 人出o黎整 lor。

到o左o個日，條茂利打o黎話想早o的上去整。見阿媽係屋企，咪是旦喇，俾佢上去整。查出原因話係 fax 機影響，但又查不到 root cause，話可能o的線老化，令信號唔穩定喎。最後叫佢俾低o的線都話冇... 算喇，咪自己換 lor。點知我今日自己換完都係唔得。心想唔通老豆拉o既線有問題？左試右試之下，發現加個 filter 落去就咩都解決晒！DLS！有冇搞 L 錯呀！我都 check 到喇！阿師傅大哥你 check 咩 L o野o架？就咁我就攪o左成粒鐘！

好彩，我整得番！

再去阿鋼度幫佢夾過條 Lan 線。 HKBN o的師傅又係抵被人柄，鋪鋪夾線就淨係夾四條芯！永遠個插頭就包唔埋個白色膠皮，實易斷喇！

又差不多一個星期沒寫了...

都話o左係堅持唔到o架喇！
今日係公司出奇地好q忙！忙到連個巿都唔得閒睇。2x7x.HK 又累我輸三百幾蚊...都係離場...真係因'錯'得褔！

整埋信件。攪埋保險。

發覺人真係唔夠時間用！又想睇股評、又想睇書、又想搵 software download 俾部 6680、又想睡覺，呢期連報紙都唔得閒睇添。
生日快樂---老套但感人。

自從食完小肥羊後個肚就漲到家陣！呢鋪真係呢...

1919.HK 今日升到去六個幾！心思思想入貨。好彩，六蚊掛盤入唔唔到，原因？下一次揭曉！

22 Jan (後補)

繼續 hea~~~
會唔會被人炒o架呢？

個巿咁o既樣，點入呀？又冇 Cash...

Jackson兄要離開公司，有點不捨得。同埋兩個同事返去深圳同佢吃個飯。
醒o既，做唔耐。
鈍o既，頂佢唔浦。
所以，大陸o個邊流失率都幾大。

又再有機會坐 Subaru。同事說笑話佢買o左部 BMW X5 就送部 Subaru 俾我。梗係喇，佢知我根本出唔到保險嘛！

老闆話生意唔好，點解幾個老細都去換車o既？

去o左參觀 Subaru 車主的家和探探小狗。嘩，隻o野唔駛咁熱情嘛，我係佬o黎o架喎！de-sex o左都仲走o黎捉住我隻腳o黎玩...變態...

原來關口旁邊就有間三島酒樓。真係港燦！

21 Jan

累到反艇。

sleep 到二點先去稻香飲茶。四人行價一百四十蚊，仲可以嘟八達通！

細妹係大埔 Smartxne 度買o左部 SE Z558i。$1480，仲想點呀，咩 function都有齊，唯一不喜歡的就是佢用 M2

再去睇埋生日快樂。

Co Co Duck 呢間o野都幾好，價錢可以接受。叫o左杯 around the world，原因係見佢咩酒都有！但唔留意原來加薄荷的！變成勁難飲的一杯o野！早知要杯 salty dog 或者一杯 whisky 加冰算鬼數！

回家‧‧‧

20 Jan

回家第一件事，睇新買回來的 DVD。誰不知... 唔好睇。或者我對佢太大期望！實不相瞞，暫時我淨係覺得黃子華的才有信心保證！

吃個 Tea，再去吃小肥羊。揼埋骨！

19 Jan (後補的)

hea 住去的星期五。
放工回家吃飯。

之後就去旺角同 el 吃飯。但那間旺角標記樂園真係垃圾中的垃圾！任馮佢係十蚊一碗也是浪費時間！一碗牛腩米線，加送大甲蟲一隻。一碗雲吞麵就加送四粒不熟的雲呑，如此一間食店，都係浪費時間！

睇唔成戲，唯有買碟。買o左隻詹瑞文的一馬當先，很期待去看！成惠一百四十元。
返大埔~~~

18 Jan (後補的)

話說今日有個台灣 vender 過來，夜晚同佢地去食飯。

好o野又有得坐 Subaru~~~
今次就帶 vender 去食龍華酒店的乳鴿。老實講，你問我那裡的乳鴿好吃麼？我會說不太差，但好很好食o既我就唔覺喇，要六十個大洋一隻... 呢次我地原隻上，台灣人原來很少食過乳鴿的... 加上幾個細到無論的菜、煲仔飯(唔夠ssp正)同一個炒麵。'食送'不多，好似唔夠好睇... 話晒都請人食飯。

真係話之你幾十年的歷史喇，今時今日咁o既服務態度、菜的質數同分量都完全同價錢脫勾。仲有，果度係有免費泊車的，不過要俾三十個大洋做泊車費。龍華要結業話，衰o的講句，真係唔抵可憐！

聞說舊公司的一位上海同事來港，目的不明(大概同生意有關吧，無謂八卦)，同前和阿 bon 少相約好出來喝東西。故由沙田坐 Subaru (同事車) 到沙田 ---> 89x (九龍灣) ，會合過後 ---> echo(石硤尾) ---> MTR(CWB) ，間間吧都水靜河非，才十點半呢。之後再一路向前走---> 步行 (灣仔) 間間都係賓賓吧，有間候都唔知o的西人諗咩... 最終找到一間似樣o的o既吧，一人一支喜力... 真係無聊到爆... ---> Taxi (石硤尾) ---> echo(旺角) ---> 小巴(MOS)

一個字... 好很累

渴睡的星期三

今天，終於被同事發現我睡著了。shxt...

要寫 program，睇o黎，都係要夜歸喇。

嘩，曾幾何時，我與 icq 一起醉生夢死！但幾年後的今天，簡直像忘掉它的存在一樣！連密碼也差點忘記了。

死唔信邪...

今日以 HKD$1.74 再次做 2x8x.HK 的股東，希望能夠於公佈業績前賺十個巴仙以上。

今早開完早會，有個同事走過來問了我一下，說：你係唔係澳洲返o黎o架？我個心都想話係！但當然唔係！我便答：唔係呀，點解咁問o既？佢再問：咁你係邊度返o黎o架？我答：我都冇出過去讀書。

不其然一想
1. 我個樣似西人咩？(應該唔係)
2. 我似 ABC/半唐番？(都應該唔係)
3. 咩係本地生不可以在這家公司工作咩？
4. is oversea study a must?
5. 我係唔係需要出國留學一下呢？

這幾個星期，我不斷的想打俾阿爺。不是想講什麼，只是想問一聲：吃飽飯未？對！這句話一說便說了十多年。以前阿媽成日叫我得閒就打俾阿爺，咁我得閒都有打，不過都覺得自己做得很不夠。聞說阿爺從不欠錢，又好怕欠人錢的，對錢都算是緊張的！但臨走前居然問，'o的錢夠唔夠俾威仔擺酒'。每次想起這句話，教人怎會不鼻子一酸？

那一天，我以為自己會忍得住，發覺，都是不成！

奄悶的星期一

星期一，其實真係好很奄悶！
幸好，快快的吃完午飯便小睡片刻，多麼爽的一會事！

眼見很多 Blog 都在討論 iPhone，故我也不用多說！但有些人批評 iPhone 沒用、很貴等等，說它跟本和現有的 pda phone 沒啥分別。我看見這些評論，實在是 i lose my word! 我到底應否笑他們的愚昧？

或者是小某見識淺薄，但我到現在還未有一部 pda phone 是看得上眼的，除了 iPhone！因為我實不能忍受現時 pda phone 的所係 wifi/gprs 上網 (let's take it as baby internet/browsing)。它們只能上網，卻不能瀏覽！如果有 pda phone 去到 hangseng 的 e-banking 或者 youtube，我就話你好o野！仲有，我見有網上的評論竟說 iPhone 沒新意！單單是那個 multi-touch screen，我已經心服口服，我根本不用理會那些連 keynote 也沒有去一下的人的評論。

當然，我對 iPhone 也有些顧慮，就是它的售價及 touch screen 的 keyboard。

我用了一整晚的時間去砌了一副模型。就是小肥羊送給我的一副 EVA 量產型。愛死佢！勁型！但人們都說它很醜。很多年沒弄過模型了！

看回以前寫下的日記，總是有趣！

早幾個星期前，在收拾房中雜物，拿回舊照片出來看。哈哈，時代的巨輪不斷的運轉。朋友們，你們還好嗎？

面對 contact list 內百幾個電話，但 over 95% 都係冇用的，當你悶到反眼都打不出一個有用的電話。夠竟，我的朋友數目係唔係少到發慌？

休閒的星期六

今日原本想去參觀嘉峰臺，看來也是去不成了。

尋晚打開櫃子，才發現我有一個多禮拜沒有把頸鏈項上！唉，什麼也不記得了。

由於太悶的關係，尋日去礸石山的 Hollywood Plaza 兜了一個圈。為的是去電子遊戲機中心玩樂。用了港幣八元打機，但車費卻要 HKD$6.5 (85M) 和 HKD$ 6.1 (286M)。即是 HKD$12.6。這次消滅時的成本比目的還要貴！Efficiency 係勁低！荷里活廣場冇咩點變，唯獨是 KFC 關門裝修。那搖控的直升機好很過癮，但係又唔捨得買！才二百多元啥！我在何時變得那麼手緊的？

最後，我用了二十元去 Italian Tomato 度買了一個雙球雪糕。係芒果加 Rocky，我o既評價係...













好似 Kida Garden 好食o的。

由於 MSN 個 Live! spaces 勁慢！我決定放棄它！轉投(用番) blogspot。

相隔甚遠

見人玩 Blog 玩得咁過癮，自己亦都手痕痕搵番個 Blog 來寫！唉，一找之下，發現自已原來一早有個 blogger.com 的 account. 都話o架喇，不能堅持每日一篇！因為...

1) 時間不夠 --- 人們總說自己冇咩時間，唔夠時間... (借口吧)
2) 心情不好 --- 一個比之前更爛的籍口。
3) 冇咩好寫 --- 是旦喇，咁o既籍口都講得出。
4) 怕得罪人 --- 雖然唔怕死o既一個靚仔姐，都怕得罪一些人吧。

你睇下，我對上一個 blog 係一年多前寫的！仲扮晒西人咁用雞腸寫。懶有深度咁，又講o的唔講o的咁，最後，連一年幾後的自己都唔知係想講咩，你話死唔死呀？

秋天到了

今日出去見客，當然係唔芳係早o個隻喇！街外雖然係曬，但係都唔覺得熱，坐o左o架冇冷氣的巴士，o的風吹埋o黎o個時居然係覺得凍...睇o黎夏天真係俏俏的離開了。或者錢也不知不覺的離我而去呢~~~救命呀，今期唔知點解入不敷支...

can i go to shanghai? i hope i can! according to big mouth, it seems that i may get the actual meaning of that wordings which i cannot understand for several years

actually, i have got it already...

幾日冇寫 blog

oh my god~~~
原來我幾日都冇寫到 blog... fxxk

呀，沙田間周記避風塘，真係一絕！超貴(其實又唔係超貴o既)！只不過o的o野食冇咩特別兼且勁細份 lor!

返工放工，唉，如果沒有你~~~日子怎麼過~~~(要用普通話唱的)

想去考番個CFA，但係好似好漫長同埋唔知o岩唔o岩自己做。

頂，公屋申請被人 reject，因為我仲未遷出戶籍。 what's the fxxking hell going on!?

keep achieving higher living standard.

christy 家姐問了我一個人生交差點的問題。真係難答。講真，真係唔識答。

天氣不穩的 Sunday

今日九點半就起身，不過係超級頭痛，我估最主要原因係因為唔夠"目訓"。

elel 就好喇，有得買 notebook，不過我都可能佔 23%

尋晚手痕買o左兩場波，好麻煩，幾廿個 step 都買唔到。最終係 profit HKD$9.1

玩 DIABLO II，有少少沉默。家陣要去九龍城。

陪 el 探婆婆，食 KFC，打機(阿 Ben 都係度)

返沙田，食好好~~~

出旺角，買 DVD-Writer，坐 Cafe

回家，裝 Writer，試機 ^^

my first blog

well...
right here is my first blog. i don't know if i can keep writing my diary here.
try my best!

today, just finish meeting with raymond and stanley in sunshine city.