六月睇瑩光蟲@Great Smoky Mountain

原來，六月在 Great Smoky Mountain 可以看到瑩光蟲。特此一記。

股票期權操作小分享

小弟又終於忍唔住手去買股票，你估，會唔會又係股票大跌巿之先兆呢？不過講開又講，呢次又嚟疑似疫症，咩中東呼吸系統綜合症，啲報道話係類似 SARS 喎。又令我諗起走咗無幾耐的勞永樂醫生。 講返正題，小弟買咗： 0939@7.77 2800@28 2828@141.9 跟住，我就做咗我人生第一張o既期權合約。 SC XCC@8.00 0.11 (當時 0939 好似做緊 7.5x) 其實我唔係好識，都係上網睇見人地做我又做。 Short Call 簡單啲嚟講就係： Short = 唔睇好 Call = 升 Short Call = 唔睇好升 呢次呢個操作其實好(粗口)保險，點解咁講呢？ 首先，我係有持貨 0939 在手。只要我 short call 張數 match 翻我實貨數量，就算俾人行駛，我都一定有貨俾人。 第二，0939 今個月派息，佢派大約 0.3 per share，即係除淨日會跌 0.3 做 buffer，被人行駛合約o既機會又細一啲。 第三，就算係真係會被人行駛，我 7.77 入，要以 8.0 去放貨俾人，我都仲係有錢賺，雖然係小，但都係賺。 好啦，咁我搞咗場大龍鳳，張 Short call 又咗啲咩呢？就係每張合約可以收到 $110 的期權金。即係有對家(買入我張合約o既人)用咗 $110 去買咗個保險，如果有需要時可以以每股 8.0 去同我買一手 0939。 如果 0939 無升穿 8.0，我呢每張 $110 o既期權金就袋袋平安囉。

我的(新) notebook Lenovo X230

話說小弟終於有部新 notebook，我是從 Craigslist 尋寶回來的。

小弟離鄉別井後，一直沒有自己擁有一部專屬電腦，只是常常流動的使用老婆的 HP 發燒 notebook(佢成日好鬼熱，個風扇成日都好似開 turbo 咁都散唔到熱。仲有就佢個入風位做到超差，你平放張枱度佢都會自動 overheat 到自動關機，你話我起唔起火，所以我成日都同人講千其唔好買 HP notebook，買 dell 好過)，或者係姐夫家的 chromebook 或 dell。當然，我老婆部 HP 係平機款，但我都係覺得唔應該會過熱，枉佢仲係 HP 產品。

講翻我部新 notebook，佢極度新淨，最終賣 USD$400。Config. 如下：
Intel i5 3320M 2.6GHz
4GB ram + 4GB ram (upgraded by seller)
Samsung SSD 840 EVO 250GB (upgraded by seller)
USB 3.0
Fingerprint reader
Bluetooth 4.0
Webcam
HD4000 display
12.5" 1366x768 monitor
Ultrabay Series 3 docking with DVD-RW
6 Cells battery
another 6 cells spare battery
Notebook bag

部機仲有 3 個月保養！我知道呢部機唔係新機，佢仲係兩年前o既機款。但係呢個 config 對我嚟我好似真係夠用，同埋，佢已經係 SSD，真係開關機真係爽爆炸，同埋，個指模開機真係好過癮，辨認率十分高，直頭一揭起個 mon. 就可以 scan fingerprint 開機，入到 windows 仲可以自動 login 埋添。我用咗兩個多星期，真係無咩投訴。速度一流，又唔熱，又暢順，又無咩嘈音，又輕，仲有我好 like o既小紅點。唯一投訴就係佢個 keyboard 係無 backlight 的。又可以重拾 IBM Lenovo X series 啲情懷，真係好開心。

唔知，呢部機我會用到幾多年呢？

發噏瘋之論盡某網誌的LED bulb 燈膽點評

話說好多日都無寫 blog，決定一連出幾個 post 先。

今次講o既係有個 IT blog 的對 LED 燈膽的介紹。那位筆者是位香港挺有名氣的 IT 記者，佢曾經為 chinese engadget 打工的，家陣為自由人。我自己本身有有經常看他的 IT 產品介紹文章。但就比較小看 video，因為覺得 video 好多時覺得節奏好慢。(其實係我個人比較心急，睇文章可以自己控制快慢，仲有，係 snake yellow 嗰時睇 video 會太張揚了吧！！！)

話說有一集佢係話 LED 燈膽喎，嘩嘩嘩，開正我嗰瓣，唔睇唔得喇，小弟話晒都從事 LED 燈這行業。點可以唔支持下同埋睇下有咩好介紹呢。
當中佢當然有介紹 LED 燈胆，就係阿超人都有份投資嗰款。不過老實講，兩三年前我第一次睇就得覺得好前衞，但今時今日就實在好核突。因為佢個燈板同 LED components 外露：

• 無好的防塵和阿水保護。
• 外觀。
• User experience，LED 燈經常俾人感覺係好刺眼，無錯，LED components 本身佢光源係由一點發出，有別於白熾燈(incandescent light)或者慳電膽(fluorescent light)咁個光源唔會集中在一點。所以大廠或對燈光有要求的製造商都會加 diffuser 去令棧燈望落去柔和啲、睇唔到入邊一粒粒 LED components 咁醜樣同埋令用家睇唔出入邊同LED components。

佢介紹嗰個 LED 燈泡真係中晒我上面三個o既缺點。唯一o既解釋係，慳成本同埋易啲散熱。個燈泡原本以當時設計係幾前衞，因為佢可以做到差唔多叫做 omni-direction。即係好以一般烏絲燈胆同慳電膽咁360度都會有光出嚟。早兩二年前啲LED燈胆好多時都技術/組裝突破唔到，LED 光源有方向性，令一般用家係實際使用上有唔能夠完美取代烏絲燈胆同慳電膽。但家陣，好多牌子都做到，taobao 你都 search 到，才十幾廿蚊人仔一個，好心就咪再搵嗰個所謂'高科技'LED 燈膽出嚟介紹。我呢個半桶水o既工程師睇到都忍唔住要講粗口。

 好喇，就當你係想話俾觀眾聽，對比一下傳統白熾燈、慳電膽同LED 燈膽o既比較，咁比較都不在乎幾方面：熱量、用電量、使用感受同價錢。但係要比較，都要基於同一標準或者Spec.o架。例如，起碼大家都要同一光度/亮度，同一色溫(2500K/3500K)，即一般所謂的黃光 warm white/白光 cool white)先有得比較。你用個 2700K o既烏絲燈膽同個 3500K/5000K o既其他燈膽去比就梗係會黃啲o架喇，定等如你用灰色同黑色比較顏色，然後話：咦！？灰色嗰件嘢唔夠黑色嗰件咁黑色喎！你話呢個比較仲算唔算係比較呢？

1. 熱量方面，無錯，熱量越高反映佢由電轉換為熱越高，即係效能就越低。因為電 ---> 光 + 熱。咁 suppose 烏絲燈膽應該熱過慳電膽，而慳電膽又應該熱過LED 燈膽。佢用支探熱槍去度溫度我無咩異議，都係幾易話比觀看者聽有幾熱。我先唔理佢 IR Thermal detector 有幾準同個別測試點也可以有很大的溫度差異。但最起碼，比較發熱量都要係大家相同光度/亮度的燈膽去比較！你用個 10W o既燈膽同 100W o既燈膽比就梗係 100W o既發熱量熱o的喇。佢比較前無說明樣本個 spec.，我覺得唔夠公平比較同埋或有誤導之嫌。
2. 用電量，你用個 wattmetter 去度下咪知係唔係慳咗電囉，坊間大把啲直插 socket o既度功率錶喇，同上一點一樣，唔該你搵翻個相同光度/亮度o既燈膽去比較先知大家係相的 lumen/lux 輸出下，邊個用電小啲咪慳電啲囉。
3. 使用感受，你話 LED 膽刺眼啲，我無可厚非，因為佢介紹個 sample 確有呢個缺點。但唔該，你係要基於同一 conditions 去比較，即係相同色溫同大約相同的光/亮度先去比較。
4. 價錢，無謂多講，唔同 conditions 跟本就無得比較，1500cc 同 2500cc o既車會唔一樣價錢呀？

 其實，我唔係想抺黑佢。我只係想大家做網誌公開咁介紹產品前，多做一點搜集和功課，比較時基於一個要求，咁可以令其他唔熟識o既讀者更易明白同清楚各產品/ technology 有咩好處壞處，咪誤導人，俾其他業內人士睇到都真係 O 晒嘴。

Thinkpad Factory Recovery Disks reset

話說小弟終於忍唔手買入了一部挺新的二手 X230，成惠USD$400。8GB ram，250GB SSD。仲有三個月保養。

小弟鍾情 Thinkpad X series，一切源於 X41 開始。

入正題，話說想同個 recovery 做翻個 backup，好讓第日換 HDD 都可以用翻原裝 recovery 同 windows。問題嚟喇，佢只可以玩一次。但上網就有教你點去 reset。特此紀錄。

1. 先在 cmd 下打入

echo 0 > Q:\FactoryRecovery\RECOVERY.INI:Done

2. 去 Q:\factoryrecovery (要去"Window檔案總管-->工具-->資料夾選項-->檢視,將"顯示隱藏的檔案、資料夾及磁碟機”剔咗佢，"隱藏保護的作業系統檔案"取消剔),之後喺裡面加返個檔案 "cdrivebackup.wim"(我既做法係攞"sdrivebackup.wim"嚟改名)

咁就成功 reset！

Estrelitta - Heifetz

沉重的話題 移民

話說小弟在無意間看到 blog 友轉載的一個無線節目：星期日檔案 - 去與留。

話說好多人話想移民，這話題在於香港人來說簡直是沒完沒了一個話題。香港，本身就是一個移民城巿，本來很多人視香港為跳板。就在中國割讓香港給英國時，有很多中國內地人為了找尋更好的生活，就舉家移居香港，為的，只是想要更好的生活，沒想過要一世都留下，總想假以時日，帶著累積的財富，反回家鄉安享晚年。

誰知道，這班人在香港落地生根，他們，以至他們的兒女，甚至孫兒，都適應了香港的生活、香港的環境、香港的社會風氣、香港的教育、稅制以及法律。慢慢，他們雖知道自己故鄉在哪，但己淡忘了當初的想法，那刻，他們只想繼續的留在安穏的香港安享晚年。

英國殖民的香港，從教育上根本就刻意淡化國民意識，為的當然是易於統治。故英治香港的國民意識、我是中國人這意識、以及政治意識都偏弱。當然，當時中國跟香港無論政治、經濟、文化各方面差異實在太大，導致有一部份人對我是中國人這事實甚至變得抗拒。

隨著香港人生活及經濟不斷的提高，對於基本生活有所滿足後，開始對生活有要求而且有所提高，以及自身存在價值都有另一番的追求或領悟。慢慢，移民這話題又再次出現。

無錯，移民從從來都沒有對與錯，出發點都是希望對個人或家庭有好處而作出的一個想法或決定。移民的人要同時面對多方面的轉變，實值得細心考慮。

尤其，以香港為例，生活於香港的人經常投訴，生活環境狹窄，樓價貴，向上游的機會縮窄等等等等…同時，香港人亦享受超低的稅制、極度便宜的醫療系統、全香港的車路行人路燈火通明、相對廉價但卻超級便利的公共運輸系統、便宜的通訊服務、周圍都是便利購物娛樂場所、低失業率等等等等…在移民或想移民之前，你們又有否認真想過這些切身的生活改變？而你又會願意接受這些改變而去換取你心中所追求的好？

片中好值得人留意的一席話：如果你因為覺得香港有問題或者你不喜歡的地方而你就萌生移民的念頭，最後只怕這地球上沒有多幾個國家你會覺得滿意，只怕你一直不斷的移民也未能找到合適的地方。

無題之發噏瘋 - 跳字錶

當你的印象和記憶還停留在十數廿年前，其實分針己默默的跑了超過十叄萬個圈了。你猜那些人和事還會跟你印象的那個從前的那個樣乎？

看見那些人和事跟自己的想象不一樣的，心裡充斥期望與失落的同時，其實自己也一點一滴改變了卻不自知。有如秒針緩緩的移動，不停的改變分針和時針的位置。可惜的是，怎樣轉只是在框框內氹氹轉。

而我，是否應去換一隻電子跳字錶呢？

情陷夜中環（轉載）

情陷夜中環

春天所感 - 飛鵝

放慢了腳步,沒弄網誌一段時間。 大地回春，家姐外母一家忙於清除草地上的雜草、樹根，並鋪上木碎，以防雜草叢生。需知道，這遍草地用香港人的角度睇應該屬於草原。小弟有幸幫上一把，唯對門前的大樹根有點力不從心，有老鼠拉龜的感覺。於網上一查，人家都用車或'積'去把樹根連根拔起。我們卻用鋤頭慢慢把樹根弄掉並嚐試用人力把它拉起，實在費勁。當然，革命是尚不成功的。 看見樹枝末端開始長出嫰葉，心裡有小許不是味兒。因為小弟審美眼光確是有點怪，喜歡看到光禿禿的樹枝，感覺很潔淨，沒遮沒掩把所以東西都看個通透，草地(草源)也很看個通透，給我很舒服的感覺。試想想，公路兩旁都有密密麻麻的樹葉擋著視線，不耐看也很不爽。 黃昏時份(晚上八時，取其天色，並非時間，IL這邊日照時間比較長)，剛吃過晚飯，在窗邊遠眺一番。雖知竟有五隻野鹿在草地上吃草。心裡暗喜能如此近距離目睹鹿的活動形態。另一邊廂，那些肥鵝群也不亦樂乎的邊走邊吃，情景有趣。 如此肥美的鵝，以往只能在食肆的廚窗以金黃脆皮的形式出現，很難想像到原來牠們是懂得翱翔天際的。點解雞飛不起呢?鴨又懂得飛嗎?

Kowloon Walled City of Hong Kong

今天放工回家，上網找到了 WSJ 的一個 project page. http://projects.wsj.com/kwc/ 有著珍貴的歷史影象和真實訪問，香港人實在值得一看。另外我亦推介一本圖片集-CITY OF DARKNESS REVISITED。它是再版來的，由一個加拿大人花了五年時間去認識、拍攝。很值得一看。

Mobile phone plan @USA II 後續

話說小弟晚上十一時多去 H2O Wireless 網上進行帶號轉台登記，到翌日中午十二點半就突然轉台成功。StraightTalk 突然會無 Signal，但係 H2O Wireless 又未增值，出現真空期，既打不到電話，又上不到網增值，真係要小心。 Straight Talk 個 account number 是 BYOD sim card 的最尾 15 位數字，PIN 係自定的 5 位數字。填好前 service provider 所填的地址。就應該沒什麼問題了。這次無痛轉台實在是一個好經驗。 登記了 autopay，仲平了10%！實收 USD$27 per month。StraightTalk 仲要俾 tax,什麼 911 fee, 什麼 facilities fee，實在蛊惑，埋單差不多 $50。各位要留要。所以 H2O 暫時對我來說比較實惠。4G LTE 500Mb。 試了香港電話直撥，效果有點強差人意，通話質數挺差。估計是 IP Phone IDD 問題。但不用錢的情況下多一項功能，尚可接受。

Mobile phone plan @USA II

用了幾個月的 straight talk。大致上沒什麼投訴，只是 USD$45 一個月的費用好像有點不平宜，而且 3Gb 的 data 實在用不完。故又上網尋尋覓覓有什麼其他選擇。終於給我找到另一家虛擬電訊商：H2O Wireless。看中了它的 USD$30，連 500Mb 4G LTE data，無限 airtime，無限 int'l text，仲可以 international call HK 呀，實在合我河車。故此，去 ebay 用 0.99 買了一張 sim card，再 transfer number 去 H2O Wireless。看看這次成不成功。

Credit card

唉，去咗美國都成四個月，都未有一張 credit card。

之前試過去 Chase 開戶口時順便申請埋 credit card。但無幾耐就 send 翻封信嚟話唔批。我 x 吖！我喺香港嗰陣，信用信多到爆炸，真係車都碌到o架翻嚟。家陣喺美國居然申請唔到！真係既唔方便同自信頓時下降。入油又唔方便，又唔可以 online 買唔到嘢，唉，總之就勁唔方便。

早兩日，突然間收到有一間信用卡公司話 pre-approval。心諗，點解你會有我個名同地址呢？之後，係個名度透露咗小小玄機。原來係因為我 online banking 去交過老婆張信用卡數。被信用卡公司 capture 咗我個名同 checking a/c，估計佢就跟手 check 我 credit report。佢就膽粗粗咁 pre-approved 一張卡俾我。真係巴閉，佢批 USD$500 俾我咁大把，唉，真係人離鄉賤。唔係為咗儲 credit  score，真係彩你都有味。 保持自己宗旨，唔批我信用卡者，永不錄用。看來我同 Chase 信用卡都係無咩緣份。

Another programming learning website

https://www.thenewboston.com/ 呢期真係有排玩！

Starbucks 片刻之旅

話說小弟今天為到銀行提存，開車到外一逛。跟老婆到 Starbucks 坐一下。本身已準備好雜誌跟 chromebook。好讓消磨一下時間。 眼見自己對咖啡沒甚頭緒，就按今天它寫在黑板上寫上的 signature drink，老婆點了 iced tiramisu latte，而我就點了個 caramel flan latte。em... 太甜了，近六七年，自己戒了糖這習慣。原因為有二：第一，懶型；第二，想知道飲品的原本味度。無錯，我係奶茶、咖啡、檸荼、檸水所有餐飲，只要是可以去糖的都不加糖。 尤其咖啡，很久沒嚐過甜的咖啡了。小弟自問對咖啡其實沒有什麼認識，只知道咖啡打開太久就會氧化變酸。所以自己一直都有自己磨豆再沖泡咖啡的習慣。最近，去超巿買個越南咖啡粉，嘩，味道果然特別，第一次入口真的要小小時間去慣習那特別的味道。話說回頭，那杯 caramel flan latte 實在是太甜啦，什麼咖啡味道也嚐不到。好像有點浪費！唉，老美的人看來是想喝個東西多於想喝個咖啡。 看來，我己慣習了自己的口味了。要不下一次我點一個不要糖的再試一下。 老婆說，坐得不太舒服。我的雜誌沒看上幾頁就要走了。See you starbucks.

Apple Macbook

這次 Apple 的最新發佈，雖然 Apple Watch 是眾多人的焦點所在，就連 Apple 自己的頭版網頁也是 Apple Watch。但令我喜出望外的卻是 MacBook。這次 MacBook 比 MacBook Air 更薄，而那金色，對我來說真的是有點貴氣耶！我本身對 MacSafe powerplug 極之欣賞，雖然說新的 MacBook 沒了這個設計，換來只有一個 USB Type C 的 interface 跟一個 earplug。但它就是能給你一個字：薄！但仍有notebook甚至更新的效能和使用體驗，你還可以投訴什麼？這次無論電池、Keyboard 本身都有重新設計，有 technology breakthrough，我覺得抵讚！ 這才是像點樣的 Apple 呢！

雪融化了 春天來了

冬天已看來已經遠走他去，只留下半點不多的痕迹。對我來說，這邊的人很怪，他們挺喜歡春天的來臨。我？不是不喜歡，只是沒有特喇期待或興奮，春天反正會來，冬天下雪雖會帶來不便，但亦不致於生活停頓。雖然今年於零下廿幾度的異地渡過，但卻是另一番體會。沒想像中那麼辛苦、沒想像中那麼難過。可能，有車代步而不用等巴士的源故，只要小心駕駛會行。 有西人同事跟我說，有些他們很討厭下雪。我在想，既然討厭，便想辦法改變，要不去其他地方呀，只說沒行動，說個屁耶！就跟工作一樣，要不接受，要不就改變呀。 最近發覺自己有點口臭，原因是太久没跟別人吹吹牛皮 w/廣東話。有無人可以跟我吹吹水? 有無人發現為什麼文人老是喜歡在海外留學特喇喜歡思鄉及思考人生。我會覺得因為他們在異地悶得發慌卻又沒事可做，只有在海外異地，才没有人去理會你打擾你，他們才會有閒情逸致去思考人生。 有沒有人可以追蹤一下我給我鼓勵我去繼續在這放屁？

Unaccompanied Cello Suite No. 1 in G Major, BWV 1007: Prélude

人生不能避免@美國

究竟有無人可以教我一下如何報美國稅？我唔知要點做呀，救命...